Աշակերտներուն հրապարակային խօսքի կարողութիւնը զարգացնելու նպատակով, այս տարի ընթացք առաւ երկրորդական բաժինի ճարտասանութեան մրցանքը: Ճեմարանի տնօրէն Փաուլա Եղիայեան յայտարարեց մրցանքին մեկնարկը, ապա Լսարանական Միութեան պատասխանատուները ստանձնեցին մրցանքը վարելու, մասնակիցները պատրաստելու եւ ժամանակը կազմակերպելու աշխատանքները: Մրցանքին մասնակցեցան իւրաքանչիւր  դասարանէ երեք աշակերտներ. Ժ. դասարանէն՝ Ռիթա Ուրիշեան, Վան Պորոյեան, Միհրէ Տէր…

Ուրբաթ 17 եւ Շաբաթ 18 Ապրիլ 2026-ին տեղի ունեցաւ Լսարանական Միութեան աւանդութիւն դարձած երկօրեայ պտոյտը Ֆարայայի «Tamer Land» պանդոկէն ներս: Երկօրեայ յայտագրին առաջին օրը, միութեան ընդհանուր ժողովէն ետք տեղի ունեցաւ արշաւ, որմէ ետք պանդոկէն ներս խաղերը շարունակուեցան մինչեւ առաւօտեան ժամեր: Շատ հաճելի ժամանակ անցընելէ ետք, շաբաթ առտու երկրորդական…

Լսարանական Միութեան վարչութեան կազմակերպած բարեկենդանի խրախճանքը տեղի ունեցաւ Չորեքշաբթի, 11 Փետրուար 2026-ին: Լսարանականները եւ Թ. դասարանի աշակերտները միասնաբար կերան, պարեցին ու երգեցին, հաճելի ժամանակ անցընելով Ճեմարանէն ներս:

Ուրբաթ, 9 Յունուար 2026-ին, լսարանականները չորս խումբերու բաժնուած մասնակցեցան «հայրենադարձութիւն» նիւթով բանավէճին։ Տեղի ունեցաւ աշխոյժ քննարկում թեր եւ դէմ կարծիքներով՝ զօրաւոր սփի՞ւռք թէ կազմակերպուած ներգաղթ հայրենիքը զօրացնելու նպատակով։ Հայրենադարձութեան գաղափարը պաշտպանողներուն կարծիքներէն. – Հայաստանի իրավիճակը պիտի բարելաւուի, որովհետեւ ա՛յն սփիւռքահայերը, որոնք կ’ապրին յառաջադէմ տարբեր երկիրներու մէջ, պիտի կարենան…

Երեքշաբթի, 23 Դեկտեմբեր 2025-ի երեկոյեան տեղի ունեցաւ Լսարանական Միութեան Կաղանդի խրախճանքը։ Լսարանականները երգերով եւ պարերով ստեղծեցին ճոխ մթնոլորտ մը, որմէ ետք յեղափոխական երգերով աւարտեցաւ խրախճանքը, եւ աշակերտները հրաժեշտ տուին 2025 տարուան:

Ուրբաթ, 21 նոյեմբեր 2025-ի առաւօտեան, Ճեմարանի երկրորդական բաժինի աշակերտները լիբանանեան համեղ նախաճաշէ մը ետք ճամբայ ելան դէպի Մեծամօր Զմմառու վանքը: Անոնք նախ մտան եկեղեցի, ուր լսեցին հայր Նարեկ վարդապետ Լուիսեանի բացատրութիւնները վանքի հիմնադրութեան եւ պատմութեան մասին, ապա այցելեցին անոր գինետունն ու հարուստ թանգարանը: Պտոյտին յաջորդ հանգրուանն էր Հարիսայի…

Ճեմարանի Լսարանական Միութիւնը Ուրբաթ, 10 Հոկտեմբեր 2025-ին ընտրեց իր վարչութիւնը հետեւեալ ձեւով. ‎ ‎-Ժ. դասարանէն՝ Պորոյեան Վան եւ Ղազար Ալիք: ‎ ‎-ԺԱ. դասարանէն՝ Քէօշկէրեան Կալի եւ Մխճեան Արմէն։ ‎ ‎-ԺԲ. դասարանէն՝ Չափարեան Արի եւ Քիլիսլեան Քրիսթինա։ ‎ ‎Լսարանական Միութեան աշակերտները 3 Հոկտեմբերին ընտրեցին Լսարանական Միութեան նախագահը՝ ներկայութեամբ Միութեան…

Հինգշաբթի, 12 Դեկտեմբեր 2024-ին տեղի ունեցաւ Լսարանական Միութեան առաջին զարգացման մրցումը։ Լսարանականները բաժնուեցան մեզմէ առյաւէտ բաժնուած ճեմարանականներու անունները կրող խումբերու եւ շատ մեծ խանդավառութեամբ պատասխանեցին վարչութեան կողմէ պատրաստուած այլազան հարցումներուն։ Մրցումի աւարտին յաղթական հանդիսացաւ Նժդեհ Մերտխանեան խումբը։    

Հինգշաբթի, 14 Նոյեմբեր 2024-ին, Լսարանական Միութեան հաւաքին ընթացքին խօսք առին Ճեմարանի ընկերային ծառայողներ՝ Սիլվա Սողոմոնեան եւ Արին Գնտոյեան, եւ ներկայացուցին այս տարեշրջանի ծրագիրները, մասնաւորաբար՝ ուսման կողմնորոշման առնչուող նախաձեռնութիւնները եւ հանրային սպասարկութեան վերաբերող աշխատանքները:

Հինգշաբթի, 7 Նոյեմբեր 2024-ին, Լսարանական Միութեան հիւրն էր Ճեմարանի շրջանաւարտ Արեւիկ Փափազեան: Ան բնապահպանման դիտանկիւնէ ներկայացուց Սեւանայ լիճին վիճակը այսօր, խօսեցաւ ջուրի ապականումին եւ իշխանաձուկին մասին, ինչպէս նաեւ՝ մերձակայ գիւղերուն, գիւղացիներուն աշխատանքներուն՝ մասնաւորաբար ձկնորսութեան մասին։ Լսարանականները մեծ հետաքրքրութեամբ հետեւեցան նիւթին եւ Սեւանայ լիճին մասին նոր գիտելիքներ ստացան:

Ճեմարանի Լսարանական Միութիւնը Հինգշաբթի, 24 Հոկտեմբեր 2024-ին ընտրեց իր վարչութիւնը հետեւեալ ձեւով. -Ժ. դասարանէն՝ Պէսնիլեան Միկելլա եւ Գէորգեան Այգ: -ԺԱ. դասարանէն՝ Ատուրեան Կայէլ եւ Խանճեան Կի։ -ԺԲ. դասարանէն՝ Փանոսեան Սերօ եւ Հանեշեան Կարէն։ Լսարանական Միութեան աշակերտները 17 Հոկտեմբերին ընտրեցին Լսարանական Միութեան նախագահը՝ ներկայութեամբ Միութեան պատասխանատուներուն: Լսարանական Միութեան նախագահ…