Նախակրթարանի Զ. դասարանէն խումբ մը աշակերտներ մասնակցեցան ֆրանսերէնի ուսուցչուհիին կազմակերպած «ճիշդ հնչենք» մրցանքին, որ ընթացաւ քանի մը հանգրուաններով: Տիշչէքէնեան Սոֆի, Ժագմագեան Մարի Լին, Տէմիրճեան Վայք, Քուսաօղլի Լոռի, Թահմիզեան Կէրի եւ Նեմշէհրիլեան Ալեք հասան վերջին հանգրուան, որմէ ետք երեք աշակերտներ՝ Քուսաօղլի Լոռի, Թահմիզեան Կէրի եւ Նեմշէհրիլեան Ալեք, անցան կիսաւարտական…
Կազմակերպութեամբ ընկերային ծառայութեան գրասենեակին, Ուրբաթ 16 Մայիս 2025-ին, Ժ. դասարանի աշակերտները այցելեցին Ազունիէի Ազգային Բուժարան: Աշակերտները հիւրասիրելէ ետք Բուժարանի պատսպարեալները, միասին շատ ճոխ եւ հաճելի ժամանակ անցուցին: Անոնք երգեցին, պարեցին, միասնաբար խաղեր խաղացին, զրուցեցին եւ ամէնէն կարեւորը՝ աշակերտները իրազեկ դարձան, որ յառաջացած տարիքի մէջ եղողները արժանի են հոգատարութեան…
Երկրորդական բաժինի Ժ. դասարանի աշակերտները քիմիագիտութեան ուսուցչուհիին՝ Օրդ. Ռիթային հետ Ճեմարանի գիտաշխատանոցին մէջ հետաքրքրական փորձարկումներով կ’ամրապնդեն իրենց գիտելիքները:
Հինգշաբթի, 15 Մայիս 2025-ին, կազմակերպութեամբ ընկերային ծառայութեան գրասենեակին, տեղի ունեցաւ «Առցանց ընկերութիւններ եւ արժէքներու պահպանում» նիւթով դասախօսութիւն-զրոյց Ժ. դասարանի աշակերտներուն հետ. զրուցավարն էր Ճինիշեան հաստատութեան տնօրէն Քրիսթին Դանիէլեան:
Ընկերային կազմաւորման ծրագիրի ծիրէն ներս, Հինգշաբթի, 15 Մայիս 2025-ին, Ճեմարանի ընկերային ծառայող Սիլվա Սողոմոնեան տարրական բաժինի Գ. դասարանի աշակերտներուն հետ արծարծեց «Յաղթահարել մեր անհատականութեան տկար կէտերը աշխատանքով, ճիգով եւ կամքով» նիւթը։
Կազմակերպութեամբ ընկերային ծառայութեան գրասենեակին, Չորեքշաբթի, 14 Մայիս 2025-ին, Ճեմարանի շրջանաւարտ Արամ Սոմունճեան նախակրթարանի Ե. դասարանի աշակերտներուն հետ զրուցեց համացանցի վրայ տեղադրումներու մասին: Ան բացատրեց, թէ ինչո՞ւ պէտք է լաւ մտածել որեւէ տեղեկութիւն տեղադրելէ եւ հրապարակելէ առաջ, ինչպէս նաեւ անդրադարձաւ այդ տեղադրումներուն ազդեցութեան՝ իւրաքանչիւրին կեանքին վրայ:
Համազգայինի Մ. Եւ Հ. Արսլանեան Ճեմարանի 95-ամեակի տօնակատարութիւններու Հանրային ձեռնարկներու մեկնարկը տրուեցաւ հայրենի ՆԵՄՐԱ խումբի ելոյթով, որ տեղի ունեցաւ 9 Մայիս 2025-ին, աւելի քան 450 հոգիի ներկայութեամբ, Պէյրութի «Օ» ճաշարանին մէջ։ Հայրենի Նեմրա խումբը իր ճոխ երգերով հմայեց ներկաները։ Երիտասարդները ուրախ մթնոլորտի մէջ մտերմիկ պահեր ապրեցան եւ անմոռանալի…
Կազմակերպութեամբ ընկերային ծառայութեան գրասենեակին, Չորեքշաբթի, 14 Մայիս 2025-ին, Նարեկ Քէշիշեան Զ. դասարանի աշակերտներուն հետ արծարծեց «Ի՞նչպէս լաւ քաղաքացի ըլլալ» նիւթը: Ան խօսեցաւ իւրաքանչիւր անհատի պարտաւորութիւններուն եւ պարտականութիւններուն մասին, միաժամանակ այս անդրադառնալով բոլորին կողքին միութիւններու անդամակցելու եւ ինքնութիւնը պահելու կարեւորութեան:
Ընկերային կազմաւորման ծրագիրի ծիրէն ներս, Հինգշաբթի, 8 Մայիս 2025-ին, Զ. դասարանի աշակերտները այցելեցին «IRAP» (Institut de Rééducation Audio-Phonétique) խուլ-համր աշակերտներու մասնագիտական դպրոցը, իրենց հետ տանելով նուէրներ (կրկնեփուկ, օշարակ, եւայլն): Աշակերտները ծանօթացան կեդրոնի իրենց տարեկից աշակերտներուն հետ, միասնաբար նախաճաշեցին, զբօսանքին միասին խաղացին եւ հաճելի ժամանակ անցուցին: Աշակերտները շրջեցան կեդրոնին…
Կանաչ դասարանի փոքրիկները իրենց դաստիարակներուն հետ այցելեցին մետաքսի թանգարան՝ յայտնաբերելու թիթեռնիկին կեանքի շրջանը։ Թանգարանին մէջ անոնք սորվեցան, թէ ի՛նչպէս պզտիկ թրթուրը ժամանակի ընթացքին կը վերածուի գունագեղ թիթեռնիկի։ Փոքրիկները դիտեցին մետաքսէ պատրաստուած գորգերն ու շղարշները, սորվեցան մետաքսի պատրաստութիւնը եւ նոր գիտելիքներով հարստացած վերադարձան դպրոց։
Կազմակերպութեամբ ընկերային ծառայութեան գրասենեակին, Չորեքշաբթի, 7 Մայիս 2025-ին, Ճեմարանի շրջանաւարտ Արմէն Արեւեան հետաքրքրական հանդիպում մը ունեցաւ միջնակարգի եւ Ժ. դասարանի աշակերտներուն հետ: Այս հանդիպումին ընթացքին արծարծուեցաւ «ընկերասիրութեան կարեւորութիւնը անհատի մը կազմաւորման մէջ» նիւթը, ինչպէս նաեւ՝ վատ վարուելակերպի (bullying) ժխտական ազդեցութիւնը անհատի մը վրայ: Աշակերտները անձնական օրինակներ տուին եւ…
Նախակրթարանի Դ. դասարաններու աշակերտները ներկայացուցին իրենց պատրաստած խոյզերը: Իւրաքանչիւր աշակերտ իւրայատուկ եւ սքանչելի ձեւով ներկայացուց հայ աշուղ մը կամ հայկական նուագարան մը: Բոլորը նոր գիտելիքներ ամբարեցին եւ լաւ ծանօթացան հայ մշակոյթին մաս կազմող այս հարստութեան:
