Հ.Մ.Ը.Մ.ի Լիբանանի Շրջանային Վարչութեան ԼԵՎԱՄ-ի 2023-2024 տարեշրջանի «Դաշտային խաղերը» տեղի ունեցան Շաբաթ, 11 Ապրիլ, 2024-ին, Ժամհուր վարժարանի դաշտին վրայ։ Ճեմարանի աշակերտները շահեցան 34 մետալ: Ստորեւ Ճեմարանի աշակերտներուն արդիւնքները.- ԿԱՐՃ ՎԱԶՔ Աղջիկներ. 12 տարեկանէն վար` Լալիկ Ալթունեան (երկրորդ) 16 տարեկանէն վար՝ Զուլալ Պէզճեան (առաջին) Տղաք. 14 տարեկանէն վար, Վեհ…

Շաբաթ, 6 Ապրիլ 2024-ին, Ճեմարանէն խումբ մը աշակերտներ մասնակցեցան Համազգայինի «Թորոս Ռոսլին» կերպարուեստի ակադեմիայի միջդպրոցական նկարչական մրցանքին:

Հինգշաբթի, 11 Ապրիլ 2024-ին, երեկոյեան ժամը 7:00-ին Ազգային առաջնորդարանի «Երջօ Սամուէլեան-Եռագոյն» սրահին մէջ տեղի ունեցաւ «Մհեր Ջուլհաճեան աշակերտական շարադրական մրցանք»ի մրցանակակիր բոլոր աշակերտներուն շարադրութիւնները ամփոփող «Մհերը` ներշնչման աղբիւր» գիրքին շնորհահանդէսն ու 2023 թուականի մրցանակակիրներուն մրցանակաբաշխութիւնը: Անգամ մը եւս կը շնորհաւորենք Ճեմարանի մրցանակակիր աշակերտները՝ Ժիւլիանա Թրթռեան (երկրորդ), Սելին Քիլէճեան…

26 եւ 27 Մարտ 2024-ին, Ճեմարանի բոլոր բաժիններուն մէջ կատարուեցան «ֆրանսախօսութեան օրեր»ու զանազան աշխատանքներ՝ ասմունք, ընթերցումներ, երգ, թատրոն, գծագրութիւն, նուագ,պար, զարգացման մրցում եւ այլ խաղեր։ Աշակերտները բազմաթիւ գիտելիքներ ստացան ֆրանսերէն լեզուով եւ սորվեցան ֆրանսական մշակոյթի իւրայատկութիւնները։

Երեքշաբթի, 26 Մարտ 2024-ին, Ը. դասարանի աշակերտուհի Լիմ Քէնտիրճեան իր հեղինակած «Journey to Royal Destiny» գիրքը ներկայացուց իր դասընկերներուն: Ան մանրամասնութեամբ բացատրեց, թէ ի՛նչ հանգրուաններէ անցած է մինչեւ աշխատանքը հասցնէ իր աւարտին: Աշակերտները հետաքրքրութեամբ հետեւեցան եւ հարցումներ ուղղեցին Լիմին: Ներկայացման աւարտին Լիմ Քէնտիրճեան տնօրէնութեան նուիրեց «Journey to Royal…

Պարոյր Սեւակի «100 բանաստեղծութիւն» հատորի լոյս ընծայման առիթով Լիբանան ժամանած Սեւակի թոռը` գրականագէտ Սեւակ Ղազարեան եւ վաստակաշատ բեմադրիչ եւ դերասան Դաւիթ Յակոբեան Ուրբաթ, 22 Մարտ 2024-ին այցելեցին ճեմարան եւ հանդիպում ունեցան տնօրէնութեան հետ, ապա ներկայ գտնուեցան այս առիթով պատրաստուած գեղարուեստական յայտագիրին: Ճեմարանի թատրոնի ուսուցչուհի Սիլվա Սողոմոնեանի նախաձեռնութեամբ եւ…

Աշուղը ժողովրդական երգիչ, երաժիշտ բանաստեղծ է: Աշուղը իր բանաստեղծութիւնները կը ներկայացնէ երգարուեստով։ Ան կ’երգէ սիրային, խոհական, խրատական-բարոյախօսական, հերոսական, երգիծական եւ կատակային երգեր։ Այս երգերուն կ’ընկերանան աշուղներու սեփական մեղեդիներն ու երաժշտական գործիքները, ինչպէս՝ քամանչա, սազ, քանոն…: Հինգշաբթի, 21 Մարտ 2024-ին, հայերէն լեզուի դասանիւթի ծիրէն ներս, նախակրթարանի Դ. դասարաններու աշակերտները…

Ընկերային կազմաւորման ծրագրի ծիրէն ներս, Հինգշաբթի, 21 Մարտ 2024-ին, աւարտական դասարանի աշակերտները հանդիպում ունեցան երեք տարբեր սերունդներու շրջանաւարտներու հետ՝ Թամար Սնապեան (1987-ի շրջանաւարտ), Կարօ Յարութիւնեան (1979-ի շրջանաւարտ) եւ Վարագ Գեթսէմանեան (2010-ի շրջանաւարտ): Իւրաքանչիւր շրջանաւարտ ներկայացուց իր կարեւոր որոշումները կեանքին ընթացքին ու շեշտեց անհրաժեշտութիւնը որոշումներ կայացնելու (decision making), ինչպէս՝…

Ընկերային կազմաւորման ծրագրի ծիրէն ներս, Հինգշաբթի 21 Մարտ 2024-ին, միջնակարգի Ը. դասարանի աշակերտները այցելեցին ՔԱՀԼ-ի «Հայ տարեցներու տուն»: Հաստատութեան տնօրէն պատուելի Սեպուհ Թերզեան դիմաւորեց աշակերտները եւ խօսեցաւ ՔԱՀԼ-ի հիմնադրութեան պատճառներուն եւ գործունէութեան մասին, միաժամանակ հեռարձակումով ներկայացուց տարեցներու առօրեան: Ապա աշակերտները այցելեցին տարեցներուն եւ միասնաբար զրուցեցին, ասմունքեցին, երգեցին, պարեցին…

Երկուշաբթի, 19 Մարտ 2024-ին, հայերէն լեզուի դասանիւթի ծիրէն ներս, Ը. դասարաններու աշակերտները ուսումնասիրեցին Վահան Թէքէեանէն փունջ մը բանաստեղծութիւններ: Այդ բանաստեղծութիւններէն մէկն էր «Եկեղեցին հայկական» բանաստեղծութիւնը: Հայկական եկեղեցւոյ ճարտարապետական իւրայատկութիւններուն մասին աշակերտներուն հետաքրքրութիւններուն գոհացում տալու նպատակով, հայերէնի դասապահուն հայերէնի ուսուցչուհին հրաւիրեց դպրոցիս աշխարհագրութեան ուսուցչուհի Շողիկ Փելթեքեանը: Տիկին Շողիկը նիւթը ներկայացուց…

Ընկերային կազմաւորման ծրագրի ծիրէն ներս, Երկուշաբթի, 18 Մարտ 2024-ին, աւարտական դասարանի աշակերտները այցելեցին Ազգային Առաջնորդարան եւ հանդիպում ունեցան Լիբանանի Հայոց Թեմի Առաջնորդ Գերշ․ Տ․ Շահէ Արք․ Փանոսեանին հետ, որ ընդհանուր գիծերու մէջ ներկայացուց Թեմի գործունէութիւնը եւ զրուցեց աշակերտներուն հետ։ Աշակերտները Առաջնորդարանի դիւանապետ Պարոյր Տէր Ղուկասեանի ընկերակցութեամբ շրջեցան կառոյցի…