Չորեքշաբթի, 19 Մարտ 2025-ի առաւօտեան ժամը 8։00-ին, մանկապարտէզի կանաչ դասարաններու աշակերտներուն հայրերը (ոմանց` հարազատները) այցելեցին մանկապարտէզ, որպէսզի իւրաքանչիւրը իր ասպարէզը ներկայացնէ փոքրիկներուն։ Իւրաքանչիւր հայր իրեն հետ բերած էր իր գործին վերաբերող իրեր կամ նկարներ։ Այս առիթով փոքրիկները կատարեցին հիւրասիրութիւն՝ նախօրօք իրենց պատրաստած կրկնեփուկներով։
Կազմակերպութեամբ ընկերային ծառայութեան գրասենեակին, Երեքշաբթի 11 Մարտ 2025-ին, միջնակարգի Թ. դասարանի աշակերտները այցելեցին ԼՕԽ-ի ԱՊԸԲ կեդրոն: Կեդրոնի տնօրէնուհի Նազելի Աւագեան ընդունեց աշակերտները ու միասնաբար շրջելէ ետք Կեդրոնի տարբեր բաժանմունքները, հաւաքուեցան Շրջանային Վարչութեան յարկը, ուր տնօրէնուհին խօսեցաւ ԼՕԽ-ի բարեսիրական առաքելութեան մասին: Ապա հիւանդապահուհի Փաթիլ Մարսիմ աշակերտներուն ներկայացուց ԼՕԽ-ի գործունէութեան…
Դ. դասարանի սիրելի՛ ճանապարհորդներ, Պատրաստուեցէ՛ք հաճելի ու անմոռանալի աշխարհագրական արկածախնդրութեան մը: Այսօր մեր ճամբորդութիւնը կը սկսի Չինաստանէն, ուր պիտի համտեսենք բանջարեղէնով պատրաստուած համեղ «Chow mein»-ը: Երեւակայեցէ՛ք միաժամանակ քաղցր եւ աղի համերը: Այդ համերը վայելելէ ետք, Ուրալեան լեռնաշղթայի վրայով, կախարդական ինքնաթիռներով պիտի ճամբորդենք Եւրոպա՝ Իտալիա: Այնտեղ պիտի ճաշակենք տուրմի…
Ճեմարանի մեծ տղոց ֆութսալի խումբը պատմական յաղթանակ մը արձանագրեց Չորեքշաբթի, 12 Մարտ 2025-ին, «Միշել Հատտատ» միջդպրոցական մրցաշարքին, երբ 7-6 արդիւնքով յաղթելէ ետք Մոն Լա Սալ դպրոցի խումբին, անցաւ յաջորդ հանգրուան: Նշենք, որ առաջին անգամ ըլլալով այս մրցաշարքին հայկական դպրոց մը կը հասնի աւարտական փուլերուն: Յաղթանակէն ետք, համակիրներուն ուրախութիւնը…
Հինգշաբթի, 6 Մարտ 2025-ին, ընկերային կազմաւորման ծրագրի ծիրէն ներս, ԺԱ. դասարանի աշակերտները այցելեցին «Զուարթնոց» կեդրոն: Կեդրոնի տնօրէն Վարդինէ Օհանեան-Գէորգեան խօսեցաւ «Զուարթնոց» կեդրոնի առաքելութեան մասին, եւ թէ ինչպիսի աշակերտներ կը յաճախեն հոն: Ան ըսաւ, որ անոնք տարբեր կարողութիւններով օժտուած աշակերտներ են եւ սովորական դպրոց յաճախող աշակերտներուն նման ունին համահաւասար…
Առաջին կիսամեակի աւարտին, երբ Ե. դասարաններու աշակերտները արդէն իսկ ծանօթ էին Լիբանանի հողային տարածքին եւ անոր բոլոր մուհաֆազաներուն ու քատաներուն (մարզերուն եւ անոնց վարչական բաժանումներուն)՝ դասարանէն ներս վիճակաձգութեան միջոցով որոշուեցաւ ամէն մէկ աշակերտի կատարելիք խոյզին նիւթը … Այդ խոյզին մէջ պէտք էր ներկայացուէր լիբանանեան շրջան մը եւ յիշել,…
Կազմակերպութեամբ Ընկերային Ծառայութեան գրասենեակին, Ճեմարանի շրջանաւարտ սննդագէտ Նանի Գալուստեան նախակրթարանի Ե. դասարանի աշակերտներուն խօսեցաւ առողջ սննդականոնի մասին: Ան ըսաւ, որ սննդականոնը պէտք է մաս կազմէ մեր կենցաղին ոչ միայն բարեձեւ մարմին ունենալու, այլեւ շատ մը հիւանդութիւններ կանխարգիլելու համար: Աշակերտները հետաքրքութեամբ հետեւեցան բացատրութիւններուն եւ ստացան իրենց հարցումներուն պատասխանները:
Շնորհաւոր Բարեկենդան, բարով հասնինք սուրբ Յարութեան: Բարեկենդան կը նշանակէ բարի կեանք, երջանիկ կեանք: Ան կը խորհրդանշէ ձմրան աւարտը եւ գարնան գալուստը: Հայերը Բարեկենդանը կը տօնեն հայկական բոլոր գաւառներուն մէջ զանազան ձեւերով: Բարեկենդանին բնութեան բերքն ու բարիքը հարստացնելու, չար ուժերը չէզոքացնելու նպատակով շարք մը ծէսեր կը կատարեն: Փակեալ խորանին…
Տարրական բաժինի աշակերտները երգերով, պարերով եւ դիմակներ պատրաստելով կը նշեն բարեկենդանը։
Ընկերային կազմաւորման ծրագրի ծիրէն ներս, կազմակերպութեամբ Ընկերային Ծառայութեան գրասենեակին, Չորեքշաբթի, 26 Փետրուար 2025-ին, Համազգայինի մանկավարժական արդիական ծրագիրներու պատասխանատու Արին Գալուստեան տարրական բաժինի Գ. դասարանի աշակերտներուն բացատրութիւններ տուաւ կեդրոնացումի եւ ընդհանուր զարգացման համար խաղի անհրաժեշտութեան եւ խաղերու տեսակներուն մասին: Ապա ան անդրադարձաւ համակարգչային խաղերուն եւ վերջապէս անոնց ծանօթացուց Համազգայինի…
Տարրական բաժինի Ա.,Բ.,Գ., դասարաններու աշակերտները Երկուշաբթի, 3 Մարտ 2025-ին, նշեցին իրենց դպրոցին տարեդարձը ուրախ մթնոլորտի մէջ։ Անոնք դիտեցին տեսերիզ մը, ուր աւելի մօտէն ծանօթացան իրենց դպրոցին անցեալին ու ներկային, որմէ ետք մտային խաղերու ընդմէջէն ամրապնդեցին իրենց գիտելիքները։ Աշակերտները նաեւ պատրաստեցին օրուան խորհուրդին վերաբերող էջացոյցեր։
Նախակրթարանի Դ. Ե. Զ. դասարաններու աշակերտները մեծ խանդավառութեամբ նշեցին դպրոցին 95-րդ տարեդարձը։ Անոնք դիտելէ ետք այդ առիթով պատրաստուած յատուկ տեսերիզ մը, բաժնուեցան խմբակներու եւ սկսան փնտռելու նախապէս պահուած գանձեր դպրոցին տարածքին, որմէ ետք այդ գանձերը քով-քովի բերելով կազմեցին Հայ Ճեմարանին ամբողջական պատմութիւնը։ Յայտագրին աւարտին աշակերտները Տիկ. Շաղիկ Մկրտիչեանին…
