2011-2012 տարեշրջանի տարրական բաժինի ամավերջի հանդէսը տեղի ունեցաւ Ուրբաթ, 15 Յունիսի երեկոյեան ժամը 7։00-ին Ճեմարանի «Տոքթ. Ատրինէ Գարագաշեան» սրահին մէջ։ Տարրական բաժինի աշակերտները հիւրերուն, ծնողներուն եւ հանդիսատեսներուն ներկայացուցին «Ոսկիի կարասը» երգախառն թատերախաղը գեղարուեստական ղեկավարութեամբ հեղինակ-բեմադրիչ Ռոպերթ Առաքելեանին։ Երգուսոյցն էր Մարիա Պարտիզպանեան, իսկ պարուսոյց՝ Մարիժան Ատուրեան։ Բեմի յարդարումը իրագործած…
Կիրակի, 17 Յունիս 2012-ին տեղի ունեցաւ արցախեան ազատամարտիկ, ՀՄԸՄ-ական նահատակ Ճեմարանի շրջանաւարտ Վիգէն Զաքարեանի յիշատակին նուիրուած հեծելարշաւի մրցում մը` հովանաւորութեամբ եւ հսկողութեամբ Լիբանանի հեծելարշաւի ֆետերասիոնին եւ կազմակերպութեամբ ՀՄԸՄ-ի Լիբանանի Շրջանային Վարչութեան:
Շաբաթ, 9 Յունիս 2012-ի երեկոյեան ժամը 6։00-ին տեղի ունեցաւ ՀՕՄ-ի Նորսիկեան Մանկապարտէզի ամավերջի հանդէսը Համազգայինի Մ. եւ Հ. Արսլանեան Ճեմարանի «Տոքթ. Ատրինէ Գարագաշեան» սրահէն ներս, ներկայութեամբ Ճեմարանի անձնակազմին, Համազգայինի Կեդրոնական Վարչութեան, Ճեմարանի խնամակալութեան, ծնողներու, բարեկամներու եւ շրջանաւարտներու։ Վարդագոյն, կապոյտ եւ կանաչ դասարաններու 145 աշակերտները ներկաները փոխադրեցին դէպի «մեծերու»…
Ուրբաթ, 8 Յունիս 2012-ի առաւօտեան տարրական բաժինի բոլոր աշակերտները ուղղուեցան դէպի Աղբալեան ակումբ, ուր Գ. դասարաններու աշակերտները ոտնագնդակ խաղացին խանդավառ մթնոլորտի մէջ, իրենց ծնողներուն ներկայութեամբ։ Գ1 եւ Գ2 դասարաններու աշակերտները կազմած էին «Արցախ» եւ «Հայաստան» ոտնագնդակի խումբերը։ Նոյն դասարաններու աղջիկներն ալ կազմած էին քաջալերող խումբեր։ Անոնք միջ-դադարային պարերով…
Ուրբաթ, 1 Յունիս 2012-ին՝ երեկոյեան ժամը 8։00-ին, Տարրական բաժինի երկրորդ դասարանի աշակերտները նշեցին հայրերու տօնը։ Անոնք երեք լեզուներով երգեցին ու արտասանեցին հայրերուն նուիրուած կտորներ. յետոյ խմբական խաղերով ու մրցումներով հաճելի ու զուարճալի ժամանակ անցուցին։ Ձեռնարկի աւարտին իւրաքանչիւր աշակերտ հօրը նուիրեց յիշատակ մը, որ պատրաստուած էր Պրն. Գօգոյին հսկողութեամբ։
Համազգայինի Փալանճեան-Արսլանեան Ճեմարանի Շրջանաւարտներու Միութեան հրաւէրով եւ կազմակերպութեամբ Գանատայի Համազգայինի «Սանահին» Մասնաճիւղին, Ս. Յակոբ դպրոցի «Ահարոնեան» սրահին մէջ, տեղի ունեցաւ աւելի քան 50 ճեմարանականներու եւ ճեմարանաւարտներու հաւաք մը: Ճեմարանի քայլերգի երգեցողութենէն ետք, բացումը կատարեց Թամար Շահինեան-Փօլատեան, որ բարի գալուստ մաղթեց միութեան ատենապետին՝ Վաչէ Ծատուրեանին եւ բոլոր հին ու…
Երեքշաբթի, 5 եւ Չորեքշաբթի, 6 Յունիս 2012-ին Տարրական բաժինի աշակերտները իրենց ուսուցչուհիներուն ցուցմունքներով եւ հսկողութեամբ գնեցին ֆրանսերէն եւ արաբերէն լեզուներով գիրքեր, որպէսզի ամրան արձակուրդին խաղերու եւ պտոյտներու զուգահեռ կարդան հետաքրքրական եւ օգտաշատ գիրքեր։
Ճեմարանի աշակերտները այս տարի եւս մասնակցեցան «Science and Arts Fair»-ին, որ տեղի ունեցաւ Հինգշաբթի 10 եւ Ուրբաթ 11 Մայիս 2012-ին, LAU Ժպէյլի մէջ։ Գիտութեան բաժինին մասնակցեցան Խաժակ Թապագեան, Ռոստոմ Գարավարդանեան եւ Սէրուժ Հանտեան։ Արուեստի բաժինին՝ ԺԱ. դասարանէն խումբ մը աշակերտներ ներկայացուցին salsa-oriental պարերու փունջ մը (պարողներ՝ Ճեսիքա Տէքէրմէնճեան,…
Չորեքշաբթի, 30 Մայիս 2012-ին, դպրոց այցելեցին արաբերէն դասագիրքերու հեղինակ, Ճեմարանի նախկին արաբերէնի ուսուցիչ Ապտօ Լապաքի եւ լիբանանեան համալսարանի արաբերէն գրականութեան դասախօս Տոքթ. Րապիաա Ապի Ֆատէլ։ Անոնք նախ հանդիպում ունեցան տնօրէնութեան հետ, ապա բարձրացան սրահ, ուր Ճոյ Պասուս ընթերցեց բարի գալուստի խօսք մը, ապա ցուցադրուեցաւ Է. դասարաններու աշակերտներուն կողմէ…
Երեքշաբթի, 29 Մայիս 2012-ին, տարրական բաժինի Գ. դասարաններու աշակերտները տուն վերադարձան իրենց հետ տանելով երկու նուէրներ, զորս պատրաստած էին իրենց աննման մամաներուն համար։ Առաջին նուէրը պատրաստած էին թուաբանութեան պահուն՝ թուաբանական «հաշիւներ»ով, իսկ երկրորդ նուէրը՝ հայերէնի դասապահուն։ Բարի «մայրերու տօն» մեր բոլոր մամաներուն։
Հինգշաբթի, 24 Մայիս 2012-ի առաւօտեան, Հ.Մ.Ը.Մ.-ի սկաուտական ընտանիքին մաս կազմող Ճեմարանի աշակերտները դպրոց ներկայացան իրենց սկաուտական տարազներով եւ բացօթեայ խաղավայրին մէջ խմբուեցան իրենց յատուկ շարքերով՝ գայլիկ-արծուիկ, արի-արենոյշ, պարման-պարմանուհի։ Հ.Մ.Ը.Մ.-ի Անթիլիաս մասնաճիւղի խմբապետական կազմէն ներկայ էին եղբայր Անդօ Պոյաճեան եւ քոյր Մենար Պոյաճեան։ Տեղի ունեցաւ դրօշակի արարողութիւն,Հայաստանի հանրապետութեան եռագոյն…
Ֆրանսերէն դասի առողջապահութեան բնաբանի աւարտին, Երեքշաբթի, 22 Մայիս 2012-ին, տարրական բաժինի Բ. դասարաններու աշակերտները այցելութիւն մը տուին ատամնաբոյժ Իշխան Եղիայեանին եւ մանկաբոյժ Պերճ Տաքեսեանին դարմանատուները։ Անոնք մեծ հետաքրքրութեամբ հետեւեցան բժիշկներուն տուած բացատրութիւններուն։ Երկու բժիշկները մեծ համբերութեամբ եւ մանրամասն բացատրութիւններով պատասխանեցին աշակերտներուն ուղղած բոլոր հարցումներուն։ Աշակերտները շնորհակալական գրութիւն մը…
