Երեքշաբթի, 28 Փետրուար 2023-ի առաւօտեան ժամը 9:00-ին, Նորսիկեան մանկապարտէզի կանաչ դասարաններու աշակերտներուն հայրերը (ոմանց՝ մայրերը) այցելեցին մանկապարտէզ, որպէսզի իւրաքանչիւրը իր ասպարէզը ներկայացնէ փոքրիկներուն, այսպիսով աւելի եւս ամրապնդելու «Արհեստներ եւ արուեստներ» կեդրոնական նիւթին բացատրութիւնը: Իւրաքանչիւր հայր իրեն հետ բերած էր իր գործին վերաբերող իրեր կամ նկարներ: Այս առիթով, փոքրիկները…
Կազմակերպութեամբ ՀՅԴ Լիբանանի Կեդրոնական կոմիտէի ՋԱՀ յանձնախումբին, Հինգշաբթի, 23 փետրուար 2023-ին, տեղի ունեցաւ «Արցախի կոթողները» խորագիրով շրջուն ցուցահանդէսը, որուն ներկայ գտնուեցան միջնակարգ եւ երկրորդական բաժիններու աշակերտները: ՋԱՀ յանձնախումբին կողմէ խօսք առաւ Համազգայինի Կեդրոնական Վարչութեան ատենապետ Զաքար Քէշիշեան, որ ամփոփ կերպով անդրադարձաւ ՋԱՀ-ի գործունէութեան եւ ձեռնարկի նպատակին, ապա «Ազդակ»…
Երկուշաբթի, 20 Փետրուար 2023-ին, Համազգայինի Կեդրոնական Վարչութեան գրասենեակի տնօրէն Արին Գալուստեան հանդիպում ունեցաւ Ճեմարանի աւարտական դասարանի աշակերտներուն հետ: Ան անդրադառնալէ ետք Համազգային հայ կրթական եւ մշակութային միութեան հիմնադրութեան, նպատակին, աշխարհատարած կառոյցներուն եւ գործունէութեան, ներկայացուց Կեդրոնական Վարչութեան երիտասարդական ծրագիրները: Ան մանրամասն տեղեկութիւններ տուաւ իւրաքանչիւր ծրագրի մասին, ապա պատասխանեց աշակերտներուն…
Կիրակի, 19 Փետրուար 2023-ին Բուն Բարեկենդան էր։ Երկուշաբթի օր, Նորսիկեան մանկապարտէզի վարդագոյն դասարաններու փոքրիկները բարեկենդանի երգեր երգեցին եւ շինեցին բարեկենդանի տիկնիկը` ակլատիզը։
Ճեմարանի Ընկերային Ծառայութեան Գրասենեակի աշխատանքներու ծիրէն ներս, Երկուշաբթի 13 Փետրուար 2023-ին, նախակրթարանի Ե. դասարանի աշակերտները հանդիպում մը ունեցան Ճեմարանի շրջանաւարտ սննդագէտ Անի Տեքերմենճեան Ժերդիտեանի հետ: Ան հետաքրքրական գիտելիքներ փոխանցեց սննդարար ուտելիքներու ճիշդ համադրումին, ինչպէս նաեւ՝ վնասակար ուտելիքներով սնուելու հետեւանքներուն մասին, ապա պատասխանեց աշակերտներուն հարցումներուն:
Կազմակերպութեամբ Ընկերային Ծառայութեան Գրասենեակին, Երկուշաբթի 13 Փետրուար 2023-ին, կեանքի հմտութիւններ եւ ընկերային կազմաւորման ծրագրի նիւթերէն «Առողջապահութիւն եւ ակռաներու խնամք» նիւթը Դ. դասարանի աշակերտներուն ներկայացուց Ճեմարանի շրջանաւարտ Տոքթ. Իշխան Եղիայեան: Աշակերտները մեծ հետաքրքրութեամբ հետեւեցան եւ ստացան իրենց հարցումներուն լուսաբանութիւնները:
Չորեքշաբթի, 15 Փետրուար 2023-ին, Երգով ու պարով, գոյն֊գոյն հագուստներով, Նորսիկեան մանկապարտէզի փոքրիկները նշեցին բարեկենդանը։
Երկուշաբթի, 13 Փետրուար 2023-ին, Նորսիկեան մանկապարտէզի փոքրիկները իրենց դաստիարակներուն հետ տողանցեցին մանկապարտէզի բակին մէջ: Փոքրիկները մեծ խանդավառութեամբ արտասանեցին եւ երգեցին Վարդանի ու Աւարայրի ճակատամարտին նուիրուած կտորներ:
Հինգշաբթի, 26 Յունուար 2023-ին, Նորսիկեան մանկապարտէզի կապոյտ դասարաններու աշակերտները այցելեցին Մթայլէպի «Spinneys» հանրախանութը` նախաճաշի սննդական նիւթեր գնելու համար։ «Spinneys»-ի անձնակազմը փոքրիկներուն բաժնեց «croissant» եւ հիւթ։ Ուրբաթ առաւօտ փոքրիկները նախաճաշեցին մանկապարտէզէն ներս։
Կազմակերպութեամբ Ընկերային Ծառայութեան Գրասենեակին, Չորեքշաբթի, 11 Յունուար 2023-ին, աւարտական դասարանի աշակերտները հանդիպում ունեցան երեք տարբեր սերունդներու շրջանաւարտներու հետ՝ Տիրան Կիլիկեան (2001-ի շրջանաւարտ), Սեպուհ Եղիայեան (2003-ի շրջանաւարտ) եւ Տոքթ. Ժանօ Քէքէճեան (2008-ի շրջանաւարտ): Իւրաքանչիւր շրջանաւարտ ներկայացուց իր կարեւոր որոշումները կեանքին ընթացքին ու շեշտեց անհրաժեշտութիւնը որոշումներ կայացնելու (decision making), ինչպէս՝…
Միջնակարգի Է. դասարանի աշակերտները ամէն տարուան սովորութեան համաձայն, ամբողջ Դեկտեմբեր ամիսը հաճելի ներկայացումներ մատուցեցին անգլերէն լեզուի դասապահերուն: Աշակերտները շինիչ ներկայացումներով հետաքրքրական մթնոլորտ ստեղծեցին դասարանէն ներս «Կաղանդը եւ Ս. Ծնունդը տարբեր երկիրներու մէջ» խորագիրով: Անոնք օգտաշատ տեղեկութիւններ փոխանցեցին զանազան երկիրներու կաղանդի աւանդութիւններուն եւ սովորութիւններուն մասին: Աշակերտները իւրայատուկ եւ հետաքրքրական…
Ուրբաթ 23 Դեկտեմբեր 2022-ին, Նորսիկեան մանկապարտէզի փոքրիկները երգերով ու պարերով Կաղանդ տօնեցին։
