Երկուշաբթի, 11 Մարտ 2019-ին, «Յակոբ Տէր Մելքոնեան» թատերասրահին մէջ, Թ. եւ Ժ. դասարանի աշակերտները ներկայ գտնուեցան Սումկայիթի ու Պաքուի ջարդերուն մասին Լիանա Բաղասրեանի անձնական օրագրութեան հիման վրայ Նարեկ Դուրեանի կողմէ բեմադրուած «Օրագիր» փաստավաւերագրական թատերախաղի ներկայացման:
21-24 Փետրուար 2019-ին, Յորդանանի «G.X» (Group Exercise Gym) ակումբէն ներս տեղի ունեցաւ մարմնամարզութեան (gymnastique) միջազգային մրցաշարք մը, որուն մասնակցեցան Լիբանանեան «Mont La Salle» ակումբին մարզիկուհիները: Ուրախութեամբ կը յայտնենք, որ ճեմարանական Նարօտ Կիւրիւնլեան (Զ. դասարան) մրցելով իրմէ տարիքով մեծ մասնակիցներու դէմ, ընդհանուր դասաւորման մէջ արժանացաւ Արծաթ մետալին՝ վաստակելով 2…
Կիրակի, 20 Յունուար 2019-ին, «Gymbo» մարմանամարզական դպրոցէն ներս տեղի ունեցաւ Լիբանանի մարմնամարզութեան (gymnastique) տարիքային ախոյեանութիւնը, որուն իր մասնակցութիւնը բերաւ Զ. դասարանէն Նարօտ Կիւրիւնլեան: Մեծ ուրախութեամբ կը յայտնենք, որ Նարօտ՝ վաստակելով երեք ոսկի եւ մէկ արծաթ մետալներ (տարբեր վարժանքներու մէջ), հանդիսացաւ 2007-2008 ծնունդներու ախոյեան: Կը շնորհաւորենք Նարօտը եւ նորանոր նուաճումներ…
Կազմակերպութեամբ «Կոկիկեան» հիմնարկին, Հինգշաբթի, 7 Փետրուար 2019-ի երեկոյեան ժամը 7:00-ին Հայկազեան համալսարանին մէջ տեղի ունեցաւ լիբանանահայ վարժարաններու երկրորդական դասարաններու աշակերտութեան արաբերէն շարադրական մրցումի մրցանակաբաշխութիւնը: Այս նախաձեռնութեան ընթացքին, «Կոկիկեան» հիմնարկի յանձնախումբին կողմէ մրցանակներ ստացան լիբանանահայ երկրորդական վարժարաններու 2017-2018 տարեշրջանի արաբերէնի մէջ գերազանցիկ աշակերտները: Կը շնորհաւորենք Ճեմարանի աշակերտներէն Կայէլ Գրիգորեանը,…
Մ. Եւ Հ. Արսլանեան Ճեմարանի աշակերտական պատուիրակութիւն մը (Ժ. դասարանէն) այս տարի եւս մասնակցեցաւ Լիբանան-Ամերիկեան Համալսարանի (LAU) նախաձեռնած Model United Nations (MUN) ծրագրին: Այս ծրագրի գործնականացման հանդիպումներուն, աշակերտները խորացուցին իրենց գիտելիքները Միացեալ Ազգերու Կազմակերպութեան (ՄԱԿ) մասին, անոնք սորվեցան քաղաքացիական պատասխանատուութիւն ստանձնել, սորվեցան տագնապներու խաղաղ լուծման ուղղուած բանակցութիւններ վարելու,…
Կազմակերպութեամբ Ֆրանսական Սէն Ժոզէֆ համալսարանի (USJ), տեղի ունեցաւ ֆրանսախօս դպրոցներու բանավէճի մրցանք մը, որուն մասնակցեցան 240 աշակերտներ Լիբանանի զանազան դպրոցներէ: Քանի մը շաբթուան վրայ երկարող այս մրցանքին ընթացքին, Ճեմարանի երկրորդական բաժինէն խումբ մը աշակերտներ թեր եւ դէմ կեցուածքներ որդեգրելով մասնակցեցան զանազան նիւթեր ընդգրկող բանավէճերու: Ուրախութեամբ կը յայտնենք, որ…
Կազմակերպութեամբ Հայկազեան համալսարանի եւ գործակցութեամբ «Waznat»-ի, ԺԲ. գրական դասարանի չորս աշակերտներ՝ Քրիսթել Աճէմեան, Պէթի Փաչանեան, Հրակ Թորոսեան եւ Սեւակ Չաթալեան, մասնակցեցան աշխատանոցներու շարքի մը եւ ստացան հաստատագիրներ:
Բարեկենդանի խորհուրդը Նախակրթարանի Զ. դասարանի աշակերտներուն փոխանցելու համար, Չորեքշաբթի, 27 Փետրուար 2019-ին, Ճեմարանը հիւրընկալեց Հայր Աւետիք Տէր Կարապետեանը: Հանդիպում-զրոյցին ընթացքին, ան աշակերտներուն ներկայացուց Բարեկենդանի տօնը, որմէ ետք պատասխանեց անոնց հարցումներուն: Յայտագրին երկրորդ բաժինով, աշակերտները պատրաստեցին հայկական դիմակներ, որմէ ետք կերան հատիկ:
Բարեկենդանի տօնին նախօրեակին, Չորեքշաբթի, 27 Փետրուար 2019-ին, Տիկ. Սօսէ Ճինպաշեան Նախակրթարանի Դ. դասարանի աշակերտներուն փոխանցեց Բարեկենդանի խորհուրդը: Աշակերտները լայն գիտելիքներ ամբարեցին Բարեկենդանի սովորութիւններուն եւ Մեծ Պահքի մասին, ինչպէս նաեւ սորվեցան աւանդական երգեր ու պարեր: Տիկ. Ճինպաշեան աշակերտներուն ներկայացուց Մեծ Պահքի ծիսական տիկնիկը՝ «ակլատիզ»ը՝ խօսելով անոր նշանակութեան մասին: Տեղի…
Չորեքշաբթի, 27 Փետրուար 2019-ին, Մանկապարտէզի աշակերտները տօնեցին Բարեկենդանի տօնը: Ծպտուած փոքրիկները երգեցին, պարեցին ու կերան կարկանդակ:
Երեքշաբթի, 26 Փետրուար 2019-ին, Մանկապարտէզէն ներս տեղի ունեցաւ Վարդանանց տօնակատարութիւնը: Աշակերտները երգեցին հայրենասիրական երգեր, արտասանեցին Վարդանի նուիրուած արտասանութիւններ, ինչպէս նաեւ սուրերով տողանցեցին Մանկապարտէզի բակէն ներս:
Երեքշաբթի, 26 Փետրուար 2019-ին, Մանկապարտէզ այցելեց խամաճիկը, որ փոքրիկները զուարճացուց փուչիկներով եւ զանազան խաղերով, ինչպէս նաեւ՝ ծիծաղելի շարժումներով: Երեխաները մեծ ուրախութեամբ եւ ծափերով դիտեցին եւ վայելեցին հտպիտը:
