Հինգշաբթի, 22 Դեկտեմբեր 2022-ի առաւօտեան, տարրական բաժինի աշակերտները պատրաստեցին Նոր Տարուան յատուկ ձեռային աշխատանքներ, ապա ուղղուեցան դէպի «Playo by Louna» թատերասրահ, ուր դիտեցին Կաղանդի երաժշտախառն թատրերգութիւնը: Անոնք պատրաստեցին եւ համտեսեցին տուրմով հացիկներ, շոգեկառքով պտըտեցան եւ խաղավայրը խաղացին: Հաճելի եւ ուրախ ժամանակ անցընելէ ետք, աշակերտները վերադարձան դպրոց, ուր Կաղանդ…
Հինգշաբթի, 22 Դեկտեմբեր 2022-ին, Ճեմարանի Թ. դասարանի եւ երկրորդական բաժինի աշակերտները իրենց ուսուցիչներուն եւ տնօրէնութեան ընկերակցութեամբ մասնակցեցան լիբանանահայ վարժարաններու Արցախի զօրակցութեան աշակերտական ցոյցին, ՄԱԿ-ի Լիբանանի կեդրոնին դիմաց։ Ցոյցի աւարտին, աշակերտներու պատուիրակութիւնը Արցախի մանուկներուն իրաւունքները պաշտպանելու կոչով յուշագիր մը յանձնեց ՄԱԿ-ի պատասխանատուին։
Հինգշաբթի 15 եւ Ուրբաթ 16 Դեկտեմբեր 2022-ին տարրական բաժինի Գ. դասարանի եւ նախակրթարանի աշակերտները ներկայ գտնուեցան Համազգայինի «Արեգ» մանկապատանեկան թատերախումբի «5-րդ եղանակը» երաժշտախառն թատրերգութեան ներկայացումին: Կը գնահատենք Ճեմարանի հետեւեալ աշակերտները, որոնք իրենց մասնակցութիւնը բերին այս թատրերգութեան. Լիլիթ Տէմիրճեան, Սէրլի Սիւմպիւլեան, Արմէն Սիւմպիւլեան, Կալիա Գարկայեան, Լիմ Քէնտիրճեան, Վանա Կարապետեան,…
Մելանքթոն եւ Հայկ Արսլանեան Ճեմարանը հանդիսացաւ Միջին Արեւելք եւ Հիւսիսային Ափրիկէ տարածաշրջանի առաջին դպրոցը, ուր «Պոսթըն Սայընթիֆիք» կենսա-արհեստագիտական (biotechnology) ընկերութիւնը ներկայացուց դպրոցական աշակերտներու համար պատրաստուած իր STEM (Science Technology Engineering Math) ծրագիրը: Աշակերտներուն հետ զրոյցը, զոր վարեցին «Պոսթըն Սայընթիֆիք»ի չորս զեկուցաբերներ, անդրադարձաւ առողջապահական եւ բժշկական սարքերու պատրաստութեան մէջ…
Երեքշաբթի, 6 Դեկտեմբեր 2022-ի երեկոյեան ժամը 6:00-ին տեղի ունեցաւ Համազգայինի Մ. եւ Հ. Արսլանեան Ճեմարանի «Ատոմ եւ Սելլա Թնճուկեան» նոր դարմանատան պաշտօնական բացումը, ներկայութեամբ բարերարներ Ատոմ եւ Սելլա Թնճուկեաններուն, Համազգայինի Կեդրոնական Վարչութեան եւ Ճեմարանի Խնամակալութեան ներկայացուցիչներուն, Ճեմարանի անձնակազմին, Ծնողական Խորհուրդին եւ շրջանաւարտներու միութեան վարչութեան անդամներու: Դարմանատան եւ առողջապահական…
Հինգշաբթի, 30 Նոյեմբեր 2022-ին նախակրթարանի աշակերտները ներկայացուցին թատրոնի դասապահերուն իրենց պատրաստած թատերախաղերը: Ներկայացումը նուիրուած էր Լիբանանի անկախութեան 79-րդ ամեակին: Բեմին վրայ, Դ. դասարանի 8 աշակերտներ դասարանին մէջ կը զրուցեն իրենց ուսուցչուհիին հետ, հետեւեալ նիւթերուն մասին. Ի՞նչ կը նշանակէ անկախութիւն եւ ի՞նչ է անոր ազդեցութիւնը ժողովուրդին վրայ, լիբանանահայերուս պարագային՝…
Երկուշաբթի, 28 Նոյեմբեր 2022-ին, մանկապարտէզի կապոյտ դասարաններու աշակերտները իրենց ուսուցիչներուն ընկերակցութեամբ այցելեցին հրշէջներու կեդրոն։ Անոնք ծանօթացան հրշէջներուն եւ խօսեցան հրշէջին պարտականութիւններուն մասին: Ապա ուսումնասիրեցին հրշէջներու ինքնաշարժը եւ անոր զանազան բաժանումները: Աշակերտները ամրապնդեցին իրենց բառամթերքն ու գիտելիքները եւ ուրախ վերադարձան դպրոց։
Կազմակերպութեամբ Ճեմարանի Ընկերային Ծառայութեան Գրասենեակին, Շաբաթ, 26 Նոյեմբեր 2022-ին, Հայաստանի A.U.A. համալսարանի ընդունման գրասենեակէն ներկայացաւ Մեղրի Խօշեան եւ ԺԱ. եւ ԺԲ. դասարաններու աշակերտներուն հետ մտերմիկ զրոյցի մը ընդմէջէն լուսաբանութիւններ տուաւ համալսարանի տարբեր մասնագիտութիւններուն, զեղչի դրութեան եւ Հայաստան ապրելու կարելիութիւններուն մասին:
Ուրբաթ, 18 Նոյեմբեր 2022-ին, տարրական բաժինի աշակերտները մեծ խանդավառութեամբ՝ երգերով, պարերով, արտասանութեամբ եւ թատերական ներկայացումով նշեցին Լիբանանի անկախութեան տօնը։ Օրուան խորհուրդը փոխանցեց դպրոցի ծնողներէն՝ զինուորական Վարդան Նիզեան։ Ան խօսեցաւ անկախութեան մասին, շեշտելով զինուորին դերակատարութիւնը։
Նոյեմբեր ամսուան ընթացքին ՀՕՄ-ի եւ Համազգայինի Կեդրոնական Վարչութիւնները այցելեցին Ճեմարան, շրջեցան դպրոցի զանազան բաժինները եւ մօտէն ծանօթացան Ճեմարանի առօրեային, արձանագրած յաջողութիւններուն եւ դիմագրաւած դժուարութիւններուն։
Լիբանանի անկախութեան տօնին ընդառաջ, Չորեքշաբթի, 16 Նոյեմբեր 2022-ին, Նախակրթարանի աշակերտները իրենց ուսուցիչներուն ընկերակցութեամբ այցելեցին Լիբանանեան Օդուժի Պէյրութի Խարիսխը (قاعدة بيروت الجوية): Այցելութեան ընթացքին, սպաները աշակերտներուն ներկայացուցին կառոյցին տարբեր շէնքերն ու բաժանումները: Աշակերտները առիթը ունեցան տեսնելու լիբանանեան օդուժին պատկանող քանի մը ուղղաթիռներ եւ իմացան անհրաժեշտ տեղեկութիւնները անոնց մասին: Աշակերտները…
Հինգշաբթի, 17 Նոյեմբեր 2022-ին, մանկապարտէզի կապոյտ դասարանի աշակերտներուն օրուան բոլոր աշխատանքները կեդրոնացան «Շրջապատս մաքուր կը պահեմ» նիւթին շուրջ: Օրուան նպատակն էր ամրապնդել երեխաներուն մօտ շրջապատի մաքրութեան վերաբերող անհրաժեշտ գիտելիքներ: Փոքրիկները դպրոց եկան դոյլերով, սպունգներով եւ լաթերով: Դպրոցի ընկերային ծառայող Սիլվա Սողոմոնեան պատմութեան մը ընդմէջէն փոքրիկներուն խօսեցաւ մաքրութեան կարեւորութեան…
