Չորեքշաբթի, 11 Փետրուար 2026-ին, միջնակարգի աշակերտները իրենց ուսուցչուհիներուն ընկերակցութեամբ այցելեցին Անթիլիասի «Ս. Գրիգոր Լուսաւորիչ» Մայր Տաճար: Զանոնք դիմաւորեց Մեծի Տանն Կիլիկիոյ Կաթողիկոսութեան միաբան Հոգեշնորհ Տէր Դաւիթ Աբղ. Ասայեան: Աշակերտները նախ մտան Սուրբ Գրիգոր Լուսաւորիչ Մայր Տաճարը, ուր Հայր Սուրբը հակիրճ ձեւով խօսեցաւ Աւարայրի ճակատամարտին, Յազկերտի վարած քաղականութեան եւ…
Տարրական բաժինի աշակերտները երգերով եւ արտասանութիւններով նշեցին Վարդանանց տօնը, ինչպէս նաեւ Գ. դասարանի աշակերտները տեսերիզով ներկայացուցին Աւարայրի ճակատամարտը։
Բարեկենդանի առիթով, տարրական բաժինի աշակերտները պատրաստեցին իրենց դիմակները։
Նախակրթարանի աշակերտները Հոգշ. Տ. Վահրիճ Ղարախանեանին հետ ունեցան հանդիպում մը, որուն ընթացքին զրուցեցին Վարդանանց տօնի, Տեառնընդառաջի եւ Մեծ Պահքի մասին։
Շնորհաւոր Բարեկենդան, բարով հասնինք սուրբ Յարութեան: Բարեկենդան կը նշանակէ բարի կեանք, երջանիկ կեանք: Ան կը խորհրդանշէ ձմրան աւարտը եւ գարնան գալուստը: Հայերը Բարեկենդանը կը տօնեն հայկական բոլոր գաւառներուն մէջ զանազան ձեւերով: Բարեկենդանին բնութեան բերքն ու բարիքը հարստացնելու, չար ուժերը չէզոքացնելու նպատակով շարք մը ծէսեր կը կատարեն: Փակեալ խորանին…
Բարեկենդան, Բարեկենդան, ամէն կողմ դիմակներ կան։
Չորեքշաբթի, 28 Յունուար 2026-ի առաւօտեան ժամը 8։00-ին, Մանկապարտէզի կանաչ դասարաններու աշակերտներուն հայրերը այցելեցին մանկապարտէզ, որպէսզի իւրաքանչիւրը իր ասպարէզը ներկայացնէ փոքրիկներուն։ Իւրաքանչիւր հայր իրեն հետ բերած էր իր գործին վերաբերող իրեր կամ նկարներ։ Այս առիթով փոքրիկները հիւրասիրեցին նախօրօք իրենց պատրաստած կրկնեփուկները։
Երեքշաբթի, 27 Յունուար 2026-ին մանկապարտէզի կապոյտ դասարանի փոքրիկները կ’այցելեն Մթայլէպի «Spinneys» հանրախանութ եւ նախաճաշի սննդարար նիւթեր կը գնեն։ Յաջորդ առաւօտ փոքրիկները կը նախաճաշեն մանկապարտէզէն ներս։
Չորեքշաբթի, 28 Յունուար 2026-ին, «Միշել Հատտատ» միջդպրոցական մրցաշարքին Ճեմարանի ֆութսալի խումբը յաղթեց «BESGB»-ին՝ 6-4 արդիւնքով: Ճեմարանի մարզիկները ինչպէս միշտ բարձրորակ խաղարկութիւն ցուցաբերեցին եւ այս յաղթանակով առաջին դիրքը գրաւեցին ապահովելով երկրորդ հանգրուանի իրենց տոմսը։
Նախակրթարանի Զ. դասարանի աշակերտները ֆրանսերէնի դասապահերուն «դիւցազներգութիւն եւ դիցաբանութիւն» բնաբանը ամբողջացնելէ ետք, բանաւոր ներկայացումներ կատարեցին, եւ իւրաքանչիւր խումբ հաճելի ու հետաքրքրական ձեւով յունական դիցաբանութենէն առասպել մը ներկայացուց:
Կազմակերպութեամբ Ճեմարանի ընկերա-հոգեբանական գրասենեակին, Շաբաթ, 17 Յունուար 2026-ի առաւօտեան, տարրական բաժինի ծնողներուն հետ տեղի ունեցաւ հանդիպում-զրոյց մը՝ «ծնողներուն եւ իրենց զաւակներուն միջեւ որակեալ եւ շինիչ ժամանակի կարեւորութիւնը» նիւթով: Ճեմարանի տնօրէն Փաուլա Եղիայեան շեշտեց դպրոց-զաւակ-ծնողք կապի կարեւորութիւնը, ինչպէս նաեւ նման հանդիպումներու անհրաժեշտութիւնը: Ապա ներկայացուց դպրոցին մէջ գործող ընկերա-հոգեբանական գրասենեակներու…
