Ուրբաթ, 9 Մայիս 2025- ին, մանկապարտէզի Կապոյտ դասարանի փոքրիկները այցելեցին Հրշէջներու Կեդրոն։ Փոքրիկները մեծ խանդավառութեամբ ունկնդրեցին հրշէջին բացատրութիւնները, բարձրացան հրշէջներու ինքնաշարժը, շրջեցան շրջափակէն ներս, ապա խողովակներով փորձեցին մարել կրակը։ Հաճելի եւ յիշատակելի օր մըն էր։
Ուրբաթ, 9 Մայիս 2025-ին, Համազգայինի Մելանքթոն եւ Հայկ Արսլանեան Ճեմարանի Ե. դասարանէն Վանա Սրուրեան եւ Զ. դասարանէն Վայք Տէմիրճեան մասնակցեցան ՀԲԸՄ-ի «Խօսնակ» պաշտօնաթերթի խմբագրութեան ու անոր կից գործող մշակութային յանձնախումբի վարչութեան կազմակերպած միջդպրոցական արտասանական մրցումին։ Վանա Սրուրեան ասմունքեց Յովհաննէս Շիրազի «Կտակ»-ը, իսկ Վայք Տէմիրճեան՝ Զարեհ Խրախունիի «Լեռը»։ Ուրախութեամբ…
Երկրորդական բաժինի ԺԱ. գիտական դասարանի աշակերտները քիմիագիտութեան ուսուցչուհիին՝ Օրդ. Ռիթային հետ Ճեմարանի գիտաշխատանոցին մէջ տարբեր փորձարկումներով կ’ամրապնդեն իրենց գիտելիքները:
Ճեմարանի 95-ամեակի ձեռնարկներու ծիրին մէջ, մանկապարտէզի կանաչ դասարանի փոքրիկները աւարտական դասարանի աշակերտներուն ընկերակցութեամբ այցելեցին Նշան Փալանճեան Ճեմարան։ Ճեմարանի շրջանաւարտ, նախկին ուսուցիչ եւ պատասխանատու Նորայր Նաճարեան ջերմօրէն ընդունեց աշակերտները եւ մանրամասն բացատրութիւններ տուաւ դպրոցին պատմութեան եւ առաքելութեան մասին։ Ապա աշակերտները շրջեցան ճեմարանի տարածքին մէջ, հետաքրքրութեամբ դիտեցին արձանները եւ դպրոցին…
Երկուշաբթի, 28 Ապրիլ 2025-ին, տարրական բաժինի աշակերտները իրենց յարգանքի տուրքը մատուցեցին ցեղասպանութեան զոհերուն՝ ծաղիկներ զետեղելով Ճեմարանի մուտքին գտնուող նահատակ գրագէտներու որմնաքանդակներուն եւ Անթիլիասի մայրավանքին Սրբոց Նահատակաց յուշարձան-մատուռին դիմաց։
Հայոց ցեղասպանութեան ոգեկոչման նախաձեռնութիւններու ծիրին մէջ, միջնակարգի հայերէն եւ հայոց պատմութիւն դասաւանդող ուսուցիչները կազմակերպեցին պատի թերթի մրցանք մը, նիւթ ունենալով հայոց ցեղասպանութիւնը: Մրցանքին մանրամասնութիւնները՝ բովանդակութեան շուրջ տեղեկութիւններ կամ պատրաստութեան պայմաններ, աշակերտներուն բացատրուեցան, եւ աշխատանքին ներկայացման օրուան ժամկէտը ճշդուեցաւ: Աշակերտները խանդավառութեամբ եւ միասնական ճիգերով աւարտեցին աշխատանքը: Չորեքշաբթի, 16 Ապրիլ…
Հայոց ցեղասպանութեան ոգեկոչման ձեռնարկներու ծիրին մէջ, Չորեքշաբթի, 16 Ապրիլ 2025-ին, Զ. եւ Է. դասարանի աշակերտները այցելեցին Ժպէյլի հայոց ցեղասպանութեան որբերու «Արամ Պէզիքեան» թանգարանը։ Աշակերտները թանգարանին մասին ընդհանուր տեղեկութիւններ ստացան, անոնք կրցան նաեւ պատկերացնել դասարանէն ներս իրենց ընթերցած Անդրանիկ Ծառուկեանի «Մանկութիւն չունեցող մարդիկ» գիրքի դրուագներէն, ցեղասպանութենէն փրկուած հայ որբերու կեանքը։…
Չորեքշաբթի, 16 Ապրիլ 2025-ին, Նորսիկեան մանկապարտէզի փոքրիկները տօնեցին Սուրբ Զատիկը: Երեխաները երգեցին, պարեցին եւ խաղացին իրենց գունաւորած հաւկիթներով:
Չորեքշաբթի, 16 Ապրիլ 2025-ին, տեղի ունեցաւ տարրական եւ նախակրթարան բաժիններու աշակերտներուն հաւկթախաղը:
Հայոց ցեղասպանութեան 110-ամեակի ոգեկոչման նախաձեռնութիւններու ծիրին մէջ, Չորեքշաբթի, 16 Ապրիլ 2025-ին, միջնակարգի Ը. եւ Թ. դասարաններուն աշակերտները այցելեցին Պիքֆայայի Ս. Աստուածածին վանքը: Վանքի մուտքին աշակերտները դիմաւորեց դպրեվանքի հսկիչը՝ Հայր Գէորգը: Ոգեկոչման սկիզբը աշակերտներուն կողմէ խօսք առաւ Լիմ լիպարեան, ուր իր խօսքին մէջ հաստատեց՝ իբրեւ յաջորդող սերունդներ այդ արհաւիրքը…
Հայոց ցեղասպանութեան 110-ամեակի ոգեկոչման աշխատանքներու ծիրին մէջ, Դ. դասարանի աշակերտները իրենց հայերէնի դասապահուն ուղղուեցան դէպի գրադարան. անոնք Ցեղասպանութեան մասին պատմական տեղեկութիւններ ստացան, ինչպէս նաեւ իրենց պապենական հողերը, նահատակները եւ ֆետայիները ուսումնասիրելով կատարեցին իրենց խոյզերէն մաս մը: Աշակերտները որոշեցին կառչած մնալ իրենց հայկական արմատներուն, յիշել ու պահանջել հայ ժողովուրդին…
Հ.Մ.Ը.Մ.ի Լիբանանի Շրջանային Վարչութեան ԼԵՎԱՄ-ի յանձնախումբին կազմակերպութեամբ 2024-2025 տարեշրջանի Աթլելիզմի մրցումները տեղի ունեցան Շաբաթ, 5 Ապրիլ 2025-ին, «Collège Notre Dame de Jamhour»-ի մարզադաշտէն ներս։ Ճեմարանի աշակերտները շահեցան 37 մետալ եւ 79 կէտ ապահովելով հանդիսացան առաջին: Ստորեւ Ճեմարանի աշակերտներուն արդիւնքները.- ԿԱՐՃ ՎԱԶՔ Աղջիկներ. 12 տարեկանէն վար՝ Սարա Սերոբեան (երրորդ)…
