Ուրբաթ, 3 Յունիս 2022-ին, Մանկապարտէզի Կանաչ դասարանի փոքրիկները իրենց ուսուցիչներուն եւ ծնողներուն հետ ունեցան ներքին դաշտագնացութիւն մը մանկապարտէզի պարտէզին մէջ: Նախ, երեխաները երգեցին մայրերու նուիրուած երգեր, որմէ ետք շրջանակներ կազմելով նստան գետնին փռուած ծածկոցներուն վրայ եւ ճաշակեցին իրենց բերած ուտելիքները:
Չորեքշաբթի, 1 Յունիս 2022-ին, Նախակրթարանի աշակերտները ունեցան իրենց տարեկան պտոյտը: Առաւօտուն հաւաքական նախաճաշ մը ընելէ ետք, անոնք մեկնեցան Նահր Քալպի «Animal City» կենդանաբանական պարտէզը, ուր հաճելի ժամեր անցուցին՝ ծանօթանալով պարտէզէն ներս գտնուող ընտանի եւ վայրի կենդանիներուն: Դպրոց վերադառնալէ ետք, աշակերտները ունեցան բացօթեայ խաղեր եւ մրցումներ:
Հինգշաբթի, 26 Մայիս 2022-ին, վերջին պահուն տեղի ունեցաւ միջնակարգի աշակերտներուն Հայաստանի անկախութեան տարեդարձին նուիրուած ձեռնարկը, որուն ներկայ գտնուեցան Է., Ը. եւ Ժ. դասարաններու աշակերտները: Հայաստանի եւ Ճեմարանի քայլերգներուն ունկնդրութենէն ետք, Ժան Կարապետեան ընթերցեց «1918 Մայիս 28» խօսքը, ապա ձեռնարկին բացման խօսքը ընթերցեցին Սելին Գիլէճեան եւ Ալիք Քէշիշեան: Ձեռնարկի…
Հինգշաբթի, 26 Մայիս 2022-ի առաւօտեան, Հ.Մ.Ը.Մ.-ի սկաուտական ընտանիքին մաս կազմող Ճեմարանի աշակերտները դպրոց ներկայացան իրենց սկաուտական տարազներով եւ բացօթեայ խաղավայրին մէջ խմբուեցան իրենց յատուկ շարքերով՝ գայլիկ-արծուիկ, արի-արենոյշ, երէց-պարմանուհի։ Տեղի ունեցաւ դրօշակի արարողութիւն, որմէ ետք Հ.Մ.Ը.Մ.-ի խօսքը ընթերցեց քոյր Արին Կիւլլիւճեան։ Ան յայտնեց, որ Հայաստանի Հանրապետութեան անկախութեան հռչակումէն եօթը…
Հինգշաբթի, 26 Մայիս 2022-ին, պատուիրակութեամբ մը Ճեմարան այցելեցին Արցախի Հանրապետութեան Ազգային ժողովի նախագահ Արթուր Թովմասեան, Ազգային ժողովի ՀՅԴ խմբակցութեան ղեկավար եւ ՀՅԴ Արցախի Կեդրոնական կոմիտէի ներկայացուցիչ Արթուր Մոսիեան, արտաքին գործոց փոխնախարար Արմինէ Ալեքսանեան: Տնօրէնութեան կողմէ հիւրընկալուելէ ետք, Ճեմարանի վարչական պատասխանատու Դաւիթ Գազանճեանի ընկերակցութեամբ անոնք շրջեցան Ճեմարանի զանազան բաժինները…
Համազգայինի Մելանքթոն եւ Հայկ Արսլանեան Ճեմարանի տնօրէնութիւնը ուրախութեամբ կը յայտարարէ, թէ Ամերիկայի Միացեալ Նահանգներէն խումբ մը ՃԵՄԱՐԱՆԻ ԲԱՐԵԿԱՄՆԵՐ կը ստանձնեն Ճեմարանի Հ.Օ.Մ.-ի Նորսիկեան մանկապարտէզի 2022-2023 տարեշրջանի վարդագոյն դասարանի (3-էն 4 տարեկան) 30 երեխաներու կրթաթոշակները: Սոյն ծրագիրը պիտի շարունակուի յաջորդաբար 3 տարիներ: Շնորհակալութիւն կը յայտնենք բոլոր անոնց, որոնք նախաձեռնեցին…
Միջնակարգի Է. դասարաններու աշակերտները մասնակցեցան ֆրանսերէն լեզուի ոսուցչուհիին կազմակերպած «ճիշդ հնչենք» մրցանքին, որ ընթացաւ քանի մը հանգրուաններով: Միկելլա Պահնասիլեան, Հայկ Ժերդիտեան, Լոռիթա Սրուրեան, Մեղրի Գասապեան եւ Անթոնի Նիւրբեթլեան հասան վերջին հանգրուան: Ի վերջոյ, յաղթական հանդիսացան Մեղրի Գասապեան եւ Անթոնի Նիւրբեթլեան:
Ուրբաթ, 6 Մայիս 2022-ին, Հ.Օ.Մ.-ի Նորսիկեան մանկապարտէզէն ներս տեղի ունեցաւ «Բաց դռներ»ու օր մը, որուն մասնակցեցան մանկապարտէզ յաճախելու տարիքը հասած երեխաներու ծնողները: Բացման խօսքով ներկաները ողջունեց Համազգայինի «Ռաֆֆի եւ Անելկա Արսլանեան» մանկամսուրի պատասխանատու Թալին Փափիրեանը, որմէ ետք խօսք առաւ Ճեմարանի տնօրէնուհի Փաուլա Եղիայեանը, որ խօսեցաւ դպրոցի ընդհանուր կառոյցին…
Ուրբաթ, 13 Մայիս 2022-ին, Ճեմարան այցելեց ճարտարապետ Մովսէս Տէր Գէորգեան եւ հանդիպում ունեցաւ երկրորդական բաժինի Ժ. դասարանի աշակերտներուն հետ: Ան հաճելի եւ հետաքրքրական զրոյց մը վարեց անդրադառնալով հայերէն լեզուի օգտագործման՝ մասնագիտական տարբեր ոլորտներու մէջ: Ան ըսաւ, որ սոսկ խօսակցութեան համար գործածելէ անդին անհրաժեշտ է լեզուն այսօրուան կալուածին մէջ…
Չորեքշաբթի, 4 Մայիս 2022-ին, Նախակրթարանի Ե. եւ Զ. դասարաններու աշակերտները այցելեցին Ժպէյլ քաղաքի Հայոց ցեղասպանութեան որբերու «Արամ Պեզիկեան» թանգարանը: Թանգարանին բակին մէջ աշակերտները դիմաւորեց պարոն Գրիգոր Ալոզեանը, որ համառօտ տեղեկութիւններ փոխանցեց Ժպէյլի որբանոցին եւ թանգարանի կառուցման մասին: Ապա աշակերտները խումբ առ խումբ մտան թանգարան եւ ծանօթացան որբերու պատմութեան:…
Մ. Եւ Հ. Արսլանեան Ճեմարանի աշակերտական պատուիրակութիւն մը (Ժ. դասարանէն) այս տարի եւս մասնակցեցաւ Լիբանան-Ամերիկեան Համալսարանի (LAU) նախաձեռնած Model United Nations (MUN) ծրագրին: Այս ծրագրի գործնականացման հանդիպումներուն, աշակերտները խորացուցին իրենց գիտելիքները Միացեալ Ազգերու Կազմակերպութեան (ՄԱԿ) մասին, անոնք սորվեցան քաղաքացիական պատասխանատուութիւն ստանձնել, սորվեցան տագնապներու խաղաղ լուծման ուղղուած բանակցութիւններ վարելու,…
Չորեքշաբթի, 20 Ապրիլ 2022-ին, Քամիլ Շամունի անուան մարզական աւանին մէջ տեղի ունեցան Լիբանանի աթլեթիզմի ֆետերասիոնին կողմէ կազմակերպուած, Լիբանանի 20 տարեկանէն վար ազգային խումբին կազմութեան զտումի մրցումները: Մարզիկներուն միջեւ տեղի ունեցած բաւական սուր պայքարէ ետք, կազմուեցաւ Լիբանանի ազգային խումբը, որուն մաս կազմեցին Ճեմարանի աւարտական դասարանի աշակերտներ՝ Արմէն Եղիայեան եւ…
