Երկուշաբթի, 26 Ապրիլ 2021-ին, Է. դասարանի աշակերտներս հանդիպում մը ունեցանք 2010-ի ճեմարանաւարտ, «Օքսֆորտ» համալսարանէն տոքթորական իր վկայականը ստացած մարդաբան՝ Հրակ Փափազեանին հետ։ Մեր նիւթը իր հեղինակած «Բռնկում» պատմուածքին մասին էր. հայերէնի դասապահուն ընթացքին մենք դիտած էինք այդ նիւթով պատրաստուած տեսերիզը։ Ան պատմեց, թէ իր փոքր տարիքէն…
Ուրախութեամբ կը յայտնենք, որ Համազգայինի «Թորոս Ռոսլին» կերպարուեստի Ակադեմիայի կազմակերպած միջդպրոցական նկարչական մրցանքին, մեր աշակերտներէն Բալենի Աւագեանն (Դ. դասարան) ու Հրակ Արբաճեանը (Է. դասարան) արժանացած են մրցանակներու՝ յաջորդաբար հանդիսանալով առաջին եւ երրորդ: Նշենք, որ մրցանքին ընտրուած թեմաներն էին «Ապրիլ 24-ը եւ մենք» եւ «Արցախեան պատերազմը եւ մեր կորուստները»:
Հայոց Ցեղասպանութեան 106-ամեակի ոգեկոչման աշխատանքներու ծիրէն ներս, Հինգշաբթի, 22 Ապրիլ 2021-ին, Նախակրթարանի Ե. դասարանի աշակերտները իրենց հայերէնի դասապահուն հանդիպում մը ունեցան Գայիանէ Մածունեանին հետ, որ հեռարձակումով բաւական մանրամասն ներկայացուց Կոմիտասը: Մածունեան անդրադարձաւ վարդապետին կենսագրականի իւրաքանչիւր հատուածին, անոր ստեղծագործութեան ու կատարած մշակութային հսկայ գործին, ինչպէս նաեւ ներկայացուց ցեղասպանութեան ձգած…
Հայոց Ցեղասպանութեան 106-ամեակին ընդառաջ, Չորեքշաբթի, 21 Ապրիլ 2021-ին, Ճեմարանի Զ. եւ Է. դասարաններուն, ինչպէս նաեւ Շարժայի Օհաննէսեան Ազգային Միօրեայ Վարժարանի աշակերտներն ու ուսուցչական կազմերը միացեալ առցանց հանդիպում մը ունեցան Հայկական Ճարտարապետութիւնը Ուսումնասիրող Հիմնադրամի (ՀՃՈՒՀ) փոխ տնօրէն Րաֆֆի Քորթոշեանի հետ: Պրն. Քորթոշեան ներկաներուն խօսեցաւ մշակութային ջարդին մասին, որ մինչեւ…
Ֆրանսերէն լեզուի դասանիւթի ծիրէն ներս, Է. դասարանի աշակերտները քանի մը պահերու ընթացքին ծանօթանալէ ետք բանաստեղծութեան կարեւոր յատկանիշներուն, որոշեցին «calligramme» (գրանկար) պատրաստել եւ աշխատանքի լծուեցան: Իւրաքանչիւր աշակերտ ընտրեց բնութեան հետ կապ ունեցող նիւթ մը եւ անոր մասին բանաստեղծութիւն մը գրեց: Բանաստեղծութիւնները ուսուցչուհիին կողմէ սրբագրուելէ ետք, աշակերտները մեծ հաճոյքով զանոնք…
2019-2020 դպրոցական տարեշրջանը փակուեցաւ արտասովոր պայմաններու մէջ: Համաճարակին պարտադրած նոր առօրեային հազիւ համակերպած աշակերտները ականատես եղան ամբողջ Լիբանանը ցնցող 4 Օգոստոսի նաւահանգիստի պայթումին: Նկատի ունենալով նշեալ երեւոյթներուն մասին աշակերտներուն արտայայտուելու կարիքը եւ անհրաժեշտութիւնը, 2020-2021 տարեշրջանի սկիզբը Ճեմարանի հոգեբանը նախաձեռնեց դասարանային առցանց հանդիպումներու, որոնց ընթացքին աշակերտներուն առիթը տրուեցաւ ներկայացնելու…
Ճեմարանի ընկերային ծառայութեան գրասենեակի աշխատանքներու ծիրէն ներս, Ուրբաթ, 26 Մարտ 2021-ին, Նախակրթարանի Ե. դասարանի աշակերտները առցանց հանդիպում մը ունեցան սննդագէտ Անի Տեքերմենճեանի հետ, որ խօսեցաւ առողջապահական ուտելիքներու մասին: Ան հետաքրքրական գիտելիքներ փոխանցեց սննդարար ուտելիքներու ճիշդ համադրութեան, ինչպէս նաեւ վնասակար ուտելիքներով սնուելու հետեւանքներուն մասին:
Ճեմարանի ընկերային ծառայութեան գրասենեակի ծրագիրի ծիրէն ներս, Չորեքշաբթի, 24 Մարտ 2021-ին, երեկոյեան ժամը 7:օօ-ին, Նախակրթարանի Դ. դասարանի աշակերտները առցանց հանդիպեցան ատամնաբոյժ տոքթ. Իշխան Եղիայեանի հետ, որ ընդհանուր գիտելիքներ փոխանցեց ընդհանուր առողջապահութեան, մարդակազմութեան, ակռաներու խնամքի, առողջ սննդականոնի եւ հաւասարակշռուած կեանքի մասին: Աշակերտները մեծ հետաքրքրութեամբ լսեցին տոքթ. Եղիայեանի ցուցմունքները, ինչպէս…
Անցնող շաբթուան ընթացքին, Տարրական բաժնի դասարանները առցանց հանդիպում մը ունեցան դպրոցին ընկերային ծառայող՝ Տիկին Սիլվային եւ հիւանդապահուհիին՝ Տիկին Ծովիկին հետ: Վերջինս աշակերտներուն փոխանցեց առողջապահական գիտելիքներ՝ մարմնի մաքրութեան, շրջապատի մաքրութեան, առողջ կենցաղին եւ սննդակարգին մասին, ինչպէս նաեւ խօսեցաւ Քորոնա ժահրին եւ անոր դէմ պայքարելու միջոցներու մասին:
Մ. եւ Հ. Արսլանեան Ճեմարանի երկրորդական բաժինի Ժ. դասարանէն խումբ մը աշակերտներ՝ Գալին Գիլէճեան, Ալինա Վասիլեան, Անժելինա Դարբինեան, Կարին Եղիայեան, Մարիէլ Մարթայեան, Կլօրիա Ժալըֆեան, Առլի Տէր Աբրահամեան, Սանան Քէշիշեան եւ Զուլալ Աւագեան, մասնակցեցան Լիբանան-Ամերիկեան Համալսարանի (LAU) նախաձեռնած Model United Nations (MUN) ծրագրին: Այս ծրագրի գործնականացման հանդիպումներուն, աշակերտները խորացուցին…
Երեքշաբթի 9 եւ Հինգշաբթի 25 Փետրուար 2021-ին, Նախակրթարանի Զ. եւ Միջնակարգի Է. դասարաններու աշակերտները առցանց հանդիպում-զրոյց մը ունեցան Պիքֆայայի Դպրեվանքի տեսուչ Հոգեշնորհ Տէր Պարոյր Վրդ. Շէրնէզեանի հետ: Վերջինս աշակերտներուն ներկայացուց Բարեկենդան եւ Տեառընդառաջ տօներուն կրօնական բացատրութիւնը: Հանդիպման աւարտին, աշակերտները հարցուցին ծոմապահութեան, աղօթքի եւ կրօնական արարողակարգերու վերաբերեալ զանազան հարցումներ…
Երկուշաբթի, 8 Մարտ 2021-ին, Մանկապարտէզի Կապոյտ եւ Կանաչ դասարաններու փոքրիկները նշեցին ուսուցչաց տօնը: Անոնք առցանց հանդիպում մը ունեցան Ճեմարանի ընկերային ծառայող Տիկին Սիլվային հետ, որ իրենց պատմեց պատմութիւն մը, թէ ի՛նչպէս փոքրիկներ տարբեր ձեւերով կ’ուրախացնեն իրենց ուսուցիչները: Երեխաները իրենց սրտի խօսքերով, պաչիկներով եւ մաղթանքներով արտայայտեցին ուսուցիչներուն հանդէպ ունեցած…
