Ուրբաթ, 3 Նոյեմբեր 2017-ին, մանկապարտէզի կանաչ դասարաններու աշակերտները իրենց ուսուցիչներուն ընկերակցութեամբ այցելեցին «Մուաաուատ» գրախանութը՝ ամրապնդելու համար գրախանութի վերաբերեալ իրենց գիտելիքներն ու բառամթերքը։ Անոնք շրջեցան գրախանութին զանազան բաժինները եւ դիտեցին գրենական պիտոյքները։ Այցելութեան աւարտին, աշակերտները նուէրներ ստացան գրախանութէն:
Խաղը մաս կը կազմէ դաստիարակութեան: Փոքր տարիքին երեխան խաղի միջոցով շատ բան կը հասկնայ եւ կը բացայայտէ: Խաղն ու խաղալիկը կը զարգացնեն երեխային ունակութիւնը, յիշողութիւնը, տրամաբանութիւնը եւ երեւակայութիւնը: Այս դիտանկիւնէն մեկնելով, 2017-2018 տարեշրջանին, մանկապարտէզի վարդագոյն դասարանները օժտուեցան նոր խաղալիկներով եւ խաղի անկիւններով:
«Ազդակ» օրաթերթ.- Կազմակերպութեամբ Համազգայինի Մ. եւ Հ. Արսլանեան ճեմարանին եւ Համազգայինի Փալանճեան-Արսլանեան ճեմարանի շրջանաւարտներու միութեան, Կիրակի, 29 Հոկտեմբեր 2017-ի երեկոյեան ժամը 7:00-ին, «Տոքթ. Ատրինէ Գարագաշեան» մարզամշակութային սրահին մէջ տեղի ունեցաւ 2016-2017 տարեշրջանի «Լուսին Մալիքեան» սերունդի շրջանաւարտներու ընդունելութիւն եւ յիշատակի երեկոյ: Ողջոյնի խօսքով հանդէս եկաւ շրջանաւարտներու միութեան ատենապետ Սալբի…
Կազմակերպութեամբ ՀՅԴ ԶՈՄ-ի Զաւարեան ուսանողական գրասենեակին, Ուրբաթ, 27 Հոկտեմբեր 2017-ին, երեկոյեան ժամը 8:00-ին, տեղի ունեցաւ հայկական երկրորդական վարժարաններու գերազանց աշակերտներու պարգեւատրման հանդիսութիւնը: Այս առիթով պարգեւատրուեցան Ճեմարանի հետեւեալ շրջանաւարտները՝ Պասուս Ճոյ, Խաչատուրեան Արենի, Սերուժեան Նարօտ, Քեչէք Ֆիլիփ, Թաշճեան Յակոբ, Աճէմեան Մարիա, Ծատուրեան Բալիկ, Փափազեան Լիանա, Սեմէրճեան Նանէ-Սոֆի, Թաշճեան Արին,…
Ուրբաթ, 27 Հոկտեմբեր 2017-ին, մանկապարտէզի կանաչ դասարաններու աշակերտները իրենց ուսուցիչներուն ընկերակցութեամբ այցելեցին մետաքսի թանգարան (Silk Museum, Bsous, Aley): Փոքրիկները դիտեցին մետաքսի պատրաստութեան հանգրուանները, անոնք տեսան խոզակը, շերամը, շերեփուկը, ապա՝ թիթեռնիկը: Անոնք դիտեցին նաեւ տեսերիզ մը, ինչպէս նաեւ՝ զանազան երկիրներու հագուստներ եւ ամրապնդեցին «մաման կը կարէ» դասէն իրենց ստացած…
Նորսիկեան մանկապարտէզի կապոյտ դասարանի աշակերտները կը պատրաստեն աշնանային պտուղներով կարկանդակը:
Ուրբաթ, 27 Հոկտեմբեր 2017-ին, տարրական բաժինի Ա. դասարանի աշակերտները այցելեցին Համազգայինի «Վահէ Սէթեան» տպարանը։ Անոնք մեծ հետաքրքրութեամբ դիտեցին տպարանի գործիքները եւ մօտէն հետեւեցան տպագրական աշխատանքի ընթացքին։ Աշակերտները նուէր գիրքերով վերադարձան դպրոց: Շնորհակալութիւն Համազգայինի «Վահէ Սէթեան» տպարանի տնօրէնութեան:
Հինգշաբթի, 26 Հոկտեմբեր 2017-ին, նախակրթարանի Ե. դասարանի աշակերտները այցելեցին Անթիլիասի Մայրավանքի «Կիլիկիա» թանգարանը: Աշակերտները բացատրութիւններ ստացան թանգարանային իրերուն մասին եւ ամրապնդեցին իրենց գիտելիքները:
Ուրբաթ, 27 Հոկտեմբեր 2017-ին, Ճեմարան այցելեց ֆրանսական «THE VOICE KIDS» յայտագիրի 2016-2017 տարեշրջանի հայ մասնակից MAE-ն, որ մաս կազմեց Patrick Fiori-ի խումբին եւ հասաւ կիսաւարտական հանգրուան: MAE-ն հանդիպեցաւ Զ., Է. եւ Ը. դասարաններու աշակերտներուն հետ, երգեց, պատմեց իր փորձառութիւնը, պատասխանեց անոնց հարցումներուն եւ նկարուեցաւ բոլորին հետ:
Հոկտեմբեր ամսուան աւարտին, Նորսիկեան մանկապարտէզի կապոյտ դասարանի փոքրիկները Տիկ. Անիին հետ կրկնեփուկով ջաղացք պատրաստեցին:
Հինգշաբթի, 26 Հոկտեմբեր 2017-ին, Ճեմարան այցելեց Համազգայինի Մարսէյի Ճեմարանի հայերէն լեզուի եւ գրականութեան ուսուցչուհի Սօսէ Մնակեան։ Դպրոցին զանազան բաժինները շրջելէ ետք, Սօսէ Մնակեան ամբողջ պահ մը անցուց ԺԱ. գրական դասարանի աշակերտներուն հետ։ Հաճելի ու հետաքրքրական զրոյց մը կայացաւ երկու ճեմարաններու կրթական ծրագիրներու, դասերու, դպրոցական ժամերու, պետական քննութիւններու եւ…
Արաբերէն լեզուի դասանիւթի ծիրէն ներս, ծառերուն կարեւորութեան եւ պտուղներուն օգտակարութեան մասին բաւական գիտելիք ու բառամթերք ամբարելէ ետք, Հինգշաբթի, 26 Հոկտեմբեր 2017-ին, նախակրթարանի Դ. դասարանի աշակերտները երկու կեռասենիներ տնկեցին Ճեմարանի պարտէզին մէջ: Աշակերտները արտադասարանային այս աշխատանքին ընթացքին բացատրութիւններ լսեցին եւ արտայայտուեցան արաբերէն լեզուով:
