Զ. դասարանի աշակերտները Դեկտեմբեր ամսուան ընթացքին ուսումնասիրեցին հին Եգիպտոսը իրենց ֆրանսերէն լեզուով պատմութեան դասանիւթին ծիրէն ներս։ Չորեքշաբթի, 22 Դեկտեմբերին մեծ եղաւ աշակերտներուն զարմանքն ու ուրախութիւնը, երբ պատմութեան դասապահուն իրենց դասարանները այցելեց «եգիպտացի փարաւոն»ը։ Այս բեմականացուած դասընթացքին ժամանակ, աշակերտները առիթը ունեցան հարցաքննելու փոքրիկ «փարաւոն»ը ու մօտէն ծանօթանալու անոր տարազին…
Չորեքշաբթի, 22 Դեկտեմբերին, Ե. դասարաններու աշակերտները իրենց աշխարհագրութեան ուսուցչուհիին ընկերակցութեամբ այցելեցին Ժպէյլ քաղաքը։ Անոնք ուղեցոյցի մը առաջնորդութեամբ շրջեցան բերդին մէջ, ծանօթացան անոր պատմութեան, այցելեցին ամփիթատրոն եւ ամրապնդեցին աշխարհագրութեան դասին վերաբերող իրենց գիտելիքները։
Հովանաւորութեամբ Լիբանանի ճատրակի ֆետերասիոնին եւ կազմակերպութեամբ Ֆրերներու ակումբին, Կիրակի, 19 Դեկտեմբերին, Ֆրերներու ակումբին մէջ տեղի ունեցաւ ճատրակի Ամանորի մրցաշարք մը՝ մասնակցութեամբ շուրջ վաթսուն երկսեռ խաղացողներու։ Այս մրցաշարքին մասնակցող շուրջ քսան ՀՄԸՄ-ականներէն փայլուն արդիւնքներ ապահովեցին Ճեմարանի աշակերտները։ 12 տարեկանէն վար դասակարգին մէջ Հրակ Գըլըպոզեան ապահովեց առաջնութիւնը։ 10 տարեկանէն վար,…
Երեքշաբթի, 14 Դեկտեմբերի առաւօտեան ժամը 9-ին, Զ. եւ Է. դասարաններու աշակերտները իրենց լեզուներու ուսուցիչներուն ընկերակցութեամբ այցելեցին Պիէլի մէջ տեղի ունեցող արաբերէն գիրքերու ցուցահանդէսը։ Այս այցելութիւնը կը միտի քաջալերել արաբերէն լեզուով ընթերցումը, ինչպէս նաեւ աշակերտին ծանօթացնել արաբական մշակոյթը։
Ուրբաթ, 10 Դեկտեմբեր 2010-ին, հայրենի երգչուհի Քրիստինէ Պեպելեան այցելեց Ճեմարան։ Ան ծանօթացաւ անձնակազմին, շրջեցաւ դպրոցի զանազան բաժինները՝ Կաղանդի պազար, մանկապարտէզ, կարգ մը դասարաններ եւ երգեց աշակերտներուն հետ։
Դ. դասարաններու աշակերտները ֆրանսերէն լեզուով խոհագիրի պատրաստութեան մասին դաս մը սորվելէ ետք, ունկնդրեցին նշեալ նիւթին առնչուող պատմութիւն մը։ Հինգշաբթի, 9 Դեկտեմբերին, իւրաքանչիւր աշակերտ բերաւ պանիրի տեսակ մը։ Զբօսանքին, Դ. դասարաններու աշակերտները իրենց ֆրանսերէն լեզուի ուսուցչուհիին ընկերակցութեամբ ծանօթացան պանիրեղէններուն ու համտեսեցին զանոնք։
Կազմակերպութեամբ Ճեմարանի Ծնողական Խորհուրդին, «Նոր Տարուան Պազար»ի բացումը տեղի ունեցաւ Չորեքշաբթի 8 Դեկտեմբեր, 2010-ի առաւօտեան ժամը 10։00-ին, «Տոքթ. Ատրինէ Գարագաշեան» սրահին մէջ: Բացման հանդիսութեան մասնակցեցաւ Հրաչ Կայծակեան, որուն ընկերակցեցան աւարտական դասարանի աշակերտները շուրջպարով եւ խանդավառեցին ներկաները: Պազարին գեղարուեստական ելոյթներով իրենց մասնակցութիւնը բերին մանկապարտէզի եւ տարրական բաժինի բոլոր աշակերտները,…
Շաբաթ, 27 Նոյեմբեր 2010-ին ժամը 1։00-էն 5։00 տեղի ունեցաւ ուսման կողմնորոշման աշխատանքային հանդիպում մը, որուն մասնակցեցան ԺԱ. եւ ԺԲ. դասարաններու աշակերտները։ 27 տարբեր մասնագիտութիւններու տիրացած Ճեմարանի 40 շրջանաւարտներ հրաւիրուած էին դպրոցական կեանքի վերջին հանգրուանին գտնուող աշակերտներուն փոխանցելու տեղեկութիւններ իրենց մասնագիտութեան, ասպարէզին, համալսարանին եւ փորձառութիւններուն մասին։ Աշակերտները առիթը ունեցան…
Մանկապարտէզի փոքրիկներուն յաճախակի պտոյտներն ու այցելութիւնները կը նպաստեն ամրապնդելու դասարանէն ներս անոնց սորվածները։ Ուրբաթ, 26 Նոյեմբերին կապոյտ դասարաններու աշակերտները այցելեցին դպրոցին մօտակայ յարկաբաժին մը, Ծաղկաձորի մէջ, դիտելու տան զանազան մասերը։ Նոյն օրը, վարդագոյն դասարաններու աշակերտները դիտեցին դպրոցի պահակին տան կից մեծ վանդակի մը մէջ գտնուող թռչունները։
Չորեքշաբթի, 24 Նոյեմբերին Ճեմարանի աւարտական դասարանի աշակերտները հայ երիտասարդներու կողքին բողոքի ցոյցով, պաստառներով եւ պահանջատիրական կարգախօսերով «դիմաւորեցին» Թուրքիոյ վարչապետը։ Հինգշաբթի, 25 Նոյեմբերին մանկապարտէզի, տարրականի եւ նախակրթարանի աշակերտները արձակուեցան ժամը 11-ին։ Միջնակարգ եւ երկրորդական բաժիններու աշակերտները, ուսուցիչներն ու պաշտօնէութիւնը մասնակցեցան Թուրքիոյ Վարչապետ Էրտողանի Լիբանան այցելութեան առիթով լիբանանահայ համայնքներու եւ…
Չորեքշաբթի, 24 Նոյեմբերին Լիբանանի անկախութեան տօնին առիթով, նախակրթարանի Զ. դասարանի աշակերտները իրենց արաբերէն լեզուի եւ պատմութեան ուսուցչուհիին ընկերակցութեամբ այցելեցին Նահր Էլ Քելպ։ Ուսուցչուհին կարդաց հոն զետեղուած բարձրաքանդակներուն արձանագրութիւնները եւ համապատասխան բացատրութիւնները տուաւ՝ Լիբանանի անկախութեան պատմութեան ու անձնաւորութիւններուն մասին, աշակերտներուն գիտելիքները ամրապնդելով։ Աշակերտները երգեցին Լիբանանի քայլերգը եւ արտասանեցին արաբերէն…
Կազմակերպութեամբ Ընկերային Ծառայութեան Գրասենեակին, ուսման կողմնորոշման մասին տեղի ունեցան հետեւեալ դասախօսութիւնները. Ուրբաթ, 19 Նոյեմբերին, ԺԱ. եւ ԺԲ. դասարաններու աշակերտներուն ՝ ֆրանսական համալսարանէն ( U.S.J.), իսկ Երեքշաբթի, 23 Նոյեմբերին ԺԲ. դասարանի աշակերտներուն ՝ Ամերիկեան (L.A.U) համալսարանէն ներկայացուցիչներ փոխանցեցին տեղեկութիւններ նշեալ համալսարաններուն մասին։ Զոյգ համալսարաններու ներկայացուցիչները գոհացում տուին աշակերտներուն հետաքրքրութիւններուն՝…
