Երկուշաբթի, 18 Մարտ 2019-ին, Նախակրթարանի Ե. դասարանի աշակերտները, հայերէն լեզուի դասանիւթի «հայկական հաց» բնաբանի ծիրէն ներս, դիտեցին հայկական լաւաշ հացի պատրաստութեան մասին տեսերիզ մը, որուն ընդմէջէն ծանօթացան հայկական հացին իւրայատկութիւններուն եւ անոր պատրաստութեան մանրամասնութիւններուն: Տրուած ըլլալով, որ աշակերտներուն դասին վերնագիրը «Օշականեան հիւրասիրութիւն» է, անոնք ծանօթացան Օշական գիւղին եւ…

Նախակրթարանի Ե. դասարանի գիտութեան դասի ծրագիրը կ’ընդգրկէ «Առողջ սննդականոն» նիւթը, որուն մատուցման համար յարմար կը նկատենք հրաւիրել սննդագէտ մը ու կազմակերպել ծնողք-աշակերտ հանդիպում-զրոյց մը: Այս տարուան հիւր դասախօսը Սարին Շէկեանն էր. 2009-ին Ճեմարանը աւարտելէ ետք, մասնագիտացած է Nutrition & Dietetics- Coordinated Program (CP) ճիւղին մէջ (LAU)։ Ուրբաթ, 15…

«Recyclons-Récupérons-Bricolons»՝ վերամշակուած իրերով զարդարանքներ պատրաստելու դպրոցական ներքին մրցանքին աւարտին յաղթական նկատուեցան միջնակարգի Է1 եւ երկրորդականի ԺԱ. գրական դասարանի աշակերտները: Իրենց յղացած գաղափարներուն, գործածած վերամշակուած իրերու այլազանութեան եւ ստեղծագործ իրագործումներուն համար, աշակերտները գնահատուեցան, եւ տեղի ունեցաւ հիւրասիրութիւն: 

Երեքշաբթի, 12 Մարտ 2019-ին, Նախակրթարանի Դ. դասարանի աշակերտները՝ իրենց գիտութեան ուսուցչուհիին ընկերակցութեամբ, այցելեցին «Les Merveilles de la Mer» ծովային անասուններու թանգարանը: Առաջին հերթին, աշակերտները դիտեցին ողնաւոր եւ անողն ծովային անասուններուն մասին տեսերիզ մը, որմէ ետք շրջեցան թանգարանէն ներս եւ բազմաթիւ տեղեկութիւններ ստացան այդ անասուններուն տեղափոխութեան, պաշտպանութեան, սնունդին եւ…

ՀՄԸՄ-ի Լիբանանի Շրջանային վարչութեան ԼԵՎԱՄ-ի յանձնախումբին կազմակերպած մինի ֆութպոլի մրցաշարքը աւարտեցաւ Ուրբաթ, 8 Մարտ 2019-ին, ՀՄԸՄ-ի «Հայր Պօղոս Արիս» մարզադաշտին վրայ, Պուրճ Համուտ: Ստորեւ՝ մրցաշարքի աւարտական հանգրուանին Ճեմարանի արդիւնքները. 2004 / 2005-ի ծնունդ՝ Համազգայինի Մ. եւ Հ. Արսլանեան Ճեմարան-Ազգային միացեալ վարժարան 3-1 2001 / 2002 / 2003-ի ծնունդ՝…

Կազմակերպութեամբ Լիբանանի Կրթութեան Նախարարութեան, Կիրակի, 10 Մարտ 2019-ին տեղի ունեցաւ մարմնամարզութեան միջդպրոցական մրցաշարք մը, որուն իրենց մասնակցութիւնը բերին ճեմարանական Սելին (Ա. դասարան) եւ Սթեֆանի (Գ. դասարան) Մումջողլեան քոյրերը: Ուրախութեամբ կը յայտնենք, որ քոյրերը դարձած են մետալակիրներ. Սելին արժանացած է ոսկի մետալին, իսկ Սթեֆանի՝ պրոնզ մետալին: Նշենք նաեւ, որ…

Երկուշաբթի, 11 Մարտ 2019-ին, «Յակոբ Տէր Մելքոնեան» թատերասրահին մէջ, Թ. եւ Ժ. դասարանի աշակերտները ներկայ գտնուեցան Սումկայիթի ու Պաքուի ջարդերուն մասին Լիանա Բաղասրեանի անձնական օրագրութեան հիման վրայ Նարեկ Դուրեանի կողմէ բեմադրուած «Օրագիր» փաստավաւերագրական թատերախաղի ներկայացման:

21-24 Փետրուար 2019-ին, Յորդանանի «G.X» (Group Exercise Gym) ակումբէն ներս տեղի ունեցաւ մարմնամարզութեան (gymnastique) միջազգային մրցաշարք մը, որուն մասնակցեցան Լիբանանեան «Mont La Salle» ակումբին մարզիկուհիները: Ուրախութեամբ կը յայտնենք, որ ճեմարանական Նարօտ Կիւրիւնլեան (Զ. դասարան) մրցելով իրմէ տարիքով մեծ մասնակիցներու դէմ, ընդհանուր դասաւորման մէջ արժանացաւ Արծաթ մետալին՝ վաստակելով 2…

Կիրակի, 20 Յունուար 2019-ին, «Gymbo» մարմանամարզական դպրոցէն ներս տեղի ունեցաւ Լիբանանի մարմնամարզութեան (gymnastique) տարիքային ախոյեանութիւնը, որուն իր մասնակցութիւնը բերաւ Զ. դասարանէն Նարօտ Կիւրիւնլեան: Մեծ ուրախութեամբ կը յայտնենք, որ Նարօտ՝ վաստակելով երեք ոսկի եւ մէկ արծաթ մետալներ (տարբեր վարժանքներու մէջ), հանդիսացաւ 2007-2008 ծնունդներու ախոյեան:  Կը շնորհաւորենք Նարօտը եւ նորանոր նուաճումներ…

Կազմակերպութեամբ «Կոկիկեան» հիմնարկին, Հինգշաբթի, 7 Փետրուար 2019-ի երեկոյեան ժամը 7:00-ին Հայկազեան համալսարանին մէջ տեղի ունեցաւ լիբանանահայ վարժարաններու երկրորդական դասարաններու աշակերտութեան արաբերէն շարադրական մրցումի մրցանակաբաշխութիւնը:  Այս նախաձեռնութեան ընթացքին, «Կոկիկեան» հիմնարկի յանձնախումբին կողմէ մրցանակներ ստացան լիբանանահայ երկրորդական վարժարաններու 2017-2018 տարեշրջանի արաբերէնի մէջ գերազանցիկ աշակերտները: Կը շնորհաւորենք Ճեմարանի աշակերտներէն Կայէլ Գրիգորեանը,…

Մ. Եւ Հ. Արսլանեան Ճեմարանի աշակերտական պատուիրակութիւն մը (Ժ. դասարանէն) այս տարի եւս մասնակցեցաւ Լիբանան-Ամերիկեան Համալսարանի (LAU) նախաձեռնած Model United Nations (MUN) ծրագրին: Այս ծրագրի գործնականացման հանդիպումներուն, աշակերտները խորացուցին իրենց գիտելիքները Միացեալ Ազգերու Կազմակերպութեան (ՄԱԿ) մասին, անոնք սորվեցան քաղաքացիական պատասխանատուութիւն ստանձնել, սորվեցան  տագնապներու խաղաղ լուծման ուղղուած բանակցութիւններ վարելու,…