Նոյեմբեր ամսուան ընթացքին ՀՕՄ-ի եւ Համազգայինի Կեդրոնական Վարչութիւնները այցելեցին Ճեմարան, շրջեցան դպրոցի զանազան բաժինները եւ մօտէն ծանօթացան Ճեմարանի առօրեային, արձանագրած յաջողութիւններուն եւ դիմագրաւած դժուարութիւններուն։
Լիբանանի անկախութեան տօնին ընդառաջ, Չորեքշաբթի, 16 Նոյեմբեր 2022-ին, Նախակրթարանի աշակերտները իրենց ուսուցիչներուն ընկերակցութեամբ այցելեցին Լիբանանեան Օդուժի Պէյրութի Խարիսխը (قاعدة بيروت الجوية): Այցելութեան ընթացքին, սպաները աշակերտներուն ներկայացուցին կառոյցին տարբեր շէնքերն ու բաժանումները: Աշակերտները առիթը ունեցան տեսնելու լիբանանեան օդուժին պատկանող քանի մը ուղղաթիռներ եւ իմացան անհրաժեշտ տեղեկութիւնները անոնց մասին: Աշակերտները…
Հինգշաբթի, 17 Նոյեմբեր 2022-ին, մանկապարտէզի կապոյտ դասարանի աշակերտներուն օրուան բոլոր աշխատանքները կեդրոնացան «Շրջապատս մաքուր կը պահեմ» նիւթին շուրջ: Օրուան նպատակն էր ամրապնդել երեխաներուն մօտ շրջապատի մաքրութեան վերաբերող անհրաժեշտ գիտելիքներ: Փոքրիկները դպրոց եկան դոյլերով, սպունգներով եւ լաթերով: Դպրոցի ընկերային ծառայող Սիլվա Սողոմոնեան պատմութեան մը ընդմէջէն փոքրիկներուն խօսեցաւ մաքրութեան կարեւորութեան…
Ուրբաթ, 4 Նոյեմբեր 2022-ին, միջնակարգի աշակերտները առիթը ունեցան տեսնելու Լիբանանի տեսարժան վայրեր: Անոնք նախ այցելեցին Պարուքի մշտադալար մայրիներուն արգելոցը, վայելելով նարնջագոյն ու կարմրագոյն ծառերը, որոնք ծածկած էին լեռներն ու ձորերը: Աշակերտները արշաւեցին անտառին մէջ, ուր կանաչապատ մայրիի ծառերը գոցած էին կապտագոյն երկինքը: Լսեցին զբօսավարին բացատրութիւնները մայրիի ծառերուն ու…
Հինգշաբթի, 10 Նոյեմբեր 2022-ին, նախակրթարանի Զ. դասարաններու աշակերտները հանդիպում մը ունեցան Ճեմարանի շրջանաւարտ եւ վաստակաշատ ուսուցչուհի Շաղիկ Մկրտիչեանի հետ, որպէսզի ծանօթանան սփիւռքահայ գրագէտ Մուշեղ Իշխանին: Տիկին Շաղիկ աշակերտներուն ներկայացուց Մուշեղ Իշխանը իբրեւ լա’ւ մարդ, լա’ւ ուսուցիչ եւ լա’ւ գրագէտ: Աշակերտները մեծ հետաքրքրութեամբ հետեւեցան նիւթին եւ զանազան հարցումներ ուղղելով…
Հինգշաբթի, 10 Նոյեմբեր 2022-ին, դպրոցի հիւանդապահուհին՝ Թալին Ստեփան, մանկապարտէզի կապոյտ դասարաններու փոքրիկներուն փոխանցեց ակռաներու մաքրութեան վերաբերող անհրաժեշտ գիտելիքներ: Փոքրիկները ակռաներու համար վնասակար եւ օգտակար ուտելիքներու նկարներ փակցուցին, ապա պատրաստեցին խաւաքարտէ ակռաներ:
Կազմակերպութեամբ Ճեմարանի ընկերութեան ծառայութեան գրասենեակին, Չորեքշաբթի 2 Նոյեմբեր 2022-ին, տեղի ունեցաւ ուսման կողմնորոշման հանդիպում մը ԺԲ. դասարանի աշակերտներուն հետ: Հայկազեան համալսարանի ընդունման գրասենեակէն Նաթալի Թաքաճեան զեկուցեց Հայկազեան համալսարանի մասնագիտութիւններուն, ընդունման վաւերաթուղթերուն, մուտքի քննութիւններուն եւ կրթանպաստներուն մասին, ապա պատասխանեց աշակերտներուն լուսաբանական հարցումներուն: Երկրին տնտեսական այս դժուար օրերուն, Հայկազեան համալսարանը…
Երկուշաբթի, 31 Հոկտեմբեր 2022-ին, ՀՕՄ-ի Ջաւախք հիմնադրամի ներկայացուցիչ եւ Ճեմարանի 1985-ի շրջանաւարտ Իվան Արտալճեան այցելեց Ճեմարան: Ան հանդիպում ունեցաւ տնօրէնութեան, Համազգայինի Կեդրոնական վարչութեան ատենապետին եւ փոխատենապետին հետ, ապա դպրոցին մէջ շրջելէ ետք, «Պօլեան» սրահին մէջ երկրորդականի ԺԱ. եւ ԺԲ. դասարանի աշակերտներուն խօսեցաւ Ջաւախքի մասին. ան ամփոփ ձեւով ներկայացնելէ…
Հոկտեմբեր ամիսը կուրծքի քաղցկեղի մասին իրազեկման միջազգային ամիս կը նկատուի: Այդ առիթով, միջնակարգի գիտական նիւթերու ուսուցչուհիները աշակերտներուն խօսեցան կուրծքի քաղցկեղին մասին` անոր ախտաճանաչման եւ զայն կանխարգիլելու միջոցներու մասին:
Հինգշաբթի, 27 Հոկտեմբեր 2022-ին Ճեմարան այցելեցին Ֆրանսայի «Դպրոցասէր» վարժարանի ուսուցչուհի, «Ծիծեռնակ» արեւմտահայերէն գրական կայքէջի հիմնադիր, բանաստեղծուհի Նորա Պարութճեան եւ իր դուստրերը, ընկերակցութեամբ «Պատկեր» մշակոյթի տան տնօրէն Արփի Մանկասարեանի: Հիւրերը նախ ընդունուեցան տնօրէնութեան կողմէ, ապա մտերմիկ զրոյցէ մը ետք անոնք շրջեցան Ճեմարանի զանազան բաժինները, ծանօթացան անձնակազմին եւ աւարտական դասարանի…
Հինգշաբթի, 27 Հոկտեմբեր 2022-ին, Ճեմարանի մարզանքի ուսուցիչներ Սագօ Էսքիճեան եւ Արամ Աբրահամեան այցելեցին մանկապարտէզ եւ կանաչ դասարաններու փոքրիկներուն խօսեցան մարզանքի կարեւորութեան մասին: Փոքրիկները հետեւեցան մարզիչներուն ցուցմունքներուն եւ տարբեր-տարբեր մարզանքներ ըրին:
Շաբաթ, 15 Հոկտեմբերին, 2022-2023 տարեշրջանի MUN-ի մասնակից Ժ. դասարանի աշակերտներու պատուիրակութիւնը ներկայ գտնուեցաւ առաջին դասընթացքին, LAU համալսարանէն ներս։ Մասնակիցներն են. Սէրլի Ջուլհաճեան, Նարօտ Կիւրիւնլեան, Լորի Յովսէփեան, Բարտի Արսլանեան, Գարինա Վասիլեան, Կարին Ճինպաշեան, Վահագն Հաշէօլեան, Հրակ Գէորգեան, Արեգ Ժերդիտեան, Նժդեհ Մերտխանեան: Յաջողութիւն կը մաղթենք մեր աշակերտներուն:
