Կազմակերպութեամբ Հայկազեան Համալսարանի ուսանողական հարցերու բաժինին, Երեքշաբթի, 8 Ապրիլ 2025-ին, տեղի ունեցաւ հայկական զարդանախշերու փորագրութեան աշխատանոց մը՝ Ժ. դասարանի աշակերտներուն մասնակցութեամբ: Վաստակաւոր քանդակագործ Սուրէն Սարոյեանի ցուցմունքին եւ բացատրութիւններուն հետեւելով, աշակերտները սորվեցան եւ փորագրեցին զարդանախշերու վրայ: Շնորհակալութիւն կը յայտնենք կազմակերպող մարմինին՝ հաճելի եւ օգտաշատ այս աշխատանոցին համար:
Ուրբաթ, 4 Ապրիլ 2025-ին, տարրական բաժինի Գ1 եւ Գ2 դասարաններու աշակերտները թուաբանութեան դասապահերուն թուաբանութեան մրցումի մը մասնակցեցան։ Խմբակներու բաժնուելէ ետք, անոնք 15 հանգրուաններով լուծեցին թուաբանական խնդիրներ եւ ամբողջացուցին տրամաբանութեան եւ կեդրոնացում զարգացնող հարցարաններ։ Անոնք խանդավառութեամբ եւ մեծ հաճոյքով աշխատեցան։ Մրցումի աւարտին իւրաքանչիւր աշակերտ ստացաւ հաստատագիր մը։
Կազմակերպութեամբ Համազգայինի Գեղարուեստի Դպրոցներու խնամակալութեան, Տնօրէնութեան եւ «Թորոս Ռոսլին» Կերպարուեստի Դպրոցին, Շաբաթ 5 Ապրիլ 2025-ին, «Փիւնիկ» սրահին մէջ տեղի ունեցաւ Ժանսէմի 105-ամեակին նուիրուած միջդպրոցական գծագրութեան մրցանքը։ Ուրախութեամբ կը յայտնենք, որ Ա. խմբակին (5-րդ, 6-րդ դասարաններ) առաջինը հանդիսացաւ Ճեմարանի աշակերտներէն Գէորգ Ուրիշեան, իսկ Գ. խմբակինն (երկրորդական բաժին) առաջինը` Մարգրիտ…
Հինգշաբթի, 3 Ապրիլ 2025-ին, աւարտական դասարանի աշակերտները հանդիպում ունեցան տարբեր սերունդներու շրջանաւարտներու հետ՝ Ատոմ եւ Սելլա Թնճուկեան, Լեւոն եւ Հուրիկ Պաղտասարեան: Ընկերային ծառայող Սիլվա Սողոմոնեան նախ ներկայացուց հիւրերուն կենսագրականները, ապա ընթացք առաւ զրոյցը՝ «կարեւոր որոշումներ մեր կեանքին մէջ» նիւթով: Զրուցավարները խօսեցան Ճեմարանի իրենց փորձառութեան մասին, շեշտելով անհրաժեշտութիւնը որոշումներ…
Միջնակարգի Է. դասարաններէն խումբ մը աշակերտներ մասնակցեցան ֆրանսերէնի ուսուցչուհիին կազմակերպած «ճիշդ հնչենք» մրցանքին, որ ընթացաւ քանի մը հանգրուաններով: Ռիթա Թագաճեան, Սերա Հայեան եւ Լալիկ Ալթունեան հասան վերջին հանգրուան: Ի վերջոյ, յաղթական հանդիսացաւ Սերա Հայեան:
Ուրբաթ, 28 Մարտ 2025-ին, միջնակարգի Է. դասարանի աշակերտներս մեր պատմութեան եւ աշխարհագրութեան ուսուցիչին եւ դաստիարակին ընկերակցութեամբ այցելեցինք Պէյրութի Ամերիկեան Համալսարանի հնագիտութեան թանգարանը: Հազիւ հասանք, ծանօթացանք Դոկտ. Ժագ Նիւրբեթլեանին, որ մեզի բացատրեց, թէ ի՛նչ հանգրուաններէ պիտի բաղկանար մեր այցելութիւնը: Մեր առաջնորդները՝ Պարոն Հիւսէյն եւ Ճեմարանի շրջանաւարտ Մհեր Փելթեքեան, հետաքրքրական…
Ընկերային կազմաւորման ծրագիրի ծիրէն ներս, Հինգշաբթի 20 Մարտ 2025-ին, միջնակարգի Ը. դասարանի աշակերտները այցելեցին ՔԱՀԼ-ի «Հայ տարեցներու տուն»: Տիկ. Հուրի Մուշեան դիմաւորեց աշակերտները եւ բացատրութիւններ տուաւ ՔԱՀԼ-ի գործունէութեան մասին: Ապա աշակերտները այցելեցին տարեցներուն, միասնաբար զրուցեցին եւ ներկայացուցին իրենց պատրաստած գեղարուեստական յայտագիրը՝ ասմունքեցին, երգեցին, պարեցին ու շատ զուարճացան: Աւարտին,…
Ուրբաթ, 14 Մարտ 2025-ին, ընկերային կազմաւորման ծրագիրի ծիրէն ներս, Է. դասարանի աշակերտները ընկերային ծառայող Սիլվա Սողոմոնեանին եւ իրենց դաստիարակին ընկերակցութեամբ այցելեցին «Ճինիշեան» եւ «Գարակէօզեան» հաստատութիւնները: «Ճինիշեան»ի տնօրէն Քրիստին Դանիէլեան դիմաւորեց զիրենք եւ բացատրութիւններ տուաւ «Ճինիշեան» հաստատութեան պատմութեան եւ մարդասիրական լայնածաւալ գործունէութեան մասին: Ապա վարժողական ծրագիրով կեդրոն գտնուող Հայկազեան…
Կիրակի, 23 Մարտ 2025-ին, Ազգային Եղիշէ Մանուկեան քոլեճի «Սիրան Մանուկեան» սրահին մէջ տեղի ունեցան 2024-2025 տարեշրջանի ճատրակի մրցումները: Ուրախութեամբ կը յայտնենք, որ այս մրցաշարքին Ճեմարանի աշակերտները ապահովեցին փայլուն արդիւնքներ: Ստորեւ մրցանակակիր աշակերտներուն անունները. 10 տարեկանէն վար, աղջիկներ՝ Նայիրի Նիւրբէթլեան (առաջին), Անտրէա Պիթարեան (երկրորդ), տղաք՝ Վայք Հէյպէլեան (առաջին), Արամ Մանուկեան (երրորդ)…
Ճեմարանի մէջ արդէն կը գործէ «Պատմութեան նամականի» նամակատուփը, ուր աշակերտները պիտի զետեղեն իրենց տրուած հարցումներուն պատասխանները՝ ուսուցիչին կողմէ նշուած ժամանակահատուածին մէջ: Հարցումները կը պահանջեն տրամաբանական մօտեցում եւ վերլուծական միտք: «Պատմութեան նամականի»ի հիմնական նպատակն է խթանել հայոց պատմութեան նկատմամբ սէրն ու հետաքրքրութիւնը:
Երկուշաբթի, 24 Մարտ 2025-ին, երրորդ եւ չորրորդ դասարանի աշակերտները ներկայ գտնուեցան Լ.Օ.Խ-ի կազմակերպած «Մանուկներու միջազգային օրուան» ձեռնարկին։
Ուրբաթ, 21 Մարտ 2025-ին, ժամը 1։45-ին, տարրական բաժինի բակին մէջ տեղի ունեցաւ ծառատնկում՝ վաղամեռիկ ճեմարանական Նժդեհ Մերտխանեանի յիշատակին, ներկայութեամբ իր ընտանիքին, դպրոցի անձնակազմին եւ Նժդեհին դասընկերներուն՝ աւարտական դասարանին: Ճեմարանի տնօրէն Փաուլա Եղիայեան ողջունեց ներկաները եւ ըսաւ. «Մենք այսօր հաւաքուած ենք անգամ մը եւս, որովհետեւ երկու տարի առաջ անակնկալ…
