Հինգշաբթի, 20 Յունիս 2019-ին, Վարդագոյն դասարանի երեխաներուն ծնողները ժամանեցին դպրոց եւ հանդիպում մը ունեցան Ճեմարանի ուղղավարժական գրասենեակի անդամներուն հետ, ներկայութեամբ Ճեմարանի տնօրէնուհի Փաուլա Եղիայեանի եւ մանկապարտիզպանուհի Թալին Եահնիյեանի: Հանդիպման թեման էր 3-4 տարեկան փոքրիկներուն զարգացման եւ կազմաւորման երեւոյթները, ինչպէս նաեւ անոնց դիմագրաւած դժուարութիւնները: Հաւաքը վարեց Մանկապարտէզի ուղղավարժ Մարիա…

Ուրբաթ, 14 Յունիս 2019-ին, երեկոյեան ժամը 7:00-ին, Համազգայինի Մելանքթոն եւ Հայկ Արսլանեան Ճեմարանի «Տոքթ. Ատրինէ Գարագաշեան» սրահէն ներս տեղի ունեցաւ ՀՕՄ-ի Նորսիկեան Մանկապարտէզի ամավերջի հանդէսը, ներկայութեամբ Ճեմարանի անձնակազմին, Համազգայինի Կեդրոնական Վարչութեան, Ճեմարանի խնամակալութեան, ծնողներու, բարեկամներու եւ շրջանաւարտներու: Բացման խօսքով հանդէս եկաւ մանկապարտիզպանուհի Թալին Եահնիյեանը, որ ողջունեց ներկաները եւ…

Երկուշաբթի, 3 Յունիս 2019-ին, 2018-2019 դպրոցական տարեշրջանի աւարտին նախօրեակին, Մանկապարտէզի երեխաները օրուան ընթացքին մասնակցեցան ներքին դաշտագնացութեան մը Մանկապարտէզի պարտէզին մէջ՝ ընկերակցութեամբ իրենց ուսուցիչներուն եւ դաստիարակներուն:

«Խաչիկ Պապիկեան» միջ-դպրոցական մրցանքներու մրցանակաբաշխութիւնը տեղի ունեցաւԿիրակի, 2 Յունիս 2019-ին, նախագահութեամբ Ն.Ս.Օ.Տ.Տ. Արամ Ա. Կաթողիկոսի, վեհարանի դահլիճին մէջ: Ճեմարանի մրցանակակիր աշակերտներն են. Մանուկեան Վառակ-Նարեկ՝ երկրորդ, Գափլանեան Մարիա՝ երրորդ (միջնակարգի հայ լեզուի եւ գրականութեան մրցանք) Գիլէճեան Գալին՝ առաջին յիշատակութեան արժանի, Ժալըֆեան Կլօրիա-Մարիա՝ երկրորդ յիշատակութեան արժանի (միջնակարգի հայկական տպագրութեան եւ մամուլի,…

Լեւոն Շանթի ծննդեան 150-ամեակին առիթով, Հինգշաբթի, 30 Մայիս 2019-ին, Տարրականի Գ. դասարանի աշակերտները հայերէնի դասապահուն կատարեցին դասարանային աշխատանք մը: Անոնք նախ ծանօթացան Լեւոն Շանթի կենսագրականին ու գործունէութեան, որմէ ետք կարդացին անոր խօսքերէն քանի մը հատը: Տիկին Մարինային օժանդակութեամբ, աշակերտները Շանթին խօսքերով զարդարեցին դասարանին ցուցատախտակը: Աշխատանքին աւարտին, աշակերտներէն իւրաքանչիւրը…

Ուրբաթ, 31 Մայիս 2019-ին, Նախակրթարանի Ե. դասարանի աշակերտները իրենց արաբերէնի դասապահը անցուցին Ճեմարանի պարտէզին մէջ` Տիկին Մայային ընկերակցութեամբ: Անոնք նախ տեսան այն կեռասենին, զոր ցանած էին նախորդ տարեշրջանին, որմէ ետք կատարեցին դասարանային աշխատանք մը, որուն նիւթն էր «أحرف الجر »: Ուսուցչուհին նախապէս պարտէզին տարածքին մէջ պահած էր խաւաքարտեր՝…

Շաբաթ, 1 Յունիս 2019-ին տեղի ունեցաւ Հ.Օ.Մ.-ի Նորսիկեան Մանկապարտէզի Վարդագոյն դասարանի ամավերջի հանդէսը, որուն ընդմէջէն նշուեցաւ նաեւ մայրերու օրը: Հանդէսին յայտագիրը բաղկացած էր երկու բաժինէ: Առաջին բաժինը նուիրուած էր մայրերուն: Երեխաները երգեցին մօր նուիրուած երգեր, ինչպէս նաեւ ելոյթ ունեցան պարերով եւ սրտի խօսքերով: Համբարձումի տօնին առիթով, փոքրիկներուն մայրերը…

Շաբաթ, 18 Մայիս 2019-ին տեղի ունեցաւ Համազգայինի Մ. Եւ Հ. Արսլանեան Ճեմարանի տարեկան ճաշկերոյթը ներկայութեամբ Համազգայինի Կեդրոնական Վարչութեան, տնօրէնութեան, խնամակալութեան, անձնակազմին, ծնողներու, շրջանաւարտներու եւ բարեկամներու։ Ճաշկերոյթին ընթացքին, գեղարուեստական բաժինով հայրենի արուեստագէտներ Գարիկ Պապոյեանի եւ Սոնա Ռուբէնեանի երգերը ոգեւորեցին ներկաները` ստեղծելով ճեմարանի յատուկ հայաշունչ մթնոլորտ մը: Ճեմարանի յարատեւ վերելքին…

Կազմակերպութեամբ Ժ. դասարանի աշակերտներուն, Հինգշաբթի, 23 Մայիս 2019-ին, Ը. Թ. եւ Ժ. դասարաններու աշակերտները նշեցին Հայաստանի Առաջին Հանրապետութեան անկախութեան տարեդարձը։ Լիբանանի եւ Հայաստանի քայլերգներու ունկնդրութենէն ետք, Ժ. դասարանէն Էտուար Թաշճեան ընթերցեց բացման խօսքը, ան ըսաւ. «Ա. հանրապետութեան շնորհիւ հայ մարդուն մէջ փիւնիկի մը նման վերածնաւ ազգային ինքնագիտակցութիւնը. ան…

Նախաձեռնութեամբ Ճեմարանի ընկերային ծառայութեան գրասենեակին, ուրբաթ, 24 Մայիս 2019-ին, Միջնակարգի Է. դասարանի աշակերտները, ընկերակցութեամբ Տիկ. Սիլվային, Տիկ. Շուշիկին, Տիկ. Սանտրային եւ Պրն. Սագոյին, այցելեցին «IRAP» կեդրոնը, որ խուլերու, համրերու եւ այլ դժուարութիւններ ունեցող փոքրերու եւ պատանիներու մասնագիտական դպրոց մըն է, որ կը գործէ 1960 թուականէն ի վեր: Ճեմարանի…

Երեքշաբթի 21 Մայիս 2019-ին, Երկրորդական բաժինի Ժ. դասարաններու աշակերտները այցելեցին Յիսուսեաններու Արեւելեան Գրադարանը (La Bibliothèque Orientale de l’USJ): Այցելութեան նպատակն էր ծանօթանալ արդէն իսկ իր 144 տարիները բոլորած Միջին Արևելքի ամենահին գրադարանին, ինչպէս նաև վայելել գրադարանին սրահէն ներս ցուցադրուող Վարուժան Սէթեանի լուսանկարչական ցուցահանդէսը: Աշակերտները եւ իրենց Պատմութեան եւ…

Ուրբաթ, 24 Մայիս 2019-ին, Մանկապարտէզի մէջ նշուեցաւ Հայաստանի առաջին Հանրապետութեան անկախութեան օրը: Տեղի ունեցաւ դրօշակի արարողութիւն` մասնակցութեամբ Հ.Մ.Ը.Մ.-ի Անթիլիաս մասնաճիւղէն քոյր Արզնի Արսլանեանի եւ եղբայր Քրիստ Բրուտեանի: Փոքրիկները, որոնցմէ շատերը դպրոց եկած էին սկաուտական տարազով, երգեցին փունջ մը հայրենասիրական երգեր: