Կազմակերպութեամբ Ճեմարանի Ընկերային Յանձնախումբին, Չորեքշաբթի, 29 Դեկտեմբերի կէսօրին տեղի ունեցաւ Ճեմարանի անձնակազմին Կաղանդի տօնակատարութիւնը Օրիժինալ ճաշարանէն ներս, ներկայութեամբ Համազգայինի Կեդրոնական Վարչութեան անդամներու, Ճեմարանի Խնամակալութեան ներկայացուցիչին եւ Ծնողական Խորհուրդի անդամներուն։ Ճեմարանի տնօրէն Տիգրան Ճինպաշեան Նոր Տարուան բարեմաղթանքի իր խօսքին ընթացքին, յայտնեց որ Կեդրոնական Վարչութիւնը առ ի գնահատանք Մ. եւ Հ. Արսլանեան Ճեմարանի «Սփիւռքի հայկական լաւագոյն կրթօճախ» հանդիսանալուն, 10.000 $ նուիրեց դպրոցի ուսուցչական կազմին ու պաշտօնէութեան՝ մաղթելով յարատեւութիւն Ճեմարանի կրթական թէ հայեցի դաստիարակութեան առաքելութեան։ Տնօրէնի խօսքէն ետք, ներկաները ընտանեկան մտերմիկ մթնոլորտի մէջ ճաշեցին՝ միաժամանակ մասնակցելով Ընկերային Յանձնախումբի պատրաստած խաղերուն։