Կազմակերպութեամբ ընկերային ծառայութեան գրասենեակին, Ուրբաթ, 12 Մայիս 2017-ին, միջնակարգի Ը. դասարանի աշակերտները այցելեցին հայ տարեցներու տուն: ՔԱՀԼ-ի հայ տարեցներու տան տնօրէն պատուելի Սեպուհ Թերզեան աշակերտներուն ներկայացուց ՔԱՀԼ-ի եւ տարեցներու տան հիմնադրութիւնը «power point»ով: Ապա Տիկ. Սոնիա Կէտիկեանի հետ աշակերտները շրջեցան ծերունիներուն սենեակները, ուր մօտէն շփման մէջ եղան հոն…
Ընկերային կազմաւորման ծիրէն ներս, միջնակարգի Է. դասարանի աշակերտները Հինգշաբթի, 11 Մայիս 2017-ին, այցելեցին «Sayde» հիւանդանոց-ծերանոցը, Անթիլիասի մէջ: Աշակերտները ուտեստեղէն (շաքար, բրինձ, ոսպ, ձաւար) եւ մաքրութեան իրեր բերին եւ մեծ ուրախութեամբ ծերունիներուն նուիրեցին իրենց հետ տարած տոպրակները ու զգացին որ թէկուզ փոքր բան մը մեծ արժէք կրնայ ունենալ կարիքաւոր…
Կիրակի, 7 Մայիս 2017-ին, Ճեմարանի Զ., Է. եւ Ը. դասարաններու աշակերտուհիներէն խումբ մը մասնակցեցաւ Պէյրութի Ամերիկեան համալսարանի տարեկան պարի փառատօնին (AUB folk dance festival): Մասնակցող բոլոր վարժարաններու աշակերտները ներկայացուցին զանազան պարեր՝ հնդկական, արաբական, սպանական, եւայլն: Ճեմարանի աշակերտուհիները ներկայացուցին հայկական Եարխուշտան: Փառատօնի մասնակցութիւնը շատ շինիչ եւ հաճելի փորձառութիւն մըն…
Նախակրթարանի Ե. դասարանի գիտութեան դասի ծրագրին մաս կազմող՝ «Առողջապահութիւն եւ կանխարգիլող միջոցներ», «Առողջ սննդառութիւն եւ ուտեստեղէն պահպանելու ճիշդ ձեւեր» դասանիւթերը մատուցուեցան մասնագէտներու կողմէ։ Հինգշաբթի, 11 Մայիս 2017-ին, առաջին նիւթը ներկայացուց Ճեմարանի առողջապահական բաժնի պատասխանատու հիւանդապահուհին՝Քրիստին Մխճեան-Պուչաճիքեանը, որ անդրադարձաւ մարմնի գործարաններու եւ դրութիւններու կարեւորութեան եւ անոնց հետ կապուած…
«Խաչիկ Պապիկեան» միջ-դպրոցական մրցանքներու մրցանակաբաշխութիւնը տեղի ունեցաւԿիրակի, 14 Մայիս 2017-ին, նախագահութեամբ Ն.Ս.Օ.Տ.Տ. Արամ Ա. Կաթողիկոսի, վեհարանի դահլիճին մէջ: Ճեմարանի մրցանակակիր աշակերտներն են. Գրիգորեան Կայէլ եւ Կէօվօղլանեան Նարէ՝ յիշատակութեան արժանի (միջնակարգի հայերէն լեզուի եւ գրականութեան մրցանք) Խաչատուրեան Արենի՝ յիշատակութեան արժանի (երկրորդականի հայերէն լեզուի եւ գրականութեան մրցանք) Գալուստեան Նանի՝ երրորդ…
Կիրակի, 14 Մայիս 2017-ին տեղի ունեցաւ Լիբանանի դպրոցներու մարմնամարզի (gymnastique) ախոյեանութիւնը: Նախակրթարանի Դ. դասարանի աշակերտուհի Նարօտ Կիւրիւնլեան, մրցելէ ետք 15 տարեկան մարզիկներու հետ, հանդիսացաւ երկրորդ: Կը շնորհաւորենք Նարօտը եւ նորանոր նուաճումներ կը մաղթենք իրեն:
Հինգշաբթի, 11 Մայիս 2017-ին, մանկապարտէզի վարդագոյն դասարանի աշակերտները իրենց ուսուցչուհիներուն ընկերակցութեամբ հաճելի ժամեր անցուցին «Fun Planet» խաղավայրին մէջ։ Անոնք միասին խաղալէ ու զուարճանալէ ետք, շատ ուրախ վերադարձան դպրոց։
Չորեքշաբթի, 3 Մայիս 2017-ին, վերապատուելի Հրայր Չոլաքեան (Հայ Աւետ. Ա. Եկեղեցւոյ հովիւ) այցելեց Ճեմարան եւ զրոյց-դասախօսական հանդիպումներ ունեցաւ յաջորդաբար միջնակարգի Է. եւ Ը. դասարաններու աշակերտներուն հետ: Ան խօսեցաւ այն դժուարութիւններուն մասին, զորս կը դիմագրաւէ պատանին դպրոցական կեանքին մէջ իր ընկերներուն եւ ծնողներուն հետ եւ այն բոլոր մարտահրաւէրներուն մասին,…
Ուրբաթ, 5 Մայիս 2017-ին մանկապարտէզի կապոյտ դասարանի աշակերտները այցելեցին Նահր Քելպի կենդանաբանական պարտէզը, ուր դիտեցին անասունները եւ ստացան իւրաքանչիւր անասունի համապատասխան բացատրութիւններ։ Անոնք հաճելի ժամանակ անցուցին եւ ուրախ ու խանդավառ վերադարձան դպրոց։
Կը շնորհաւորենք Ը. դասարանի աշակերտներէն Անտրու Գարամինասեանը, որ 6-7 Մայիս 2017 շաբաթավերջին, Մոն Լա Սալի մէջ տեղի ունեցած «Taekwondo» -ի սեւ գօտիներու մրցաշարքին շահեցաւ Լիբանանի ախոյեանութիւնը եւ դարձաւ ոսկէ մետալակիր:
Ուրբաթ, 28 Ապրիլ 2017-ին, ԺԱ. դասարանի աշակերտները այցելեցին Զմմառու վանքը, որ գոյութիւն ունի 1749 թուականէն: Աշակերտները նախ ուղղուեցան դէպի մատուռ, ուր լսեցին հայր Մովսէսի բացատրութիւնները վանքի հիմնադրութեան մասին: Ապա անոնք այցելեցին վանքի երկու թանգարանները, ուր ստացան տեղեկութիւններ հոն տեղադրուած իրերուն մասին: Ապա հայր Մաշտոցին ընկերակցութեամբ շրջեցան դպրեվանքին մէջ…
Չորեքշաբթի, 3 Մայիս 2017-ին, միջնակարգի Թ. դասարաններու աշակերտներուն դպրոցական տարեշրջանը աւարտեցաւ։ Կէսօրուան ժամը 1։00-ին, աշակերտները իրենց ուսուցիչներուն ընկերակցութեամբ այցելեցին Նորսիկեան մանկապարտէզի պարտէզը, ուր միասնաբար ճաշեցին: Հաճելի ժամ մը անցընելէ ետք, աշակերտները մեկնեցան դպրոցէն՝ պատրաստուելու համար պետական քննութիւններուն։ Յաջողութիւն կը մաղթենք բոլորին։
