Ընկերային կազմաւորման ծիրէն ներս, Երկուշաբթի, 6 Մայիս 2019-ին, միջնակարգի Ը. դասարանի եւ երկրորդական բաժինի Ժ. դասարանի աշակերտները հանդիպում ունեցան Ճեմարանի շրջանաւարտ Ռուբէն Ալեքսանտրեանի հետ: Մտերմիկ մթնոլորտի մէջ, Ը. դասարանի աշակերտներուն Ռուբէն Ալեքսանտրեան նախ խմբական աշխատանքի մը ընդմէջէն ներկայացուց ամբողջ օրուան մը ընթացքին այդ տարիքի աշակերտին առօրեան, որ կ’ընդգրկէ…
Ուրբաթ, 3 Մայիս 2019-ին, Մանկապարտէզի Կանաչ դասարանի փոքրիկները, իրենց դաստիարակներուն ընկերակցութեամբ, այցելեցին ջերմոց մը՝ Ֆաուար Անթիլիասի մէջ: Երեխաները ծանօթացան բազմատեսակ բոյսերու եւ ծաղիկներու:
Ուրբաթ, 3 Մայիս 2019-ի երեկոյեան ժամը 7:30-ին, «Տոքթ. Ատրինէ Գարագաշեան» սրահէն ներս տեղի ունեցաւ «Ելեկտրոնային գործիքներն ու ընկերային ցանցերը մեր աշակերտներուն առօրեայէն ներս» խորագիրով հաւաքը ներկայութեամբ նախակրթարանի եւ միջնակարգի աշակերտներուն ծնողներուն: Ճեմարանի տնօրէն Փաուլա Եղիայեան ողջունեց ծնողները եւ բարձր գնահատեց անոնց գործակցութիւնը՝ միասնաբար քննարկելու ելեկտրոնային գործիքներու եւ ընկերային…
Հինգշաբթի 25 Ապրիլ 2019-ին երկրորդական բաժինի Ժ. դասարանէն 4 աշակերտներ՝ Սինթիա Պայրաքտարեան, Նանոր Հէյպէլեան, Կարէն Ճինպաշեան եւ Շանթ Ահարոնեան, մասնակցեցան Ս.Դ.Հ.Կ. Տխրունի Ուս. Երիտ Միութեան Ուսանողական Դիւանին կազմակերպած «Հայ Ինքնութեան Սահմանում» խորագրեալ միջդպրոցական սեմինարին:
Երկրորդական բաժինի աշակերտներուն կազմակերութեամբ Երեքշաբթի, 23 Ապրիլ 2019-ի առաւօտեան ժամը 8։00-ին Համազգայինի Մ. եւ Հ. Արսլանեան Ճեմարանի նախակրթարանի, միջնակարգի եւ երկրորդականի աշակերտները Հայոց Ցեղասպանութեան 104-ամեակը ոգեկոչեցին «Գարագաշեան» սրահին մէջ։ ԺԱ. դասարանէն Արին Կիւլլիւճեան ընթերցեց բացման խօսքը, ապա տեղի ունեցաւ տեսերիզի ցուցադրութիւն։ Այնուհետեւ սկսաւ գեղարուեստական յայտագիրը. յաջորդաբար ասմունքեցին Շահան…
Չորեքշաբթի, 17 Ապրիլ 2019-ին, Մանկապարտէզի փոքրիկները՝ իրենց ծնողներուն եւ ուսուցչուհիներուն հետ, տօնեցին Սուրբ Զատիկը: Երեխաները երգեցին, պարեցին, խաղացին հաւկիթներով, ինչպէս նաեւ հիւրասիրուեցան կաթնահունցով (չէօրէկ):
Չորեքշաբթի, 17 Ապրիլ 2019-ին, Նախակրթարանի Դ. դասարանի աշակերտները տօնեցին Սուրբ Զատիկը: Անոնք նախ դասարանէն ներս դիտեցին Յիսուսի մասին ժապաւէն մը, որմէ ետք գացին Մանկապարտէզ, որուն բակին մէջ նստան սեղաններու շուրջ եւ զարդարեցին իրենց հաւկիթները: Տեղի ունեցաւ հաւկթախաղ եւ հիւրասիրութիւն՝ խանդավառ մթնոլորտի ներքոյ:
Չորեքշաբթի, 17 Ապրիլ 2018-ին, Տարրական բաժինը տօնեց Սուրբ Զատիկը:
Հայոց Ցեղասպանութեան 104-ամեակի նախօրեակին, Երեքշաբթի, 16 Ապրիլ 2019-ին, Տարրական բաժինի աշակերտները ծաղիկներ զետեղեցին, ինչպէս նաեւ մոմեր վառեցին դպրոցին մուտքին տեղադրուած նահատակ մտաւորականներուն բարձրաքանդակներուն դիմաց:
Կոմիտասի ծննդեան 150-ամեակին առիթով, մենք՝ Ը. դասարանի աշակերտներս, երկու շաբաթ աշխատելէ ետք պատրաստեցինք Կոմիտասի նուիրուած թանգարան մը դպրոցէն ներս: Աշխատանքը կատարուեցաւ հայերէն լեզուի պահերուն, զբօսանքներուն, ինչպէս նաեւ՝ Շաբաթ օրով: Երեքշաբթի, 16 Ապրիլ 2019-ին տեղի ունեցաւ թանգարանին բացումը, որուն ընթացքին բացման կարճ խօսքէ մը ետք, իւրաքանչիւր աշակերտ տեղեկութիւններ փոխանցեց…
Կազմակերպութեամբ ընկերային ծառայութեան գրասենեակին, Հինգշաբթի, 11 Ապրիլ 2019-ին «Կարեւոր որոշումներ կեանքի մէջ» բնաբանով զրոյց մը տեղի ունեցաւ աւարտական դասարանի աշակերտներուն հետ, զրուցավարն էր ընկերային ծառայող Սիլվա Քիւրքճեան: Ճեմարանի շրջանաւարտներ՝ Սիլվա Փափազեան եւ Բենիամին Պչաքճեան, աշակերտներուն հետ զրուցեցին կեանքի նոր հանգրուանի սեմին կարեւոր որոշումներու մասին: Զրոյցի առաջին հանգրուանին, Սիլվա…
Շաբաթ, 13 Ապրիլ 2019-ի առաւօտեան, ԺԱ. դասարանի (գրական բաժին) աշակերտները Մայրավանք այցելեցին, իրենց մատենագրութեան, գրաբարի եւ եկեղեցագիտութեան ուսուցիչ՝ Հոգշ. Տ. Պետրոս Վրդ. Մանուէլեանի հրաւէրով։ Աշակերտները Մայրավանքէն ներս նախաճաշեցին, ապա ծանօթացան Կաթողիկոսարանի գործունէութեան եւ զանազան բաժանմունքներուն. անոնք այցելեցին Մայր Տաճար, Նահատակաց Մատուռ, միաբանական դամբարան եւ «Կիլիկիա» Թանգարան։ Կաթողիկոսարանի ծանօթացումէն…
