Ուրբաթ, 8 Ապրիլ 2022-ին, աւարտական դասարանի աշակերտները հանդիպում ունեցան երեք տարբեր սերունդներու շրջանաւարտներու հետ՝ Թամար Պոսնոյեան Տէր Պետրոսեան (1979-ի շրջանաւարտ), Յակոբ Տէր Ղուկասեան (1989-ի շրջանաւարտ) եւ Զաւէն Տէր Պետրոսեան (2007-ի շրջանաւարտ): Իւրաքանչիւր շրջանաւարտ ներկայացուց իր կարեւոր որոշումները կեանքին ընթացքին ու շեշտեց անհրաժեշտութիւնը որոշումներ կայացնելու (decision making), ինչպէս՝ մասնագիտութիւն…
Կազմակերպութեամբ Ճեմարանի Լսարանական Միութեան Հայ Դատի յանձնախումբին, Ուրբաթ, 22 Ապրիլ 2022-ի առաւօտեան ժամը 8։00-ին Համազգայինի Մ. եւ Հ. Արսլանեան Ճեմարանի միջնակարգի եւ երկրորդականի աշակերտները Հայոց Ցեղասպանութեան 107-ամեակը ոգեկոչեցին «Գարագաշեան» սրահին մէջ։ ԺԱ. դասարանէն Արէն Պապիկեան ընթերցեց բացման խօսքը, ապա տեղի ունեցաւ տեսերիզի ցուցադրութիւն։ Աւարտական դասարանէն Հրակ Լախեան ընթերցեց…
Հայոց Ցեղասպանութեան 107-րդ ամեակին առթիւ, Երկուշաբթի 11 Ապրիլ 2022-ին, Նախակրթարանի Զ. դասարանի աշակերտները պատրաստեցին եւ ներկայացուցին Հայոց Ցեղասպանութեան նուիրուած խմբային տարբեր աշխատանքներ: Անոնք անդրադարձան նահատակ գրագէտներուն, ինքնապաշտպանական հերոսամարտերուն, ինչպէս նաեւ ներկայացուցին ցեղասպանութեան նուիրուած երգերը, ֆիլմերը եւ Լիբանանի ու աշխարհի տարածքին գտնուող յուշակոթողները: Աշակերտները հետաքրքրութեամբ ունկնդրեցին ու դիտեցին իրենց…
Կազմակերպութեամբ Ճեմարանի Ընկերային Ծառայութեան գրասենեակին, ԺԱ. եւ ԺԲ. դասարանի աշակերտները յաջորդաբար 5 եւ 12 Ապրիլ 2022-ին այցելեցին Զուարթնոց կեդրոն: Կեդրոնի տնօրէն Վարդինէ Գէորգեան բացատրութիւններ տուաւ կեդրոնին մասին: Ան յայտնեց, որ Զուարթնոց կեդրոնը հիմնուած է 1987-ին գաղութին ընկերային ծառայողներու միութեան հաւաքական աշխատանքով: Կեդրոնը օժտուած է արդիական կազմածներով, եւ դասարաններու…
Երկուշաբթի, 11 Ապրիլ 2022-ին, Ճեմարան այցելեցին Հայկազեան համալսարանի ուսանողական հարցերու բաժինի հրաւէրով Լիբանան ժամանած Յովհաննէս Շարամբէեանի անուան ժողովրդական ստեղծագործութիւններու թանգարանէն հայկական գորգերու եւ զարդանախշերու երկու մասնագէտներ՝ թանգարանի փոխտնօրէն Գայիանէ Ասլանեանը եւ գորգագործուհի Աննա Մանուկեանը։ Անոնք հետաքրքրական աշխատանոց մը վարեցին Միջնակարգի Է. դասարանի աշակերտներուն հետ: Առաջին հերթին, անոնք աշակերտներուն…
Չորեքշաբթի, 13 Ապրիլ 2022-ին, Տարրական բաժնի եւ Նախակրթարանի աշակերտները դպրոցին բացօթեայ բակին մէջ նշեցին Զատիկը: Անոնք հաւկթախաղ խաղացին, կաթնահունձ (brioche) կերան, որմէ ետք խաղացին միջդասարանային ֆութպոլի խաղեր:
Չորեքշաբթի, 13 Ապրիլ 2022-ին, Մանկապարտէզի աշակերտութիւնը նշեց Սուրբ Զատկուան տօնը: Առաւօտ կանուխ, գոյն-գոյն հագուստներ հագած փոքրիկները իրենց ծնողներուն հետ ժամանեցին մանկապարտէզ, որպէսզի միասնաբար նշեն Զատիկը: Տօնակատարութեան բացումը կատարեցին իրենց դպրոցական վերջին օրը նշող աւարտական դասարանի աշակերտները, որոնք իրենց մանկութեան ուսուցչուհիներուն հետ ձեռք-ձեռքի տալով՝ պարեցին հայկական շուրջպարը: Ապա, խօսք…
Երկուշաբթի, 11 Ապրիլ 2022-ին, Մանկապարտէզի երեխաները իրենց հետ բերած էին խաշած հաւկիթներ, զորս օրուան ընթացքին գոյն-գոյն ներկեցին իրենց դաստիարակներուն եւ ընկերներուն հետ: Այս աշխատանքէն ետք, Վարդագոյն դասարանի փոքրիկները պարտէզ ելան եւ փնտռեցին Ժանօ նապաստակին պահած հաւկիթները:
Երկուշաբթի, 11 Ապրիլ 2022-ին, Տարրական բաժնի Գ. դասարանի աշակերտները, Հայոց Պատմութեան ծրագրի ծիրէն ներս, հիւրընկալեցին Հոգեշնորհ Տէր Եսայի Աբեղայ Էօրտէքեանը, որ իրենց փոխանցեց Սուրբ Զատկուան խորհուրդը: Աշակերտները Տէր Եսայիին ուղղեցին զանազան հարցումներ եւ հանդիպման աւարտին անոր շնորհակալութիւն յայտնեցին իրենց պատրաստած բացիկով:
Երեքշաբթի, 5 Ապրիլ 2022-ին, Ճեմարան այցելեցին Արցախէն խումբ մը տաղանդաւոր պատանիներ, որոնք Լիբանան կը գտնուին Արցախի կրթութեան, գիտութեան, մշակոյթի եւ մարմնակրթութեան նախարարութեան հովանաւորութեամբ եւ ՋԱՀ յանձնախումբին կազմակերպութեամբ: Ճեմարանի աշակերտները իրենց արցախցի հիւրերը ընդունեցին Գարագաշեան սրահին մէջ: Աւարտական դասարանէն Արամ Հանտեան ողջունեց զիրենք ըսելով. «Ճեմարանը ձեր տունն է, ինչպէս…
Զ. դասարաններու աշակերտները մասնակցեցան ֆրանսերէն լեզուի ոսուցչուհիին կազմակերպած «ճիշդ հնչենք» մրցանքին, որ ընթացաւ երեք հանգրուաններով: Վեհ Հարպոյեան, Ալիք Ղազար եւ Լիմ Քենտիրճեան հասան վերջին հանգրուան: Չորեքշաբթի, 23 Մարտին, յաղթական հանդիսացան Ալիք Ղազար եւ Լիմ Քենտիրճեան:
Ճեմարանի ընկերային ծառայութեան գրասենեակի ընկերային կազմաւորման ծրագրի ծիրէն ներս, Երեքշաբթի, 23 Մարտ 2022-ին, Նախակրթարանի Ե. դասարանէն խումբ մը աշակերտներ՝ ընկերակցութեամբ դպրոցի ընկերային ծառայող տիկին Սիլվա Սողոմոնեանին, շրջեցան կարգ մը դասարաններ եւ աշակերտներուն խօսեցան բռնադատման (bullying) մասին՝ ներկայացնելով անոր զանազան ձեւերը՝ ֆիզիքական, բանաւոր, հոգեբանական եւ այլն: Նշենք, որ անցնող…
