Չորեքշաբթի, 17 Նոյեմբերը սովորականէն տարբեր օր մըն էր Մանկապարտէզի Կապոյտ դասարանի փոքրիկներուն համար: Անոնք դպրոց եկան առօրեայ հագուստներով, սպունգներով եւ լաթերով: Օրուան բոլոր աշխատանքները կեդրոնացան «շրջապատս մաքուր կը պահեմ» նիւթին շուրջ: Դպրոցին ընկերային ծառայող տիկին Սիլվա Քիւրքճեան երաժշտութեան ներքոյ եւ խամաճիկներով փոքրիկներուն փոխանցեց մաքրութեան վերաբերող անհրաժեշտ գիտելիքներ, որմէ…
Երկուշաբթի, 15 Նոյեմբեր 2021-ին, Համազգայինի գեղարուեստի դպրոցներուն պատասխանատուներ՝ պարոն Կարէն եւ տիկին Ժագլին Մակինեան (պարարուեստ), տիկին Թալին Մոսիկեան («Թորոս Ռոսլին»), պարոն Նորայր Պուտագեան (նկարչութեան ուսուցիչ), օրիորդ Լիւսի Գռուզեան («Կարկաչ» երգչախումբի պատասխանատու եւ ուսուցչուհի) եւ տիկին Սիլվա Սողոմոնեան («Արեգ» պատանեկան թատերախումբի ուսուցիչ) այցելեցին Ճեմարան եւ շրջեցան Ա.էն Ը. դասարանները:…
Կազմակերպութեամբ Ընկերային Ծառայութեան Գրասենեակին, Հինգշաբթի, 11 Նոյեմբեր 2021-ին, տեղի ունեցաւ սեռային դաստիարակութեան դասապահ մը՝ միջնակարգի Է. դասարաններու աշակերտներուն համար։ Մանկաբոյժ Տոքթ. Պերճ Տագէսեան աշակերտներուն խօսեցաւ տարիքային կազմաւորման մասին, ապա ան պատասխանեց աշակերտներուն հարցումներուն։
Ընկերային կազմաւորման ծրագրի ծիրէն ներս, Չորեքշաբթի, 3 Նոյեմբեր 2021-ին, հոգեբան Սեւանա Թօփալեան միջնակարգի Ը. դասարանի աշակերտներուն հետ արծարծեց «բռնադատում» (Bullying) նիւթը: Աշակերտները մասնակցեցան զրոյցին, իրենց հետ պատահած հարցեր բաժնեցին իրենց ընկերներուն հետ եւ ստացան անհրաժեշտ լուսաբանութիւնները:
Կազմակերպութեամբ ընկերային ծառայութեան գրասենեակին, Չորեքշաբթի, 3 Նոյեմբեր 2021-ին, դասապահերէն ետք, տեղի ունեցաւ ուսման կողմնորոշման հանդիպում մը Հայկազեան համալսարանի ընդունման գրասենեակի պատասխանատու Թամար Քէշիշեանի հետ, որ աւարտական դասարանէն խումբ մը աշակերտներու ներկայացուց Հայկազեան համալսարան ընդունման տուեալները, մասնագիտութիւնները եւ համալսարան մուտքի անհրաժեշտ բոլոր մանրամասնութիւնները:
Երեքշաբթի, 26 Հոկտեմբեր 2021-ին, Մանկապարտէզ այցելեց Ուու-շուի աշխարհի բազմակի ախոյեան, լիբանանահայ մարզիկ, մարզիչ եւ միջազգային իրաւարար Աւետիս Սերոբեան, որ Կանաչ դասարանի աշակերտներուն փոխանցեց մարզանքի կարեւորութեան մասին գիտելիքներ: Փոքրիկները հետեւացան պարոն Սերոբեանի ցուցմունքներուն եւ կատարեզին զանազան մարզական վարժութիւններ:
Ճեմարանի ընկերային ծառայութեան կազմակերպած ընկերային դաստիարակութեան ծրագրի ծիրէն ներս, հինգշաբթի, 21 Հոկտեմբեր 2021-ին, մանկապարտիզպանուհի տիկին Թալին Եահնիյեանը այցելեց Նախակրթարանի Ե. դասարանները եւ խօսեցաւ աշակերտի մը իրաւունքներուն եւ պարտաւորութիւններուն մասին: Ան զանազան օրինակներով ներկայացուց նիւթը, իսկ աշակերտները մասնակցեցան՝ փոխանցելով իրենց ըսելիքներն ու խօսելով իրենց առօրեայ կեանքին մասին: Անոնք տիկին…
Հինգշաբթի, 21 Հոկտեմբեր 2021-ին, դպրոցին հիւանդապահուհին՝ տիկին Ծովիկ Ֆեթուլահեանը Մանկապարտէզի Կանաչ դասարանի փոքրիկներուն փոխանցեց մարմնի մաքրութեան եւ առողջ ապրելակերպի մասին անհրաժեշտ գիտելիքներ:
Երեքշաբթի, 19 եւ չորեքշաբթի 20 Հոկտեմբեր 2021-ին, Նախակրթարանի Դ. եւ Ե. դասարաններուն աշակերտները ունեցան «Առողջ միտք՝ առողջ մարմնի մէջ» խորագրով դասախօսութիւն մը, զոր վարեց Ճեմարանի եւ Պէյրութի Ամերիկեան Համալսարանի (AUB) շրջանաւարտ, սննդագէտ Նանի Գալուստեանը:
Հինգշաբթի, 7 Հոկտեմբեր 2021-ին, ժամը 12:00-ին, աւարտական դասարանի աշակերտները առցանց հանդիպում ունեցան A.U.B-ի ընդունման գրասենեակէն Սապին Մելքիսէթեանի հետ, որ բացատրութիւններ տուաւ SAT-ի արդիւնքներու եւ համալսարան ընդունման պայմաններուն մասին: Հանդիպումին աւարտին, Սապին Մելքիսէթեան պատասխանեց աշակերտներուն հարցումներուն:
Ուրբաթ, 1 Հոկտեմբեր 2021-ին, նախակրթարանի Դ. եւ միջնակարգի Ը. դասարաններու աշակերտները հանդիպում ունեցան ընկերային ծառայողին հետ եւ խօսեցան անցնող երկու տարիներուն ընթացքին իրենց դիմագրաւած դժուարութիւններուն մասին, թէ ի՞նչպէս յաղթահարեցին զանոնք, եւ թէ ինչերո՛ւ արժէքը գիտցան միայն դժուարութեան ժամանակ:
Երկուշաբթի, 27 Սեպտեմբեր 2021-ին, աւարտական դասարանի աշակերտները նշեցին Արցախի 44-օրեայ պատերազմին առաջին տարելիցը: Երկրորդ զբօսանքի աւարտին, անոնք հաւաքուեցան բակը, ուր աւարտական դասարանի խօսքը փոխանցեց Փաթիլ Զարմէնեան. ան ըսաւ. «Թէեւ պատահածը ահաւոր եւ անհաւատալի էր, սակայն պէտք է մնանք ամուր՝ մեր հողերուն վերատիրանալու յոյսով: Մենք՝ ճեմարանականներս, պէտք է լաւ…
