Երկուշաբթի, 18 Ապրիլին միջնակարգի Ը. եւ Թ. դասարանի աշակերտները իրենց ուսուցիչներուն ընկերակցութեամբ այցելեցին Պիքֆայա եւ հաւաքուեցան նահատակաց յուշարձանին մօտ։ Թ. դասարանէն Նարէ Աղասարգիսեան եւ Սէրուժ Հանտեան կարդացին Մեծ Եղեռնի յիշատակին առիթով իրենց խօսքը. «Մենք՝ Մ. եւ Հ. Արսլանեան Ճեմարանի 8-րդ եւ 9-րդ դասարաններու աշակերտներս, եկած ենք ծաղկամատոյց կատարելու…
Ապրիլ ամսուան ընթացքին նախակրթարանի աշակերտները կատարեցին ցեղասպանութեան նուիրուած պատի թերթի աշխատանքներ։ Ցեղասպանութեան յիշատակման ձեռնարկներու ծիրէն ներս, Ուրբաթ, 15 Ապրիլին նախակրթարանի աշակերտները ներկայ գտնուեցան Այնթուրայի որբանոցին մասին դասախօսութեան մը՝ դպրոցէն ներս։ Հիւր դասախօս Նորա Բարսեղեան տեսասալիկի ցուցադրութեամբ ներկայացուց 1915-էն 1916 Սէն Ժոզէֆ վարժարան (այնուհետեւ՝ որբանոց մինչեւ 1919) հասած հայ…
Հինգշաբթի, 14 Ապրիլին, ընկերային կազմաւորման ծիրէն ներս, Ժ. Դասարանի աշակերտները ներկայ գտնուեցան խաղ-դասախօսութեան մը՝ “Conflict transformation”-ի մասին։ Րաֆֆի Ֆեղալի խաղերու ընդմէջէն աշակերտներուն բացատրեց, թէ ի՛նչպէս պէտք է վարուիլ դիմացինին հետ անհամաձայնութեան մը պարագային, եւ թէ ի՛նչպէս միշտ դէպքի մը ժխտական կողմերը կարելի է դրականի վերածել։։ Աշակերտները շատ գոհ…
Տարրական բաժինի աշակերտները թուրքերու կողմէ գործադրուած Մեծ Եղեռնի մասին իրենց տարիքային մակարդակի մօտեցումով տեղեկութիւններ ստացան ուսուցիչներէն։ Երկուշաբթի, 18 Ապրիլին, աշակերտները Ճեմարանի մուտքին գտնուող նահատակ գրագէտներու որմնաքանդակներուն առջեւ ծաղիկներ զետեղեցին, յարգելով անոնց յիշատակը։
14 Ապրիլին, տարրական բաժինի աշակերտները ելոյթ ունեցան Համազգայինի «Վահէ Սէթեան» հրատարակչատուն-գրատարածի կազմակերպած ընթերցանութեան ձեռնարկին։ Աշակերտները անթերի ձեւով եւ մեծ յաջողութեամբ ներկայացուցին տպարանի եւ գիրքի պատմութիւնը։ Անոնք պատմեցին եւ արտասանեցին։ Աշակերտներուն ելոյթը մեծ խանդավառութիւն եւ հաճելի մթնոլորթ ստեղծեց սրահէն ներս։ Անոնք պատասխանեցին իրենց ուղղուած հարցումներուն եւ ստացան նուէրներ։ Վարձքը…
Հովանաւորութեամբ Լիբանանի հայոց թեմի առաջնորդ Գեղամ արք. Խաչերեանի, նախագահութեամբ Արսէն եւ Սօսի Հալաճեան ամոլին եւ կազմակերպութեամբ Համազգայինի «Վահէ Սէթեան» հրատարակչատուն-գրատարածին, Կիրակի, 17 Ապրիլ 2011-ին, երեկոյեան ժամը 6:00-ին, «Ազդակ»ի «Փիւնիկ» սրահին մէջ մանկապատանեկան գիրքերու եւ դաստիարակչական խաղերու ցուցահանդէս վաճառքի նախաձեռնութիւններուն շրջագիծին մէջ տեղի ունեցաւ միջդպրոցական մրցանքներու մրցանակաբաշխութիւն: Խօսք առաւ…
Հինգշաբթի, 14 Ապրիլին ատամնաբոյժ Ն. Տաքքաշ տարրական բաժինի Ա. եւ Բ. Դասարանի աշակերտներուն ֆրանսերէն եւ արաբերէն լեզուներով խօսեցաւ ակռաներու առողջապահութեան կարեւորութեան մասին: Ակռաներու փտութեան պատճառներուն եւ կանխարգիլման միջոցներուն մասին բացատրութիւնը ընթացաւ զրոյցի ձեւով: Դպրոցի հիւանդապահուհի Քրիստին Մխճեան փոխանցուած տեղեկութիւնները հայերէն լեզուով բացատրեց աշակերտներուն։ Դասախօսութեան աւարտին, փոքրիկները դիտեցին ֆրանսերէն…
Երկուշաբթի, 11 Ապրիլին ԺԱ. դասարանի աշակերտները, ընկերակցութեամբ դպրոցի ընկերային ծառայող Սիլվա Քիւրքճեանին, այցելեցին Զուարթնոց կեդրոն։ Ինչպէս ամէն տարի, անոնք իրենց հետ տարին հիւրասիրութիւն, նուէր՝ կեդրոնին եւ Ճեմարանի աշակերտութեան կողմէ հանգանակութեան գումարը։ Կեդրոնի տնօրէնուհին՝ Արաքսի Տապաղեանը, բարի գալուստ մաղթեց աշակերտներուն եւ բացատրեց թէ դիւրին չէ թերաճ մանուկներու հետ աշխատիլ,…
Պարբերաբար անասուններ կ՚այցելեն տարրական բաժինի Ա. դասարանները՝ գիտութեան դասերը կենդանացնելու նպատակով։ Աշակերտներէն ոմանք իրենց տուներէն կը բերեն անասուն մը եւ զայն կը ներկայացնեն իրենց ընկերներուն։ Դիտելով, շօշափելով ու քիչ մըն ալ զուարճանալով, աշակերտները կ՚ամրապնդեն անասուններու մասին իրենց ատացած գիտելիքները։
Նախակրթարանի Դ. դասարանի ատենամարզանքի պարի խմբակը՝ պարուսոյց Մարիժան Ատուրեանի ղեկավարութեամբ, Մարտ ամսուն մասնակցեցաւ Լիբանանի միջ-դպրոցական պարի մրցանքին։ Շաբաթ, 26 Մարտին, Մոն Լա Սալի մէջ, Լեռնալիբանանի մրցաշարքին Ճեմարանի աշակերտուհիները իրենց կեցուածքին, կատարողութեան եւ համաչափ շարժումներուն համար ստացան բարձր գնահատական եւ անցան ախոյեանական հանգրուան։ Ուրբաթ, 1 Ապրիլին տեղի ունեցաւ աւարտական…
Հայրենի վաստակաշատ դերասան Սօս Սարգսեանի ծննդեան 80-ամեակին առիթով Համազգայինի Լիբանանի Շրջանային Վարչութեան կազմակերպած «Հայ թատրոնի ամսուան» ներկայացումներուն ծիրէն ներս, Ուրբաթ 1 Ապրիլին, տարրական բաժինի եւ նախակրթարանի աշակերտները ներկայ գտնուեցան Հրաչեայ Գասպարեանի բեմադրութեամբ Յովհաննէս Թումանեանի «Անբան Հուրին» թատերախաղի աշակերտական ներկայացումին: Աշակերտները մեծ հետաքրքրութեամբ ըմբոշխնեցին ներկայացումը։ Անոնք լաւատեղեակ էին Թումանեանի…
Համագործակցութեամբ Գարակէօզեանի ու առողջապահական նախարարութեան եւ հսկողութեամբ դպրոցի հիւանդապահուհի Քրիստին Մխճեանի, Մարտ ամսուան ընթացքին տեղի ունեցան հետեւեալ պատուաստումները. -Պրկախտի (DT), հարսանիթի, գերմանական հարսանիթի եւ խուլականջի (MMR) պատուաստումները Զ. դասարանի աշակերտներուն։ -Մանկական անդամալուծութեան (polio) պատուաստումները մանկամսուրի, մանկապարտէզի, տարրական բաժինի եւ նախակրթարանի Դ. դասարանի աշակերտներուն։
