Ամէն տարի, Նախակրթարանի Ե. դասարանի աշակերտները հայերէն լեզուի դասանիւթի «հայկական հաց, հայկական երգ» բնաբանի ծիրէն ներս կը սորվին լաւաշին իւրայատկութիւնները եւ կը համտեսեն Հայաստանէն բերուած լաւաշն ու պանիրը:
Տրուած ըլլալով, որ ներկայիս աշակերտները տունն են եւ կարելիութիւնը չկայ հայկական լաւաշն ու պանիրը համտեսելու, հայերէնի ուսուցչուհին անոնց առաջարկեց տան պայմաններու մէջ պատրաստել լաւաշ հացը: Կարգ մը աշակերտներ պատրաստեցին զայն եւ նկարները ուղարկեցին դպրոց: Նկարներէն կ’երեւի, թէ ի՛նչ համով լաւաշ պատրաստած են մեր աշակերտները:
Ստորեւ կը ներկայացնենք Ե. դասարանի աշակերտներուն պատրաստած լաւաշները:
