Ամբողջ աշխարհի մէջ 2019-2020 ուսումնական տարեշրջանին «Քորոնա» ժահրը ծանր հարուած հասցուց կրթութեան մարզին. զանազան երկիրներու մէջ դպրոցները փակուեցան, եւ այս մէկը ժխտական ազդեցութիւն ունեցաւ աշխարհի աշակերտներուն մեծ մասին վրայ: Լիբանանի մէջ, համաճարակը եւ երկրին մէջ արդէն իսկ տիրող քաղաքական եւ տնտեսական փոթորկալից իրավիճակը միասնաբար ստեղծեցին աննախընթաց տագնապ մը…
Ամէն տարի, Նախակրթարանի Ե. դասարանի աշակերտները հայերէն լեզուի դասանիւթի «հայկական հաց, հայկական երգ» բնաբանի ծիրէն ներս կը սորվին լաւաշին իւրայատկութիւնները եւ կը համտեսեն Հայաստանէն բերուած լաւաշն ու պանիրը: Տրուած ըլլալով, որ ներկայիս աշակերտները տունն են եւ կարելիութիւնը չկայ հայկական լաւաշն ու պանիրը համտեսելու, հայերէնի ուսուցչուհին անոնց առաջարկեց տան…
Դեկտեմբեր 2019-էն Փետրուար 2020, ԺԱ. դասարանի աշակերտներու պատուիրակութիւնը մասնակցեցաւ MEU-ի (Model European Union) ֆրանսերէն լեզուով ծրագրին, LAU համալսարանին մէջ, ուր աշակերտները խորացուցին իրենց գիտելիքները Եւրոպական Միութեան մասին: Այս նախաձեռնութեան աւարտին, մասնակցող աշակերտներէն Ցոլեր Գէորգեան արժանացաւ «Position Paper» մրցանակին, իսկ Ճոն Ժըհայեմ՝«Best Improvement»: Կը շնորհաւորենք զիրենք եւ մեր բոլոր…
3 Մարտ 1930-ին հիմնուած Հայ Ճեմարանը կը դառնայ 90 տարեկան: 90 տարիներէ ի վեր, Ճեմարանը կը մնայ իր հիմնադիրներուն` Լեւոն Շանթի եւ Նիկոլ Աղբալեանի առաքելութեան հաւատարիմ կրթօճախ` հայ հանրութեան ընծայելով ընդհանուր գիտութիւններու տէր, հայ լեզուի, հայոց պատմութեան, հայ մշակոյթի եւ Հայ դատի պահապան յանձնառու երիտասարդներ եւ երիտասարդուհիներ: Աշխարհասփիւռ…
Կազմակերպութեամբ Համազգայինի Մելանքթոն եւ Հայկ Արսլանեան Ճեմարանի Ծնողական Խորհուրդին, Չորեքշաբթի, 19 Փետրուար 2020-ին, յետմիջօրէի ժամը 5:30-ին, Տարրական եւ Նախակրթարան բաժիններու աշակերտները դպրոցին «Տոքթ. Ատրինէ Գարագաշեան» սրահէն ներս տօնեցին Բարեկենդանը: Աշակերտները տօնելու եկած էին ծպտուած, ինչ որ մեծ խանդավառութիւն ստեղծեց ներկաներուն մօտ: «Ծիածան» մանկապատանեկան խումբին ուղորդութեամբ, անոնք մասնակցեցան զանազան…
Բարեկենդանի տօնին ընդառաջ, Ուրբաթ, 21 Փետրուար 2020-ին, Տիկին Սեդա Աւագեան-Մածունեան այցելեց Ճեմարան եւ Նախակրթարանի Դ. դասարանի աշակերտներուն փոխանցեց Բարեկենդանի խորհուրդը: Աշխատանքին առաջին մասով, աշակերտները ձեռք բերին Բարեկենդանի տօնի սովորութիւններուն եւ Մեծ Պահքի մասին տեղեկութիւններ, ուկնդրեցին աւանդական երգեր, ինչպէս նաեւ սորվեցան Բարեկենդանի խաղեր: Ապա, Տիկին Աւագեան-Մածունեան աշակերտներուն ներկայացուց Մեծ…
Մայրենի լեզուի միջազգային օրուան առիթով, Ուրբաթ, 21 Փետրուար 2020-ին, Միջնակարգի Է. դասարանի աշակերտները իրենց հայերէնի դասապահուն բեմականացուցին Մուշեղ Իշխանի «Հայ լեզուն տունն է հայուն» եւ Վահան Թէքէեանի «Տաղ հայերէն լեզուին» քերթուածները: Այս առիթով անդրադարձ եղաւ մայրենի լեզուի եւ յատկապէս արեւմտահայերէնի պահպանման կարեւորութեան: Աշակերտները իմացան, որ աշխարհիս երեսին գոյութիւն…
Ուրբաթ, 21 Փետրուար 2020-ին, Նորսիկեան Մանկապարտէզէն ներս տօնական օր էր: Մանկապարտէզի փոքրիկները երգով ու պարով, դափ ու ծիծաղով տօնեցին Բարեկենդանը: Կէսօրին, երեխաները միասնաբար ճաշեցին, ապա անցան դասարանները եւ ծպտուեցան՝ հագնելով իրենց դաստիարակներուն հետ պատրաստած տարազները, որմէ ետք իջան բակ, ուր երգեցին ու պարեցին եւ կարկանդակ կտրեցին:
Չորեքշաբթի, 19 Փետրուար 2020-ին, Մանկապարտէզի երեխաները նշեցին Վարդանանց տօնը: Անոնք մանկապարտէզի բակին մէջ տողանցեցին, ինչպէս նաեւ պարեցին եւ երգեցին Քաջ Վարդանի եւ իր ընկերներուն նուիրուած երգեր: Նշենք, որ Կանաչ դասարանի աշակերտները Ճեմարանի Տնօրէնութեան կողմէն նուէր ստացան Վարդանանց Տօնին նուիրուած Լալայի ու Արայի որմազդը (poster):
Գիրք նուիրելու օրուան առիթով, Չորեքշաբթի, 19 Փետրուար 2020-ին, Նախակրթարանի Զ. դասարանի զոյգ բաժիններու աշակերտները, իրենց հայերէնի ուսուցչուհիին ընկերակցութեամբ, այցելեցին Տարրական բաժնի «Թումանեան» գրադարանը եւ մէկական գիրք նուիրեցին: Գիրքերու ընտրութիւնը պատահական չէր: Աշակերտները գրադարանին նուիրեցին Յովհաննէս Թումանեանի հեքիաթներէն, որովհետեւ Փետրուար 19-ը կը զուգադիպի «ամենայն հայոց բանաստեղծի» ծննդեան օրուան: Գրադարանի…
Ամենայն հայոց բանաստեղծ Յովհաննէս Թումանեանի ծննդեան օրը՝ Փետրուար 19-ը 2008-էն ի վեր դարձած է գիրք նուիրելու օր: Հետեւաբար, Չորեքշաբթի, 19 Փետրուար 2020-ին, Մանկապարտէզի Վարդագոյն դասարանի փոքրիկները գիրք մը նուիրեցին Նորսիկեան Մանկապարտէզի գրադարանին:
Ճեմարանի ընկերային եւ առողջապահական ծրագրի ծիրէն ներս, Երկուշաբթի, 17 Փետրուար 2020-ին, Ճեմարան այցելեց ատամնաբոյժ Տոքթ. Իշխան Եղիայեան, որ նախակրթարանի Դ. դասարանի աշակերտներուն ներկայացուց առողջապահութեան մասին կենսական գիտելիքներ: PowerPoint-ի ներկայացման միջոցով, ան նախ խօսեցաւ ընդհանուր մարդակազմութեան մասին, որմէ ետք անդրադարձաւ մարմնի մաքրութեան կարեւորութեան եւ առողջութեան վրայ իր ունեցած ազդեցութեան:…
