Նորսիկեան մանկապարտէզի կապոյտ դասարանի աշակերտները ձմրան հագուստներուն վերաբերող անհրաժեշտ բառամթերքին տիրապետելէ ետք, կազմակերպեցին ցուցադրութիւն մը։ Անոնք բուրդէ գունաւոր վզկապներ, գլխարկներ եւ ձեռնոցներ հագած նկարուեցան իրենց դասարաններուն եւ մանկապարտէզի բակին մէջ։ Ի՜նչ հաճելի է ձմեռը, երբ մարդիկ լաւ պատսպարուած են ցուրտին դէմ։
Չորեքշաբթի, 26 Յունուար 2011-ին, տարրական բաժնի Ա. դասարանի աշակերտները իրենց ուսուցիչներուն ընկերակցութեամբ այցելեցին հացատուն եւ ծանօթացան հացի պատրաստութեան զանազան հանգրուաններուն։ Հայերէն լեզուի ու գիտութեան ուսուցչուհին տեղւոյն վրայ աշակերտներուն բացատրեց, թէ ի՛նչպէս մեր օրերուն արդիական գործիքներուն շնորհիւ, արագութեամբ կը պատրաստուին հացն ու խմորեղէնները։ Աշակերտները համտեսեցին հացը եւ իրենց հրամցուած…
Ընկերային կազմաւորման ծրագրի ծիրէն ներս, Ուրբաթ, 21 Յունուարին, «Հորիզոն» թմրամոլութեան կեդրոնի կազմակերպութեամբ տեղի ունեցաւ դասախօսութիւն Թ. դասարանի աշակերտներուն։ «Հորիզոն»ը թմրամոլութեան նիւթը կ՚արծարծէ հայկական զանազան միջավայրերու մէջ, ինչպէս նաեւ կ՚օգնէ թմրամոլներուն դուրս գալու այդ վիճակէն։ Աշակերտներուն ներկայացուեցան թմրեցուցիչներուն զազազան տեսակները եւ անոնց պատճառած վնասները։ Դասախօսութեան աւարտին թմրեցուցիչին «Ոչ ըսելու»…
«Ուալիտ Պըն Թալալ» մարդասիրական հաստատութիւնը Համազգայինի Մ. եւ Հ. Արսլանեան Ճեմարանին նուիրեց ելեկտրոնային արդիական կազմածներ՝ երկրորդական բաժինի դասարաններուն, ինչպէս նաեւ ելեկտրոնային գրադարանի մը անհրաժեշտ գործիքներն ու համակարգիչները: Հինգշաբթի, 20 Յունուար 2011-ին, կէսօրէ առաջ ժամը 11։00-ին, նախկին նախարար եւ «Ուալիտ Պըն Թալալ» հաստատութեան նախագահ Լէյլա Սոլհ-Համատէ այցելեց Ճեմարան, ուր…
Ուրբաթ, 21 Յունուարին, Ե. դասարանի աշակերտները դասարանէն ներս գտնուող ձեռակերտ հեռատեսիլ մը օգտագործելով, դարձան լրագրողներ ու հաղորդավարներ եւ ներկայացուցին զիրենք հետաքրքրող զանազան նիւթեր։ Աշակերտները նախապէս կատարած էին իրենց նախընտրած նիւթին վերաբերող պատի թերթի աշխատանքը, ապա ֆրանսերէնի համադրող ուսուցչուհիին եւ կրթական պատասխանատուին ներկայութեան իւրաքանչիւրը ներկայացուց իր աշխատանքը։ Հետաքրքրական այս…
Չորեքշաբթի, 19 Յունուարին արաբերէն լեզուով բանաւոր արտայայտութիւնը զարգացնելու ծիրէն ներս, Զ. դասարաններու աշակերտները ներկայացուցին իրենց կատարած ծանուցում պատրաստելու դասարանային աշխատանքը։ Իւրաքանչիւր խմբակ բեմականացուած ձեւով կատարեց իր ընտրած արտադրութեան արաբերէն լեզուով ծանուցումը։ Աշակերտները ուրախութեամբ հետեւեցան իրենց ընկերներուն ներկայացումին եւ անշուշտ ընկալեցին նոր բառամթերք։
Հինգշաբթի, 30 Դեկտեմբերի առաւօտեան Նախակրթարանի աշակերտներուն համար դասարաններէն ներս կատարուեցաւ հիւրասիրութիւն։ Անոնք նուէրներ փոխանակեցին, ապա փոխադրակառքերով մեկնեցան դիտելու ամանորեան Tangled շարժապատկերը։ Աշակերտները գոհ եւ ուրախ վերադարձան դպրոց։ Միջնակարգի աշակերտները «Տոքթ. Ատրինէ Գարագաշեան» սրահին մէջ, իրենց ուսուցիչներուն ընկերակցութեամբ տօնեցին կաղանդը, ներկայացնելով իրենց իսկ պատրաստած յայտագիրը, որ կ՚ընդգրկէր պար, նուագ…
Չորեքշաբթի, 29 Դեկտեմբերին Ճեմարանի Մանկապարտէզի ու Մանկամսուրի փոքրիկները կաղանդը տօնեցին Նորսիկեան Մանկապարտէզին մէջ իրենց ծնողներուն եւ հարազատներուն ներկայութեամբ։ Առաւօտեան ժամը 9-ին փոքրիկները իրենց ուսուցիչներուն ընկերակցութեամբ մուտք գործեցին շքեղօրէն յարդարուած սրահը, որուն կեդրոնը զետեղուած Հայկական Տօնածառը բոլորին ուշադրութիւնը կը գրաւէր։ Ան զարդարուած էր աշակերտներուն բերած մրգեղէններով։ Մանկապարտէզի ուսուցչուհիները տօնածառի,…
Կազմակերպութեամբ Ճեմարանի Ընկերային Յանձնախումբին, Չորեքշաբթի, 29 Դեկտեմբերի կէսօրին տեղի ունեցաւ Ճեմարանի անձնակազմին Կաղանդի տօնակատարութիւնը Օրիժինալ ճաշարանէն ներս, ներկայութեամբ Համազգայինի Կեդրոնական Վարչութեան անդամներու, Ճեմարանի Խնամակալութեան ներկայացուցիչին եւ Ծնողական Խորհուրդի անդամներուն։ Ճեմարանի տնօրէն Տիգրան Ճինպաշեան Նոր Տարուան բարեմաղթանքի իր խօսքին ընթացքին, յայտնեց որ Կեդրոնական Վարչութիւնը առ ի գնահատանք Մ. եւ…
Չորեքշաբթի, 29 Դեկտեմբերին, Միջնակարգի 7-րդ, 8-րդ եւ 9-րդ դասարաններու աշակերտները առանձնաբար դասախօսական հանդիպում ունեցան Յակոբ Հանտեանի հետ, նիւթ ունենալով՝ «համակարգիչի եւ յարակից ելեկտրոնային այլ գործիքներու ճշգրիտ գործածութիւնը մեր կեանքին մէջ»։ Հանտեան համակարգիչը ներկայացուց իբրեւ հրաշալի գիւտ մը, որ միեւնոյն ատեն կը դժուարացնէ մեր կեանքը եթէ մոլութեան ճամբով յանձնուինք…
Երեքշաբթի, 28 Դեկտեմբեր 2010-ին, երեկոյեան ժամը 6:00-ին, «Ազդակ»ի «Փիւնիկ» սրաին մէջ տեղի ունեցաւ «Պզտիկ-Մզտիկ»ի «Անսխալ գրենք» մրցանքին մրցանակաբաշխութիւնը: «Պզտիկ-Մզտիկ»ի խմբագրական կազմի անդամ Լենա Արապօղլեան մրցանակաբաշխութեան ձեռնարկի բացման ընթացքին ողջոյնի խօսք ուղղեց ներկաներուն, ինչպէս նաեւ շնորհակալութիւն յայտնեց թէ՛ հայկական վարժարաններու տնօրէնութեանց եւ ուսուցչական կազմերուն, թէ՛ ծնողներուն, որոնք կը մղեն…
Երկուշաբթի, 27 Դեկտեմբեր 2010-ի առաւօտեան մանկամսուրի փոքրիկները Նորսիկեան մանկապարտէզէն փոխադրակառքով մեկնեցան դէպի «մեծ»երուն դպրոցը։ Փոքրիկները կաղանդի առիթով իրենց պատրաստած ձեռային աշխատանքները նուիրեցին Ճեմարանի տնօրէնութեան ու պաշտօնէութեան եւ անոնց փոխանցեցին Նոր Տարուան համար լաւագոյն բարեմաղթանքները։
