Բանաստեղծութեան միջազգային օրուան առիթով, Ուրբաթ, 29 Մարտ 2019-ին, Մ. Եւ Հ. Արսլանեան Ճեմարանի Ը. դասարանի աշակերտները կազմակերպեցին ձեռնարկ մը, որուն ընթացքին Տիկ. Կամիլա Երկանեան Քէշիշեան խօսեցաւ բանաստեղծութիւն գրելու արուեստին մասին: Ձեռնարկին բացման խօսքը ընթերցեց Ճորճ Տէմիրճեան, որ նաեւ ներկայացուց օրուան յայտագիրը, ապա ամփոփ տողերու մէջ Կամիլայի կենսագրութեան անդրադարձան…
Հինգշաբթի, 28 Մարտ 2019-ին, հայերէն լեզուի դասանիւթի ծիրէն ներս, Նախակրթարանի Դ. դասարանի աշակերտները՝ իրենց ուսուցչուհիներուն ընկերակցութեամբ, այցելեցին Անթիլիասի Մայրավանք: Զանոնք դիմաւորեց Մեծի Տանն Կիլիկիոյ Կաթողիկոսութեան միաբան Աւետիք աբղ. Տէր Կարապետեանը, որ աշակերտները ծանօթացուց մայրավանքի տարածքէն ներս գտնուող զանազան կառոյցներուն: Աշակերտները իմացան, թէ Հայոց Ցեղասպանութենէն ետք, ի՜նչ դժուար պայմաններու…
Կազմակերպութեամբ Հ.Բ.Ը.Մ. «Անդրանիկ-Սեւան» ակումբի ճատրակի յանձնախումբին, Կիրակի, 24 Մարտ 2018-ին, ակումբին «Զապէլ Մովսէսեան» սրահէն ներս տեղի ունեցաւ ճատրակի մրցաշարք մը՝ մասնակցութեամբ հայկական 9 վարժարաններու 60 աշակերտներու: Ուրախութեամբ կը յայտնենք, որ Ճեմարանը աշխոյժ մասնակցութիւն բերաւ սոյն մրցաշարքին եւ դպրոցներու դասաւորման մէջ գրաւեց առաջին դիրքը: Անհատական դասաւորումներուն մէջ, մետալներու արժանացան…
Չորեքշաբթի, 27 Մարտ 2019-ին, Նախակրթարանի Դ. եւ Ե. դասարաններու աշակերտները անդրադարձան Թատրոնի Միջազգային Օրուան: Անոնք տեղեկացան, որ ամբողջ աշխարհին մէջ, սոյն օրուան ընթացքին կը կազմակերպուին ազգային եւ միջազգային թատերական ներկայացումներ, ինչպէս նաեւ կը կատարուին թատերական այլ աշխատանքներ: Այսպէս, 2-րդ եւ 3-րդ զբօսանքներուն, վերոյիշեալ դասարաններու աշակերտները պատրաստեցին դիմակներ եւ…
Կազմակերպութեամբ Լ.Օ.Խ.-ի Շրջանային Վարչութեան Քարոզչական Յանձնախումբին, Ուրբաթ, 22 Մարտ 2019-ին, Պուրճ Համուտի «Յակոբ Տէր Մելքոնեան» թատերասրահէն ներս հանդիսաւոր կերպով նշուեցաւ Մանուկներու Միջազգային Օրը՝ մասնակցութեամբ լիբանանահայ վարժարաններու աշակերտներուն: Հանդիսութեան ներկայ էին Լիբանանի հայոց թեմի առաջնորդ Նարեկ արքեպիսկոպոս Ալեէմէզեան, Լիբանանի Մանուկներու ազգային մարմինի նախագահ դոկտ. Նուր Սալման, Լ.Օ.Խ.-ի Շրջանային Վարչութիւնը, Լիբանանի…
21 Մարտը կը զուգադիպի գարնան առաջին օրուան: Գարնան մեր դպրոցի շուրջի բնութիւնը կը ծաղկի, եւ այս առիթով, Հինգշաբթի 21 Մարտ 2019-ին, մենք՝ ութերորդ դասարանի աշակերտներս, մեր հայերէնի ուսուցչուհիին հետ շրջագայեցանք դպրոցին շրջակայքը ու վայելեցինք պայծառ օդն ու տաքուկ արեւը: Քաղեցինք ծաղիկներ եւ նուիրեցինք զանոնք մեր պատասխանատուներուն եւ ուսուցիչներուն:…
Կազմակերպութեամբ ընկերային ծառայութեան գրասենեակին, Հինգշաբթի, 21 Մարտ 2019-ին, Ճեմարանի շրջանաւարտ Տոքթ. Իշխան Եղիայեան նախակրթարանի Դ. դասարաններու աշակերտներուն ներկայացուց «մարդակազմութիւն, առողջապահութիւն եւ ակռաներու խնամք» նիւթը: Տոքթ. Իշխան խօսեցաւ մարդակազմութեան, առողջ ապրելու, լաւ սննդականոնի եւ ակռաներու խնամքին մասին: Աշակերտները մեծ հետաքրքրութեամբ հետեւեցան եւ ստացան իրենց հարցումներուն լուսաբանութիւնները:
Հինգշաբթի, 14 Մարտ 2019-ին, Միջնակարգի Է. դասարանի աշակերտները, արաբերէն լեզուի դասանիւթի «ուղեգրութիւն» (أدب الرحلة) բնաբանի ծիրէն ներս, խումբ առ խումբ ներկայացուցին Լիբանանի քաղաքներ, ինչպէս՝ Սուր, Սայտա, Թրիփոլի, Աքքար, Ժըզզին, եւ այլն.: Իւրաքանչիւր խումբ դասարանին ներկայացուց տուեալ քաղաքին աշխարհագրութեան եւ սովորութիւններուն մասին տեղեկութիւններ:
Երկուշաբթի, 18 Մարտ 2019-ին, Նախակրթարանի Ե. դասարանի աշակերտները, հայերէն լեզուի դասանիւթի «հայկական հաց» բնաբանի ծիրէն ներս, դիտեցին հայկական լաւաշ հացի պատրաստութեան մասին տեսերիզ մը, որուն ընդմէջէն ծանօթացան հայկական հացին իւրայատկութիւններուն եւ անոր պատրաստութեան մանրամասնութիւններուն: Տրուած ըլլալով, որ աշակերտներուն դասին վերնագիրը «Օշականեան հիւրասիրութիւն» է, անոնք ծանօթացան Օշական գիւղին եւ…
Նախակրթարանի Ե. դասարանի գիտութեան դասի ծրագիրը կ’ընդգրկէ «Առողջ սննդականոն» նիւթը, որուն մատուցման համար յարմար կը նկատենք հրաւիրել սննդագէտ մը ու կազմակերպել ծնողք-աշակերտ հանդիպում-զրոյց մը: Այս տարուան հիւր դասախօսը Սարին Շէկեանն էր. 2009-ին Ճեմարանը աւարտելէ ետք, մասնագիտացած է Nutrition & Dietetics- Coordinated Program (CP) ճիւղին մէջ (LAU)։ Ուրբաթ, 15…
Նախակրթարանի Ե. դասարանի գիտութեան դասի ծրագիրը կ’ընդգրկէ «Առողջ սննդականոն» նիւթը, որուն մատուցման համար յարմար կը նկատենք հրաւիրել սննդագէտ մը ու կազմակերպել ծնողք-աշակերտ հանդիպում-զրոյց մը: Այս տարուան հիւր դասախօսը Սարին Շէկեանն էր. 2009-ին Ճեմարանը աւարտելէ ետք, մասնագիտացած է Nutrition & Dietetics- Coordinated Program (CP) ճիւղին մէջ (LAU)։ Ուրբաթ, 15…
«Recyclons-Récupérons-Bricolons»՝ վերամշակուած իրերով զարդարանքներ պատրաստելու դպրոցական ներքին մրցանքին աւարտին յաղթական նկատուեցան միջնակարգի Է1 եւ երկրորդականի ԺԱ. գրական դասարանի աշակերտները: Իրենց յղացած գաղափարներուն, գործածած վերամշակուած իրերու այլազանութեան եւ ստեղծագործ իրագործումներուն համար, աշակերտները գնահատուեցան, եւ տեղի ունեցաւ հիւրասիրութիւն:
