Մեծ ուրախութեամբ կը յայտարարենք, որ Ճեմարանի բարերարներէն` Տէր եւ Տիկ.  Յակոբ եւ Սոնիա Գուճաքեանները, ի շարս զանազան այլ նուիրատուութիւններու, մեզի յայտնած են, թէ Գուճաքեան հիմնարկութիւնը որոշած է իրենց ծնողաց` Աբրահամ եւ Վերժին Քուճաքեանի յիշատակին, յառաջիկայ քառամսեայ ժամկէտով (Յուլիսէն – Հոկտեմբեր 2022-ի աւարտ) Ճեմարանին կատարուող նուիրատուութիւններու գումարը կրկնապատկել, առաւելագոյնը…

Ուրախութեամբ կը յայտնենք, որ լիբանանահայ նահատակ ազատամարտիկ Մհեր Ջուլհաճեանի յիշատակին նուիրուած միջնակարգ եւ երկրորդական վարժարաններու աշակերտական շարադրական մրցանքին Ճեմարանի միջնակարգի աշակերտուհիներէն Լոռի Աւետիս հանդիսացաւ առաջին, իսկ Լոռի Յովսէփեան արժանացաւ պատուոյ յիշատակութեան: Երկրորդական բաժինէն Սեւակ Զարմէնեան հանդիսացաւ երրորդ:  Մանրամասնութիւնները կարդալ այստեղ: 

Հինգշաբթի, 23 Յունիս 2022-ի երեկոյեան ժամը 7:00-ին Համազգայինի Մ. եւ Հ. Արսլանեան    Ճեմարանի «Տոքթ. Ատրինէ Գարագաշեան» մարզամշակութային սրահին մէջ  տեղի ունեցաւ ԺԲ. աւարտական դասարանի վկայականներու բաշխման հանդիսութիւնը, ներկայութեամբ Լիբանանի Հայոց Թեմի Առաջնորդ Գերաշնորհ Տէր Շահէ Արքեպիսկոպոս Փանոսեանի, Լիբանանի մէջ Հայաստանի դեսպան՝ Վահագն Աթաբէկեանի, պետական դէմքերու, Քաղաքական կուսակցութիւններու, մարմիններու…

Երեքշաբթի, 21 Յունիս 2022-ին, երեկոյեան ժամը 7:00-ին, Համազգայինի Մելանքթոն եւ Հայկ Արսլանեան Ճեմարանի «Տոքթ. Ատրինէ Գարագաշեան» սրահէն ներս տեղի ունեցաւ ՀՕՄ-ի Նորսիկեան Մանկապարտէզի ամավերջի հանդէսը, ներկայութեամբ Ճեմարանի անձնակազմին, Համազգայինի Կեդրոնական Վարչութեան, Ճեմարանի խնամակալութեան, ծնողներու, բարեկամներու եւ շրջանաւարտներու: Բացման խօսքը կատարեց մանկապարտիզպանուհի Թալին Եահնիյեան, որ ողջունեց ներկաները եւ ըսաւ,…

Համազգայինի Մ. եւ Հ. Արսլանեան Ճեմարանի տնօրէնութիւնը ուրախութեամբ կը յայտնէ, որ 2021-2022 տարեշրջանի աւարտական դասարանի ֆրանսական պաքալորէայի քննութիւններուն ներկայացած 25 աշակերտները յաջողած են (100 առ հարիւր): 20 աշակերտներ արժանացած են յիշատակութեան (5 շատ լաւ, 10 լաւ, 5 բաւական լաւ): Ստորեւ աշակերտներուն անուանացանկը. Գիտական դասարանէն. Ակոբ Օղլի Մարիա (լաւ),…

Շաբաթ, 11 Յունիս 2022-ին, Մանկապարտէզի Վարդագոյն դասարանի փոքրիկները նշեցին մայրերու եւ հայրերու տօնը։ Եռագոյն դրօշակները իրենց ճակատներուն՝ փոքրիկները երգեցին մայրերու եւ հայրերու նուիրուած երգեր, ապա պարեցին «Հայաստան» երգին տակ: Պարէն ետք փոքրիկները իրենց մամաներուն եւ պապաներուն նուիրեցին ձեռային աշխատանքները եւ նկարուեցան անոնց հետ։ Յայտագրի աւարտին, ներկաները համտեսեցին Մանկապարտէզի…

Ուրբաթ, 10 Յունիս 2022-ին, Տարրական բաժնի Ա. եւ Բ. դասարաններու աշակերտները իրենց մայրերուն համար պատրաստած էին հանդէս մը: Անոնք իրենց ծնողներուն ձօնեցին իրենց սորված արտասանութիւնները, երգերն ու պարերը, ինչպէս նաեւ իւրաքանչիւր աշակերտ ըսաւ, թէ իր մայրը ի՛նչ կը ներկայացնէ իրեն համար: Հանդէսին ընթացքին, աշակերտներուն մայրերը քաշեցին մայրերու մասին…

Ընկերային կազմաւորման ծրագրի ծիրէն ներս, Ուրբաթ, 10 Յունիս 2022-ին, Նախակրթարանի Դ. դասարանի աշակերտները իրենց դասարանէն ներս հիւրընկալեցին Ճեմարանի շրջանաւարտ Տոքթ. Իշխան Եղիայեանը, որ անոնց փոխանցեց ընդհանուր առողջապահութեան եւ ակռաներու խնամքի մասին գիտելիքներ: Աշակերտները ուշի ուշով հետեւեցան պարոն Եղիայեանի բացատրութեան, որուն աւարտին ուղղեցին իրենց հարցումներն ու ստացան անոնց լուսաբանութիւնը:  

Չորեքշաբթի, 8 Յունիս 2022-ին, դպրոցին հիւանդապահուհին՝ տիկին Թալինը, շրջեցաւ Նախակրթարանի Դ. եւ Ե. դասարանները եւ աշակերտներուն զեկուցեց «Կապիկի ծաղիկ» (Monkeypox) հիւանդութեան մասին:

Չորեքշաբթի, 8 Յունիս 2022-ին, Նախակրթարանի Զ. դասարանի աշակերտները մասնակցեցան դպրոցի ընկերային ծառայողին կազմակերպած զարգացման մրցումին, որ կ’ընդգրկէր աշխարհագրաթեան, մարզաշխարհի, երաժշտութեան, գրականութեան եւ քաղաքականութեան մասին հարցումներ:

Ֆրանսերէն բերանացի արտայայտութիւնը բարելաւելու համար, Տարրական բաժնի Բ. դասարանի աշակերտները անցնող շաբաթներուն ընթացքին, ֆրանսերէնի դասապահերուն բերին իրենց հոգեհարազատ առարկաներն ու կենդանիները եւ քանի մը վայրկեան խօսեցան անոնց մասին: