Թ. դասարանէն խումբ մը աշակերտներ շարունակեցին Դեկտեմբեր 2017-ին սկսած իրենց բարեսիրական աշխատանքը. անոնք Ուրբաթ, 12 Յունուար 2018-ի երեկոյեան այցելեցին չորս կարիքաւոր ընտանիքներուն: Աշակերտները իրինց հետ տարին ուտելիք, հագուստեղէն եւ հարցուցին անոնց կարիքներուն ու դժուարութիւններուն մասին, որպէսզի յաջորդ ամիս շարունակեն իրենց նպաստը բերել այդ ընտանիքներուն:
Երկուշաբթի, 15 Յունուար 2018-ին, Համազգայինի Կեդրոնական Վարչութեան գրասենեակի պատասխանատու Արին Գալուստեան Աւարտական դասարանի աշակերտներուն ներկայացուց հետեւեալ ծրագիրները. -2009-ին հիմնուած Զոհրապ Պոսնոյեան կրթաթոշակի հիմնադրամը, որ համալսարանական կրթաթոշակներ կը յատկացնէ այն աշակերտներուն, որոնք շրջանաւարտներն են Արսլանեան Ճեմարանին եւ որոնք ունին դպրոցական լաւ արդիւնքներ, նկարագրային արժանիքներ եւ միեւնոյն ժամանակ կը կարօտին…
Հինգշաբթի, 11 Յունուար 2018-ին Ճեմարանի 2012-ի շրջանաւարտ Անտրէա Գաժաքժեան երկրորդական բաժինի ԺԱ. եւ ԺԲ. դասարաններու աշակերտներուն խօսեցաւ մասնագիտական ուսման իր փորձառութեան մասին: Լիբանանեան համալսարանին մէջ աւարտելէ ետք ընկերային գիտութիւններու ճիւղը, ան այժմ մասնագիտական ուսումը կը շարունակէ Հայաստանի Ամերիկեան համալսարանին մէջ: Ան շեշտեց հայրենիքի մէջ ուսանելու առաւելութիւնները եւ խօսեցաւ…
Կազմակերպութեամբ Ընկերային Ծառայութեան գրասենեակին, միջնակարգի Թ. դասարանի աշակերտները իրագործեցին բարեսիրական ծրագիր մը Դեկտեմբեր ամսուան ընթացքին: Ծրագրի գործադրութիւնը ընթացաւ հետեւեալ ձեւով. Ընկերային ծառայողը ցուցմունք տուաւ, եւ աշակերտները լծուեցան աշխատանքի: Անոնք պատրաստեցին նախագիծ մը ու ժրաջան աշխատանք տարին զբօսանքներուն, ազատ պահերուն, նոյնիսկ յետմիջօրէի ժամերու: Աշակերտները Լ.Օ.Խ.-ի ընկերային ծառայութեան գրասենեակէն ստացան…
Հինգշաբթի, 28 Դեկտեմբեր 2017-ին տեղի ունեցաւ «Ազդակ»-ի մանկապատանեկան յաւելուած «Պզտիկ-մզտիկ»-ի կազմակերպած «Անսխալ գրենք» մրցումի մրցանակաբաշխութիւնը «Փիւնիկ» սրահէն ներս: Ճեմարանի մրցանակակիր աշակերտներն են. Դ. դասարանէն՝ Սելին Գիլէճեան (անսխալ), Աւօ Խաչատուրեան, Ալիք Մոմճեան, Լոռի Բակլայեան եւ Հրակ Ծատուրեան (1 սխալ), Սարին Մահտեսեան (2 սխալ): Ե. դասարանէն՝ Լոռի Աւետիս (անսխալ), Արամ…
Երեքշաբթի, 19 Դեկտեմբեր 2017-ին, նախակրթարանի Զ. դասարանի աշակերտները իրենց պատմութեան եւ աշխարհագրութեան ուսուցչուհիին ընկերակցութեամբ այցելեցին Սեն Ժոզէֆ համալսարանի Լիբանանեան Նախապատմութեան Թանգարանը: Աշխարհագրութեան «Նախապատմութեան» դասին ծիրէն ներս այս այցելութիւնը կը միտէր աշակերտներուն աւելի մօտէն ծանօթացնել նախապատմութեան տարբեր հանգրուաններն ու նախամարդուն եղափոխութիւնը: Այցին սկիզբը, թանգարանի անձնակազմը ողջունեց Ճեմարանի փոքրիկ հնագէտները,…
Ուրբաթ, 22 Դեկտեմբեր 2017-ի առաւօտեան տեղի ունեցաւ նախակրթարանի կաղանդի տօնակատարութիւնը: Բոլոր դասարաններէն ներս տեղի ունեցաւ հիւրասիրութիւն, ապա Չալեան սրահին մէջ աշակերտները հանդէս եկան արտասանութեամբ, երգով, պարով ու նուագով: Գեղարուեստական յայտագիրին յաջորդեցին ուսուցիչներուն կողմէ պատրաստուած հաճելի խաղերը: Տօնական մթնոլորտը աւարտեցաւ ժամը 11:30-ին:
Ուրբաթ, 22 Դեկտեմբեր 2017-ին, տարրական բաժինի աշակերտները կաղանդը նշեցին Գարագաշեան սրահէն ներս: Գ. դասարանի աշակերտները բեմին վրայ բացայայտեցին իրենց ձիրքերը՝ հիացում պատճառելով իրենց փոքր ընկերներուն: Նախաճաշէն եւ զբօսանքէն ետք, Ա. եւ Բ. դասարաններու աշակերտները խմբական երգերով, արտասանութիւններով եւ պարերով ճոխացուցին մթնոլորտը: Կաղանդ պապան իր մասնակցութիւնը բերաւ բոլոր դասարաններուն…
Կազմակերպութեամբ ընկերային ծառայութեան գրասենեակին, Չորեքշաբթի, 20 Դեկտեմբեր 2017-ին, N. D. U. համալսարանի ընդունման գրասենեակի տնօրէն Ղալէպ Ղանէմ Ժ. դասարանի աշակերտներուն հակիրճ ձեւով ներկայացուց համալսարանի տարբեր մասնագիտութիւնները եւ ընդունման պայմանները: Ան քաջալերեց աշակերտները ընտրելու ժամանակակից մասնագիտութիւններ, որպէսզի նորութիւններ բերուին գործի բոլոր դաշտերուն մէջ:
Կազմակերպութեամբ «Կոկիկեան» Հիմնարկին, այս տարի եւս, Հայկազեան համալսարանի մէջ, տեղի ունեցաւ լիբանանահայ երկրորդական վարժարաններու արաբերէն լեզուի գերազանցիկ աշակերտներու պարգեւատրում: Կը շնորհաւորենք Ճեմարանի մրցանակակիր աշակերտները. Նարօտ Մերտխանեան (Ժ. դասարան), Մհեր Փելթեքեան (ԺԱ. դասարան) եւ Էլի Ապտ Էլ Նուր (2016-2017 տարեշրջանի ԺԲ. դասարան):
Դեկտեմբեր ամսուն, մանկամսուրի փոքրիկները մեծ ուրախութեամբ զարդարեցին տօնածառը, պատրաստեցին կաղանդի զանազան ձեռային աշխատանքներ, ինչպէս նաեւ՝ համեղ կրկնեփուկներ: Փոքրիկները անհամբեր կը սպասեն կաղանդ պապուկին:
Երեքշաբթի, 19 Դեկտեմբեր 2017-ին մանկամսուրի փոքրիկները պաշտօնական այցելութեամբ ներկայացան Ճեմարանի տնօրէնութեան եւ նուիրեցին իրենց պատրաստած կաղանդի ձեռային աշխատանքը: Տնօրէնութեան սիրալիր ընդունելութենէն եւ հիւրասիրութենէն ետք, փոքրիկները վերադարձան մանկամսուրի առօրեային:
