Նախաձեօութեամբ Համազգայինի Մ. Եւ Հ. Արսլանեան Ճեմարանի տնօրէնութեան, Հինգշաբթի, 22 Մայիս 2019-ի երեկոյեան ժամը 7:00-ին «Դոկտ.. Ատրինէ Գարագաշեան» սրահին մէջ տեղի ունեցաւ «Դպրոցին դերը աշակերտին հոգեկան առողջութեան եւ կրթական յաջողութեան մէջ» խորագիրով Դոկտ.. Կարին Փափազեան Զոհրապեանի դասախօսութիւնը, ներկայութեամբ Համազգայինի Կեդրոնական Վարչութեան, Ճեմարանի խնամակալութեան եւ ծնողական խորհուրդի ներկայացուցիչներուն, Լիբանանի…

Շաբաթ, 18 Մայիս 2019-ին, կէսօրէ առաջ ժամը 10:00-ին, «Ազդակ»-ի «Փիւնիկ» սրահին մէջ, ՀՅԴ ԼԵՄ-ի Կեդրոնական վարչութեան կազմակերպած «Հայ դպրոցը` հայկական դիմագիծի պաշտպան» խորագիրով խորհրդաժողովին մասնակցեցան Ճեմարանէն հայերէն լեզուի եւ հայոց պատմութեան ուսուցիչներ, ինչպէս նաեւ՝ երկրորդական բաժինէն խումբ մը աշակերտներ:

Ուրախութեամբ կը յայտնենք, որ «ԲԵՄԵԼ» համահայկական մանկապատանեկան ասմունքի առցանց մրցոյթին մասնակցող Ճեմարանի աշակերտներէն Հրակ Դրօ Կիւրիւնլեան 13-էն 16 տարեկան տարիքային խումբին երկրորդ դիրքը գրաւեց: Երկուշաբթի, 20 Մայիս 2019-ին Հրակ Դրօն ներկայ գտնուեցաւ սոյն մրցանքի մրցանակաբաշխութեան, որ տեղի ունեցաւ Յովհաննէս Թումանեանի անուան տիկնիկային թատրոնին մէջ, ուր անգամ մը եւս…

Ուրբաթ, 17 Մայիս 2019-ի երեկոյեան «Ազդակ»-ի «Փիւնիկ» սրահին մէջ տեղի ունեցաւ հայկական վարժարաններու պրէօվէի պետական քննութեանց բարձրագոյն նիշ ապահոված աշակերտներու պարգեւատրման ձեռնարկ` կազմակերպութեամբ ՀՅԴ ԼԵՄ-ի դաստիարակչական յանձնախումբին: Կը շնորհաւորենք այս առիթով պարգեւատրուած՝ Ժ. դասարանի աշակերտներէն Կալի Քէշիշեանը եւ Նանոր Հէյպէլեանը:  Ձեռնարկին մանրամասնութիւնները կարելի է ընթերցել այստեղ:  

Ուրբաթ, 17 Մայիս 2019-ին, Տարրականի Ա. դասարանի աշակերտները նշեցին մայրերու օրը: Անոնք իրենց սորված երգերով, արտասանութիւններով, պարերով եւ սրտի խօսքերով յուզեցին իրենց մայրերը: Բարի տօն բոլոր մայրերուն:

Երկուշաբթի, 20 Մայիս 2019-ին, Ճեմարանի հրաւէրով Լիբանան ժամանած հայրենի տաղանդաւոր արուեստագէտներ՝ Գարիկ Պապոյեան եւ Սոնա Ռուբէնեան այցելեցին Ճեմարան: Անոնք շրջեցան դպրոցին մէջ եւ հանդիպեցան տնօրէնութեան եւ աշակերտներուն հետ:

Չորեքշաբթի, 15 Մայիս 2019-ին, Նախակրթարանի Զ. դասարանի աշակերտները, իրենց Պատմութեան եւ Աշխարհագրութեան (Histoire-Géographie) ուսուցչուհիին ընկերակցութեամբ, այցելեցին Պէյրութի Ազգային Թանգարանը: Աշակերտները շրջեցան թանգարանին բոլոր բաժանումները եւ տեսան նախապատմական, հելլենիստական, հռոմէական, բիւզանդական եւ իսլամական քաղաքակրթութիւններու հարստութիւնները՝ քանդակներ, արձաններ, արձանագրութիւններ, կենցաղային առարկաներ եւ տապանաքարեր: Տիկին Շողիկը աշակերտներուն լայն տեղեկութիւններ փոխանցեց դարերու…

Ընկերային կազմաւորման ծրագրի ծիրէն ներս, Ճեմարանի շրջանաւարտ Կալի Խիւտավերտեան (շրջանաւարտ՝ A.U.B. հոգեբանութեան մասնագիտութիւն) միջնակարգի Է. դասարանի աշակերտներուն հետ արծարծեց հետեւեալ նիւթերը՝ ի՞նչպէս ընկեր ընտրել, անձի մը իւրայատկութիւնը, հոգեբանական ինչպիսի՞ հանգրուաններէ կ’անցնի անձերու միջեւ ընկերութիւնը, պատանեկան սէր եւ սիրոյ արտայայտութիւն, ընկերային հաւաքները այս տարիքին, փորձութիւններու չենթարկուիլ….

Կազմակերպութեամբ ընկերային ծառայութեան գրասենեակին, տեղի ունեցան սեռային դաստիարակութեան վերաբերեալ հետեւեալ դասախօսութիւնները. 19 Նոյեմբեր, 2018-ին Տոքթ. Ժանօ Քէքէճեան (միջնակարգի դասարաններ): 3 Ապրիլ 2019-ին կանացի հիւանդութիւններու մասնագէտ Տոքթ. Վիգէն Նանէճեան (երկրորդական բաժինի Ժ. եւ ԺԱ. դասարաններ): 11 Ապրիլ, 2019-ին մանկաբոյժ Տոքթ. Պերճ Տագէսեան (նախակրթարանի Զ. դասարան): Վերոյիշեալ դասախօսութիւններուն ընթացքին, աշակերտներուն…

Ուրբաթ, 10 Մայիս 2019-ին, Մանկապարտէզի Կանաչ դասարանի երեխաները այցելեցին Պսուսի մետաքսի թանգարանը (Ալէյ): Դիտելէ ետք թանգարանին պարտէզին պտղատու ծառերը, երեխաները մտան թանգարան, ուր նոր գիտելիքներ ամբարեցին: Անոնք տեսան խոզակը, շերամը, զանազան գործիքները, մետաքսէ պատրաստուած գորգերն ու շղարշները, ինչպէս նաեւ սորվեցան մետաքսի պատրաստութիւնը:

Կազմակերպութեամբ ընկերային ծառայութեան գրասենեակին, Երկուշաբթի, 13 Մայիս 2019-ի առաւօտեան,  Ճեմարանի ԺԱ. դասարանի աշակերտները այցելեցին Զուարթնոց կեդրոն՝ ընկերակցութեամբ դպրոցի ընկերային ծառայող Սիլվա Սողոմոնեանի եւ ուսուցչուհի Շողիկ Փելթեքեանի։ Մուտքին, Կեդրոնի տնօրէն Վարդի Գէորգեան բացատրութիւններ տուաւ Զուարթնոցի մասին եւ շեշտեց, որ հոն յաճախողները տարբեր կարողութիւններ ունեցող աշակերտներ են եւ ո՛չ՝ մտքով…

Շաբաթ, 11 Մայիս 2019-ին, Ժպէյլի «Սայիտէթ Ալ Մաունէթ» սրահին մէջ տեղի ունեցաւ երաժշտական մրցանքի մրցանակաբաշխութիւնը: Մրցանքին հովանաւորն էր կրթութեան նախարար Աքրամ Շըհայյէպը, իսկ կազմակերպիչը՝ «Լիբանանի բարգաւաճման կազմակերպութիւնը» Ուրախութեամբ կը յայտնենք, որ Ճեմարանի ԺԱ. դասարանի աշակերտուհի Կայէլ Գրիգորեան (քանոն) եւ ԺԲ. Դասարանի աշակերտ Կարօ Գրիգորեան (դաշնամուր) արժանացան մրցանակի: Կը…