Զ. դասարանի աշակերտները ֆրանսերէնի ուղղագրութեան հետաքրքրական աշխատանք մը կատարեցին: Երկու խումբերու բաժնուած, անոնք փորձեցին գտնել նախադասութիւնները եւ ամբողջացնել ուղղագրութիւնը: Այսպէս, խաղալով ու վազվզելով, աշակերտները ուղղագրութեան հաճելի դասապահ մը անցուցին:
Շաբաթ, 9 Մայիս 2026-ին, Համազգայինի Մելանքթոն եւ Հայկ Արսլանեան Ճեմարանի Ե. դասարանէն Հայարի Սահակեան եւ Զ. դասարանէն Կալիա Գարկայեան մասնակցեցան ՀԲԸՄ-ի «Խօսնակ» պաշտօնաթերթի խմբագրութեան ու անոր կից գործող մշակութային յանձնախումբի վարչութեան կազմակերպած միջդպրոցական արտասանական մրցումին։ Հայարի Սահակեան ասմունքեց Անդրանիկ Ծառուկեանի «Թուղթ առ Երեւան»էն բաժին մը, իսկ Կալիա Գարկայեան՝…
Կազմակերպութեամբ ընկերային ծառայութեան գրասենեակին, Ուրբաթ, 8 Մայիս 2026-ին, A. U. B. համալսարանի հանրային առողջապահութեան բաժանմունքէն դոկտ. Թամար Հաշօլեան երկրորդական բաժինի Ժ. դասարանի աշակերտներուն ներկայացուց «մոլութիւններ» նիւթը: Ան խօսեցաւ մոլութիւններու տեսակներուն մասին եւ անդրադարձաւ անոնց ունեցած հետեւանքներուն: Աշակերտները հետաքրքրութեամբ մասնակցեցան նիւթին
Չորեքշաբթի, 6 Մայիս 2026-ին, Ճեմարանի շրջանաւարտ Մեղեդի Սնապեան տարրական բաժինի Ա. դասարանի աշակերտներուն հետ խաղերով տառերու վերաքաղի հետաքրքրական աշխատանք մը կատարեց: Աշակերտները մեծ ուրախութեամբ մասնակցեցան աշխատանքին եւ աւելի եւս ամրապնդեցին Այբուբենի տառերը:
Չորեքշաբթի, 6 Մայիս 2026-ին, կազմակերպութեամբ ընկերային ծառայութեան գրասենեակին, տարրական բաժինի Գ. դասարանի աշակերտներուն հետ տեղի ունեցաւ զրոյց-դասախօսութիւն մը՝ «բարիք գործել» նիւթով: Զրուցավարներն էին Ճեմարանի շրջանաւարտներ Մեղեդի Սնապեան եւ Սինթիա Պայրագտարեան։ Անոնք խաղերով եւ մանկավարժական մօտեցումով աշակերտներուն հետ շատ հաճելի պահ մը մը անցուցին։
Ընկերային կազմաւորման ծրագրի հիմնական նիւթերէն է մտային առողջութիւնը։ Առ այդ Ճեմարան հրաւիրուեցաւ հոգեբան Սեւակ Հապէշեան, ան յաջորդաբար Ե., Է., եւ Թ. դասարանի աշակերտներուն հետ ներկայացում-զրոյց ըրաւ հետեւեալ նիւթերով՝ մտային առողջութիւն, պատանիներու մարտահրաւէրները եւ բարոյական ու ընկերային արժէքներ։ Աշակերտները շատ խանդավառութեամբ մասնակցեցան այս օգտաշատ նիւթին։
Կազմակերպութեամբ ընկերային ծառայութեան գրասենեակին, Չորեքշաբթի, 29 Ապրիլ 2026-ին, Ճեմարանի շրջանաւարտ Ալիք Մեսրոպեան տարրական բաժինի Բ. դասարանի աշակերտներուն խօսեցաւ սննդարար ուտելիքներու եւ առողջ կենցաղի մասին: Աշակերտները հետաքրքութեամբ հետեւեցան բացատրութիւններուն եւ ստացան իրենց հարցումներուն պատասխանները:
Ընկերային կազմաւորման ծրագիրի ծիրին մէջ կարեւոր տեղ ունի սեռային դաստիարակութիւնը: Երեքշաբթի, 28 Ապրիլ 2026-ին, կանացի հիւանդութիւններու մասնագէտ Տոքթ. Վիգէն Նանէճեան միջնակարգի Ը., Թ. եւ երկրորդական բաժինի Ժ. դասարանի աշակերտներուն հետ արծարծեց իրենց տարիքին վերաբերող սեռային նիւթեր եւ տուաւ համապատասխան բացատրութիւններ: Զրոյցին աւարտին աշակերտները հարցումներ ուղղեցին եւ ստացան լուսաբանական…
Չորեքշաբթի, 15 Ապրիլ 2026-ին, Թ. դասարանին մէջ ուրիշ մթնոլորտ մը կը տիրէր։ Աշակերտները մեծ ոգեւորութեամբ հայկական մշակոյթի աշխարհը բացած էին իրենց առջեւ։ Անոնք ներկայացուցին իրենց խոյզերը՝ հետաքրքրութեամբ, հպարտութեամբ եւ երբեմն ալ զարմանքով։ Անոնցմէ ոմանք պատմեցին հայ նկարիչներու գունեղ աշխարհին մասին, ուրիշներ՝ երաժիշտներու կախարդական մեղեդիներուն, տարբեր խումբեր խօսեցան գուսաններու…
Միջնակարգի եւ նախակրթարանի վեցերորդ դասարանի աշակերտները հայոց պատմութեան ուսուցչուհիին յանձնարարութեամբ կատարեցին աշխատանքներ ` նուիրուած Հայոց ցեղասպանութեան 111-րդ տարելիցին։ Աշակերտները պատմեցին եւ ներկայացուցին հայ ժողովուրդի ծանր վիճակը համիտեան իշանութենէն սկսեալ մինչեւ երիտթրքական քաղաքականութիւն եւ անկէ ետք շարունակուող նոյն մղձաւանջային տարիները։ Աշակերտները` իբրեւ վերապրողներու սերունդ ներկայացուցին նաեւ իրենց նախահայրերու ոդիսականը`…
Հինգշաբթի, 23 Ապրիլ 2026-ին, վերջին պահուն տեղի ունեցաւ Հայոց ցեղասպանութեան ոգեկոչման ձեռնարկը, մասնակցութեամբ նախակրթարանի, միջնակարգի եւ երկրորդական բաժինի աշակերտներուն: Քայլերգներու ունկնդրութենէն ետք, բացման խօսքը ընթերցեց Ժ. դասարանէն Վան Պորոյեան: Ան ըսաւ. «Ոգեկոչման այս ձեռնարկներով, մենք ամէն անգամ կու գանք հաստատելու, որ պիտի մնա՛նք պահանջատէր, պայքարի ջահը վա՛ռ պիտի պահենք…
Կեանքի մէջ կան թէ՛ յաղթանակներ եւ թէ պարտութիւններ, սակայն երբ հայը հայուն միանայ միշտ կը հասնի լաւագոյն արդիւնքին։ Երկուշաբթի, 20 Ապրիլ 2026-ին, Ապրիլեան ձեռնարկներու ծիրին մէջ, Դ. դասարանի աշակերտները, հայերէնի դասապահուն, առաջնորդուելով Եղիշէ Չարենցի նշանաւոր խօսքով՝ «Ով հայ ժողովուրդ, քո միակ փրկութիւնը քո հաւաքական ուժի մէջ է», «Չալեան»…
