Ընկերային կազմաւորման ծրագրի ծիրէն ներս, Մայիս ամսուան ընթացքին, դպրոցի ընկերային ծառայող Սիլվա Քիւրքճեան այցելեց տարրականի եւ նախակրթարանի աշակերտներուն եւ ներկայացուց բռնացումի երեւոյթները դպրոցէն ներս. ան խօսեցաւ ընդհանրապէս բռնադատումի ծանր հետեւանքներուն մասին։ Նիւթը մատուցուեցաւ տարբեր ձեւերով՝ զրոյց, պատմութիւն եւ խմբական աշխատանք։ Տարրական բաժինի աշակերտները խմբական աշխատանքներով ներկայացուցին բռնադատուած եւ…
Համազգայինի Փալանճեան-Արսլանեան Ճեմարանի Շրջանաւարտներու Միութեան Վարչութեան կազմակերպած “Open Wings Open Beer – Champions League final” ձեռնարկը տեղի ունեցաւ Շաբաթ, 19 Մայիս 2012, երեկոյեան ժամը 8:30-ին, Ճեմարանի բացօթեայ բակին մէջ: Ներկայ էին մեծ թիւով շրջանաւարտներ եւ բարեկամներ: Ներկաներուն հրամցուեցան վարչութեան կողմէ պատրաստուած Chicken Wings-երը եւ գարեջուր: Միեւնոյն ժամանակ ներկաները…
Ուրբաթ, 18 Մայիս 2012-ին, տարրական բաժինի Ա. դասարաններու աշակերտները նշեցին մայրերու տօնը։ Անոնք երգեցին եւ արտասանեցին երեք լեզուներով։ Իւրաքանչիւր աշակերտ մաղթանք կամ խօսք մը ուղղեց իր մօրը։ Բոլոր մայրերը եւ աշակերտները յուզումի պահ մը ապրեցան։ Մամաները եւ աշակերտները միասին նախաճաշեցին, ապա բաժնուեցան իրարմէ քանի մը ժամ ետք տեսնուելու…
Ուրբաթ, 18 Մայիս 2012-ի առաւօտեան ժամը 9։30-ին, Նորսիկեան մանկապարտէզի վարդագոյն դասարանի աշակերտները նշեցին մայրերու տօնը։ Յիշեալ ժամուն, մամաները ներկայացան իրենց զաւակներուն դասարանները։ Անոնք միասնաբար կատարեցին ձեռային աշխատանք մը եւ պատրաստեցին պտուղի աղցան։ Ապա բոլորը ուղղուեցան ճաշասրահ, ուր աշակերտները մամաներուն նուիրեցին փունջ մը երգ ու արտասանութիւն, որմէ ետք մայր…
Կազմակերպութեամբ ՀԲԸՄ-ի «Խօսնակ» պաշտօնաթերթի խմբագրութեան, Ուրբաթ, 11 Մայիս 2012-ին, տեղի ունեցաւ արտասանական եւ գծագրական մրցում մը՝ հայ գիրքի տպագրութեան 500 ամեակին եւ մայրենի լեզուի տօնին նուիրուած։ Ե. դասարանի գծագրութեան մրցումին մասնակցեցան Իլայ Ծատուրեան եւ Կարօ Գրիգորեան, իսկ Զ. դասարանի գծագրութեան մրցումին՝ Ճորճ Երանճեան եւ Նարեկ Նալպանտեան։ Կարօ Գրիգորեան…
Ուրբաթ, 11 Մայիս 2012-ին, ամբողջ օրուան ընթացքին կիրարկուեցան զանազան մարզախաղեր եւ աշակերտներուն տրամադրուեցան սննդարար ուտելիքներ՝ Ծնողական Խորհուրդին կողմէ պաատրատուած: Օրուան աւարտին տեղի ունեցաւ կողովագնդակի խաղ՝ աշակերտներուն եւ ուսուցիչներուն միջեւ, խանդավառ մթնոլորտի մէջ: Չափազանց դաստիարակիչ այս օրուան փակումը կատարեց տնօրէն Տիգրան Ճինպաշեան: Ան յայտարարեց ամբողջ տարուան ընթացքին Ճեմարանի աշակերտներուն…
Ուրբաթ, 11 Մայիս 2012-ը յայտարարուեցաւ «Մարզական Օր» Ճեմարանի մէջ։ Մանկամսուրէն մինչեւ Երկրորդական բաժինի աշակերտները եւ դպրոցի անձնակազմին բոլոր անդամները՝ ուսուցիչ, պաշտօնեայ թէ տնօրէն, առաւօտեան դպրոց եկան եռագոյն տարազներով։ Կարմիր, կապոյտ եւ նարնջագոյն շապիկներուն վրայ զետեղուած Ճեմարանի ջահը մարզական օրուան կու տար ազգային երանգ։ Կարծէք Մայիս ամսուան մեր հայրենիքի…
Իբրեւ ծնող, 27 Ապրիլին հրաւիրուած էի Ճեմարանի նախակրթարանի բաժնի 24 ապրիլի առիթով կազմակերպուած ոգեկոչման հանդիսութեան: Ճիշդ ժամուն արդէն ներկայ էի «Ատրինէ Գարագաշեան» սրահին մէջ: Սրահին աթոռներուն կէսը գրաւուած էին 4-րդ, 5-րդ եւ 6-րդ դասարանի աշակերտները, իսկ միւս կէսը յատկացուած էր ծնողներուն: Քիչ անց ներս մտաւ դպրոցին տնօրէնը` ընկերակցութեամբ…
Չորեքշաբթի, 9 Մայիս 2012-ին, մանկապարտէզի վարդագոյն դասարանի աշակերտները իրենց ուսուցչուհիներուն ընկերակցութեամբ հաճելի ժամեր անցուցին «Living Colors» խաղավայրին մէջ։ Անոնք միասին խաղալէ ու զուարճանալէ ետք, շատ ուրախ, բայց նոյն ատեն յոգնած վերադարձան դպրոց։
Տարրական բաժինի մէջ, 23-27 Ապրիլ երկարող շաբաթը յայտարարուեցաւ «ընթերցանութեան շաբաթ»։ Երկրորդ եւ երրորդ դասարանի աշակերտները լեզուի դասապահերուն գրադարանէն ընտրեցին եւ կարդացին իրենց նախասիրած գիրքերը՝ ուսուցիչին հսկողութեամբ եւ օգնութեամբ։
Ուրբաթ, 27 Ապրիլ 2012-ին մանկապարտէզի կապոյտ դասարանի աշակերտները այցելեցին կենդանաբանական պարտէզ, ուր դիտեցին անասունները եւ ստացան իւրաքանչիւր անասունի համապատասխան բացատրութիւններ։ Աշակերտները այս այցելութեամբ ամրապնդեցին անասուններու մասին իրենց գիտելիքները: Անոնք հաճելի ժամանակ անցուցին եւ ուրախ ու խանդավառ վերադարձան դպրոց։
Մայիս ամսուն հաճելի է խաղալով գիտելիքներ ամրապնդել պարտէզին մէջ։ Մանկապարտէզի վարդագոյն (Օրդ. Սիլվա) դասարանի աշակերտները պարտիզպաններ դարձած, բահ ու բրիչով զինուած՝ գեղեցկացուցին դպրոցի պարտէզներէն մէկը։ Անոնք փորեցին, հերկեցին, ցանեցին ու ցնցուղով ջրեցին հողը։
