Կազմակերպութեամբ ընկերային ծառայութեան գրասենեակին, միջնակարգի Թ. դասարանի աշակերտները շարունակեցին կաղանդի շրջանին իրենց սկսած բարեսիրական աշխատանքը, որովհետեւ զգացին որ կարիքը մեծ է ու իրենց բերած նպաստը՝ շատ օգտակար: Երրորդ անգամ ըլլալով, աշակերտական խմբակ մը ուտելիք, հագուստեղէն, խաղալիկ եւ տնային անհրաժեշտ իրեր հաւաքեց ու այցելեց ընտանիք մը, որ ընկերային եւ…
«Աշխարհագրականօրէն իրարմէ հեռու ապրող, բայց նոյն ազգային երազներով դաստիարակուող հայ աշակերտներ»: Նոր տարուան մթնոլորտը կրկնակի նշանակութիւն ունեցաւ այս տարի Համազգայինի Մ. եւ Հ. Արսլանեան Ճեմարանի նախակրթարանի աշակերտներուն համար: Ընթացիկ տօնակատարութիւններու կողքին, անոնք խնամքով ու սիրով նուէրներ ու բացիկներ պատրաստեցին` ուղարկելու Արցախի տարեկից ընկերներու: Ծանօթացումը աւելի շօշափելի ու հարազատ…
Մ. եւ Հ. Արսլանեան Ճեմարանի մարզական խումբերը ԼԵՎԱՄ-ի կողքին, կը մասնակցին զանազան մարզաձեւեր ընդգրկող այլ մրցաշարքերու եւս: Այս մրցաշարքերու ծիրէն ներս, «Notre Dame De Jamhour» դպրոցի կազմակերպած Պասքեթպոլի «Georges Wakim» 2017-2018 մրցաշարքին, քանի մը շաբաթավերջերու վրայ երկարող մրցումներուն, յաջորդաբար յաղթելէ ետք Elyse, Champville, Saint Joseph եւ Notre Dame…
Կազմակերպութեամբ ընկերային ծառայութեան գրասենեակին, տեղի ունեցան սեռային դաստիարակութեան դասախօսութիւններ՝ միջնակարգի եւ երկրորդականի Ժ., ԺԱ. դասարաններու աշակերտութեան: Դասախօսը՝ Տոքթ. Ժանօ Քէչէճեան, Ճեմարանի շրջանաւարտ է, աւարտած է Լիբանանեան Համալսարանը: Այս նախաձեռնութիւնը կը միտի մտերմիկ մթնոլորտի մէջ առիթ տալ աշակերտներուն ազատ եւ հանգիստ արտայայտուելու եւ ստանալու գիտական, մասնագիտական պատասխաններ՝ զիրենք հետաքրքրող…
ԺԲ. գիտական դասարանէն Նանի Գալուստեան եւ Հայկ Աւետիս ներկայ գտնուեցան USEK-ի կազմակերպած «Open Day»-ին, որ տեղի ունեցաւ «Notre Dame De Secours» հիւանդանոցին մէջ, մասնագէտ բժիշկներու ներկայութեամբ: Լիբանանի զանազան դպրոցներու աւարտական դասարանի աշակերտներ, որոնք ապագային պիտի մասնագիտանան բժշկութեան մէջ, ներկայ էին այդ օր: Նանին եւ Հայկը ապագայի իրենց երազներու…
Երկուշաբթի, 5 Մարտ 2018-ի առաւօտեան, միջնակարգի Թ. դասարանի եւ երկրորդական բաժինի աշակերտները նշեցին Ճեմարանի հիմնադրութեան (3 Մարտ, 1930) 88 ամեակը: Անոնք երգեցին Ճեմարանի քայլերգը եւ բարձրացան իրենց դասարանները: Աւարտական դասարանի աշակերտները շրջեցան բոլոր դասարանները, ցրուեցին Ճեմարանի հիմնադրութեան վերաբերող թղթիկներ, եւ իւրաքանչիւր դասարանի մէջ հնչեց Ճեմարանի քայլերգը:
Մ. Եւ Հ. Արսլանեան Ճեմարանի աշակերտական պատուիրակութիւն մը (Ժ. դասարանէն)այս տարի եւս մասնակցեցաւ Լիբանան-Ամերիկեան Համալսարանի (LAU) նախաձեռնած Model United Nations (MUN) ծրագրին: Այս ծրագրի գործնականացման հանդիպումներուն, աշակերտները խորացուցին իրենց գիտելիքները Միացեալ Ազգերու Կազմակերպութեան (ՄԱԿ) մասին, անոնք սորվեցան քաղաքացիական պատասխանատուութիւն ստանձնել, սորվեցան տագնապներու խաղաղ լուծման ուղղուած բանակցութիւններ վարելու, երկիրներու…
Շաբաթ, 3 Մարտ 2018-ին Պիէլի համալիրէն ներս, ներկայութեամբ Ֆրանսախօս հանրային թէ մասնաւոր դպրոցներու ուսանողներուն եւ ուսուցիչներուն, տեղի ունեցաւ Institut Francais du Liban-ի, Սէն Ժօզէֆ Համալսարանի եւ Ecole de traducteurs et d’Interprètes de Beyrouth-ի կողմէ կազմակերպուած «Prix lycéen de la traduction francophone 2018» մրցանակաբաշխութիւնը: Լիբանանի բոլոր շրջաններէն մասնացած էին…
Մանկամսուրի փոքրիկները կը շարունակեն զարգացնել իրենց զգայարաններն ու փոքր մկանները զանազան խաղերու ընդմէջէն:
Նախակրթարանի Ե. դասարանի գիտութեան դասի ծրագիրը կ’ընդգրկէ «Առողջ սննդականոն» նիւթը, որուն մատուցման համար յարմար կը նկատենք հրաւիրել սննդագէտ մը ու կազմակերպել ծնողք-աշակերտ հանդիպում-զրոյց մը: Այս տարուան հիւր դասախօսը Արին Գասապեանն էր. 2011-ին Ճեմարանը աւարտելէ ետք, ան հետեւած է սննդագիտութեան մասնագիտութեան, ֆրանսական USJ համալսարանէն ներս: Այժմ, Ֆրանսայի մէջ, ան…
Կազմակերպութեամբ ՀՄԸՄ-ի Լիբանանի Շրջանային վարչութեան ԼԵՎԱՄ-ի յանձնախումբին Ճատրակի մրցումները տեղի ունեցան Ս. Խաչ եկեղեցւոյ «Պետողլեան» սրահին մէջ Կիրակի, 25 Փետրուար 2018-ին: Ստորեւ՝ Ճեմարանի աշակերտներուն ապահոված արդիւնքները. 8 տարեկան եւ վար աղջիկներ՝ Հերա Պետիրեան (երրորդ): Տղաք՝ Նարեկ Բակլայեան (առաջին), Վարագ Լախեան (երկրորդ), Նիկոլ Մանճիկեան (երրորդ) 10 տարեկան եւ վար…
Ուրբաթ, 23 Փետրուար 2018-ին, միջնակարգի Ը. եւ Թ. դասարաններու աշակերտներս հանդիպում մը ունեցանք Տոքթ. Արմենակ Եղիայեանի հետ: Էտուար Թաշճեան ընթերցեց ձեռնարկի բացման խօսքը, ապա Արամ Հանտեան ասմունքեց Մ. Իշխանի «Հայ լեզուն տունն է հայուն» բանաստեղծութիւնը: Տոքթ. Արմենակ խօսեցաւ հայերէն լեզուի եւ գիրք կարդալու անհրաժեշտութեան մասին ու կեդրոնացաւ «Վէրք…
