Եօթներորդ դասարանի ընդհանուր պատմութեան դասանիւթի ծիրէն ներս, աշակերտները ծանօթացան բիւզանդական մայրաքաղաք Կոստանդնուպոլիսին, որ կայսրութեան քաղաքական, կրօնական եւ տնտեսական կեդրոնն էր: Հոս կը գտնուէին կայսերական պալատները, Ուղղափառ քրիստոնեաներուն եկեղեցիները, որոնց մէջ կարելի է առանձնացնել Սուրբ Սօֆիա գլուխ գործոց եկեղեցին եւ վերջապէս, Եւրոպայի, Ասիոյ եւ Ափրիկէի միջեւ կամուրջի դեր խաղացող…
Երեքշաբթի, 20 Փետրուար 2018-ին, նախակրթարանի Դ. դասարանի աշակերտները, իբրեւ արաբերէն լեզուի արտադասարանային աշխատանք, այցելեցին Կեդրոնական Պէյրութ եւ ծանօթացան քաղաքին: Անոնք շրջեցան շուկային մէջ, տեսան խորհրդարանը, ապա նաեւ՝ նահատակաց յուշարձանը, եւայլն: Աշակերտները այս այցելութեամբ ամրապնդեցին քաղաքի մասին իրենց սորված արաբերէն լեզուի բառամթերքը:
1869 թուականի 19 Փետրուարին ծնած մեծանուն գրող եւ մեծ հայրենասէր Յովհաննէս Թումանեանի յիշատակին կ’առնչուի Հայաստանի մէջ մօտ տասը տարիէ աւանդական դարձած գիրք նուիրելու օրը: Ամէն տարի արժանավայել կերպով այս օրուան կ’արձագանգեն նաեւ Ճեմարանի աշակերտները՝ իրարու գիրք նուիրելով: Ամեակներով հարուստ այս տարեշրջանին՝ 2018-ին, 19 Փետրուարին, զանազան մակարդակներու վրայ տեղի…
«Գրելու արուեստը» բնաբանի ծիրէն ներս, Հինգշաբթի, 15 Փետրուար 2018-ին, նախակրթարանի Դ. դասարանի աշակերտները իրենց հայերէն լեզուի ուսուցչուհիին ընկերակցութեամբ այցելեցին պատմաբան Երուանդ Փամպուքեանի գրասենեակը: Աշակերտները տեսան մատեաններ եւ ձեռագիր գիրքեր 1500 թուականէն: Երուանդ Փամպուքեան իրենց բացատրութիւններ տուաւ «մեսրոպեան երկաթագիր» տառերուն, ծաղկողներուն, մանրանկարչութեան, տառերու տեսակներուն, ինչպէս նաեւ թուղթերու որակին մասին:…
Երկուշաբթի, 12 Փետրուար 2018-ին Ճեմարան այցելեց Արի Չէօրէքճեան, որ Օգոստոս 2013-ին Արարատի գագաթը նուաճած էր: Հայոց Պատմութեան դասապահուն, ան իր փորձառութիւնը նկարներու ցուցադրութեամբ ներկայացուց տարրական բաժինի Գ. դասարանի աշակերտներուն եւ մանրամասն տեղեկութիւններ փոխանցեց Արարատ լեռնագնացութեան մասին՝ նախապատրաստութիւններ, տեւողութիւն, կլիմայ, դժուարութիւններ եւ անշուշտ զգացումներ: Ներկայացման աւարտին Արի Չէօրէքճեան պատասխանեց…
Կազմակերպութեամբ Լիբանանի Կրթական Նախարարութեան, Կիրակի, 11 Փետրուար 2018-ին, տեղի ունեցաւ փինկ փոնկի միջդպրոցական ախոյեանութեան մրցաշարքը։ Կը շնորհաւորենք Ը. դասարանի աշակերտուհի Լոռի Եահնիեանը, որ Լեռնալիբանանի 2004-2005 տարիքային դասաւորման մէջ հանդիսացաւ երկրորդ եւ անցաւ յաջորդ հանգրուան։ Յաջողութիւն կը մաղթենք Լոռիին։
Չորեքշաբթի, 7 Փետրուար 2018-ի երեկոյեան ժամը 8։00-ին, տարրական բաժինի Բ. դասարանի աշակերտները նշեցին հայրերու տօնը։ Անոնք հայրերուն ներկայացուցին իրենց պատրաստած երգերը, պարերը եւ արտասանութիւնները։ Աշակերտները իրենց հայրերուն հետ մասնակցեցան խաղերու եւ միասնաբար երգեցին ու պարեցին ճոխ մթնոլորտի մէջ: Ձեռնարկի աւարտին, իւրաքանչիւր աշակերտ իր հօրը նուիրեց իր պատրաստած ձեռային…
Չորեքշաբթի, 7 Փետրուար 2018-ին, Տիկ. Սօսէ Ճինպաշեան նախակրթարանի Դ. դասարանի աշակերտներուն փոխանցեց բարեկենդանի խորհուրդը: Ան աշակերտներուն ներկայացուց «ակլատիզ»ը՝ մեծ պահքի ծիսական տիկնիկը, եւ անոնց սորվեցուց հայկական մանկապատանեկան խաղեր ու երգեր: Տիկ. Սօսէ խօսեցաւ նաեւ կենաց ծառին եւ անոր վերաբերող ժողովրդային աւանդական սովորութիւններուն ու հաւատալիքներուն մասին: Յայտագրի երկրորդ բաժինը…
Երկուշաբթի 5 Փետրուար 2018-ին Նորսիկեան մանկապարտէզի փոքրիկները տողանցեցին մանկապարտէզի բակին մէջ եւ Վարդանի ու Աւարայրի ճակատամարտին նուիրուած երգերով ու արտասանութիւններով նշեցին Վարդանանց տօնը:
Երեքշաբթի, 6 Փետրուար 2018-ին, տարրական բաժինի Բ. դասարանի աշակերտները հայերէն լեզուի դասապահուն պատրաստեցին հայկական դիմակներ:
Կիրակի, 4 Փետրուար 2018-ին, Ժամհուր ակումբին մէջ կայացած վուշու քունկ ֆուի Լիբանանի բաժակի մրցումներուն, Ե. դասարանի աշակերտուհի Գլէա Արապաղեան տիրացաւ իր դասակարգի առաջնութեան։ Կը շնորհաւորենք Գլէան եւ նորանոր յաջողութիւններ կը մաղթենք իրեն։
Հինգշաբթի, 25 Յունուար 2018-ին, ընկերային ծառայողը նախակրթարանի Դ. դասարանի աշակերտներուն ներկայացուց «աղբերու զտում եւ վերամշակում» նիւթը: Ան ցոյց տուաւ յատուկ տոպրակներ, որոնցմէ իւրաքանչիւրին մէջ կը զետեղուի թուղթ, կերպընկալ, ապակի, թիթեղ եւ ուտեստեղէն: Աշակերտները անդրադարձան, որ պէտք է նուազեցնել աղբերը, կրկին գործածել որոշ իրեր եթէ կարելի է եւ ամէնէն…
