«Հայոց պատմութեան էջերէն» բնաբանի ծիրէն ներս, Ե. դասարանի աշակերտները սորվեցան Աւետիք Իսահակեանի «Արարատին» բանաստեղծութիւնը: Սոյն նիւթին կապակցութեամբ` Երկուշաբթի, 14 Յունիս 2021-ին, աշակերտները իրենց հայերէնի դասապահուն հանդիպում մը ունեցան Արարատ լեռ բարձրացած` ճեմարանաւարտ Քրիստ Բրուտեանին հետ: Ան հեռարձակումով նախ խօսեցաւ լեռնագնացութեան ֆիզիքական պատրաստութեան մասին, ապա դէպի Արարատ ուխտագնացութեան ժամանակին…
Է. Կարգի աշակերտներս կարդացինք Համաստեղի «Չալօ»ն, վերլուծեցինք ու արծարծեցինք նիւթը հայերէնի դասապահու ընթացքին, որմէ ետք հանդիպում մը ունեցանք արուեստագէտ/մանկավարժ Օրդ. Գայիանէ Մածունեանին հետ։ Ան մեզի ներկայացուց շուներու հաւատարմութեան, զարգացած հոտառութեան, տարբեր մշակոյթներու մօտ մարդ-շուն յարաբերութեան պատմութեան, անասուններու մասին փիլիսոփաներու կարծիքը, ինչպէս նաեւ՝ հայ թէ օտար գրականութեան մէջ շան…
Երկուշաբթի, 24 Մայիս 2021-ի երեկոյեան ժամը 5:00-ին, միջնակարգի Ը. դասարանի աշակերտները մասնակցեցան առցանց դասախօսութիւն-զրոյցի մը, «Բռնադատում պատանիներու մօտ» (teen bullying) նիւթով, դասախօսն էր՝ հոգեբան Սեւանա Թոփալեան։ Դասախօսը ներկայացուց բռնադատումի տեսակները, որոնցմէ մասնաւորաբար վերջերս ընդհանրացած ՝«cyber bulliying»-ը: Ան խօսեցաւ բռնադատողին հաւանական դրդապատճառներուն մասին, ապա անդրադարձաւ բռնադատուած անձին հոգեկան վիճակին…
Կազմակերպութեամբ ընկերային ծառայութեան գրասենեակին, Չորեքշաբթի, 19 Մայիս 2021-ին, միջնակարգի բոլոր դասարաններուն աշակերտները առցանց հանդիպումներ ունեցան Ճեմարանի շրջանաւարտ Տոքթ. Ժանօ Քէքէճեանին հետ: Հանդիպումին ներկայ էին ընկերային ծառայողը եւ բնապատմութեան ուսուցչուհին: Այս նախաձեռնութիւնը կը միտի մտերմիկ մթնոլորտի մէջ առիթ տալ աշակերտներուն ազատ եւ հանգիստ արտայայտուելու եւ ստանալու գիտական, մասնագիտական պատասխաններ՝…
Ուրբաթ, 14 Մայիս 2021-ին, միջնակարգի Թ. դասարանի աշակերտները ֆրանսերէն լեզուի դասապահուն առցանց հանդիպում մը ունեցան Ճեմարանի շրջանաւարտ Սանահին Գասապեանին հետ։ Սանահինը մասնագիտացած է ֆրանսական գրականութեան, պատմութեան եւ միջազգային յարաբերութիւններու ճիւղերուն մէջ Պէյրութի Սէն Ժոզէֆ, ապա Փարիզի Սիանս-Փօ համալսարանները յաճախելով։ Անոր ֆրանսերէն լեզուով յօդուածները պարբերաբար լոյս կը տեսնեն «L’Orient-Le…
Հինգշաբթի, 13 Մայիս 2021-ի երեկոյեան ժամը 6:00-ին, միջնակարգի Է. դասարանի աշակերտները մասնակցեցան առցանց դասախօսութիւն-զրոյցի մը, «Բռնադատում պատանիներու մօտ» (teen bullying) նիւթով, դասախօսն էր՝ հոգեբան Սեւանա Թոփալեան։ Դասախօսը նախ ներկայացուց բռնադատումի տեսակները, որոնցմէ մասնաւորաբար վերջերս ընդհանրացած ՝«cyber bulliying»-ը: Ան խօսեցաւ այն պատճառներուն մասին, որոնք անձ մը կը մղեն բռնադատելու…
Համազգայինի Մ. եւ Հ. Արսլանեան Ճեմարանի երկրորդական բաժինի «Ցեղասպանութենէն արցախեան պատերազմ՝ նոյն թշնամին» խորագրեալ առցանց ձեռնարկը տեղի ունեցաւ Հինգշաբթի, 29 Ապրիլին, երեկոյեան ժամը 6։00-ին: Ճեմարանի տնօրէն Փաուլա Եղիայեանի ողջոյնի խօսքէն ետք, Լսարանական Միութեան պատասխանատու Խաչիկ Հրակ Տէմիրճեան ներկայացուց ձեռնարկի հիւրերը՝ «Ապառաժ» թերթի խմբագիր՝ Արա Պուլուզեանը (Արցախ), Համազգայինի…
Ուրախութեամբ կը յայտնենք, որ Ճեմարանի ԺԱ. դասարանի աշակերտուհի Լոռի Եահնիյեան մաս կազմեց Լիբանանի փինկ փոնկի կրտսերներու ազգային խումբին: Մանրամասնութիւնները կարդալ այստեղ:
Երկուշաբթի, 26 Ապրիլ 2021-ին, Է. դասարանի աշակերտներս հանդիպում մը ունեցանք 2010-ի ճեմարանաւարտ, «Օքսֆորտ» համալսարանէն տոքթորական իր վկայականը ստացած մարդաբան՝ Հրակ Փափազեանին հետ։ Մեր նիւթը իր հեղինակած «Բռնկում» պատմուածքին մասին էր. հայերէնի դասապահուն ընթացքին մենք դիտած էինք այդ նիւթով պատրաստուած տեսերիզը։ Ան պատմեց, թէ իր փոքր տարիքէն…
Ուրախութեամբ կը յայտնենք, որ Համազգայինի «Թորոս Ռոսլին» կերպարուեստի Ակադեմիայի կազմակերպած միջդպրոցական նկարչական մրցանքին, մեր աշակերտներէն Բալենի Աւագեանն (Դ. դասարան) ու Հրակ Արբաճեանը (Է. դասարան) արժանացած են մրցանակներու՝ յաջորդաբար հանդիսանալով առաջին եւ երրորդ: Նշենք, որ մրցանքին ընտրուած թեմաներն էին «Ապրիլ 24-ը եւ մենք» եւ «Արցախեան պատերազմը եւ մեր կորուստները»:
Հայոց Ցեղասպանութեան 106-ամեակի ոգեկոչման աշխատանքներու ծիրէն ներս, Հինգշաբթի, 22 Ապրիլ 2021-ին, Նախակրթարանի Ե. դասարանի աշակերտները իրենց հայերէնի դասապահուն հանդիպում մը ունեցան Գայիանէ Մածունեանին հետ, որ հեռարձակումով բաւական մանրամասն ներկայացուց Կոմիտասը: Մածունեան անդրադարձաւ վարդապետին կենսագրականի իւրաքանչիւր հատուածին, անոր ստեղծագործութեան ու կատարած մշակութային հսկայ գործին, ինչպէս նաեւ ներկայացուց ցեղասպանութեան ձգած…
Հայոց Ցեղասպանութեան 106-ամեակին ընդառաջ, Չորեքշաբթի, 21 Ապրիլ 2021-ին, Ճեմարանի Զ. եւ Է. դասարաններուն, ինչպէս նաեւ Շարժայի Օհաննէսեան Ազգային Միօրեայ Վարժարանի աշակերտներն ու ուսուցչական կազմերը միացեալ առցանց հանդիպում մը ունեցան Հայկական Ճարտարապետութիւնը Ուսումնասիրող Հիմնադրամի (ՀՃՈՒՀ) փոխ տնօրէն Րաֆֆի Քորթոշեանի հետ: Պրն. Քորթոշեան ներկաներուն խօսեցաւ մշակութային ջարդին մասին, որ մինչեւ…
