Համազգայինի Հայ Ճեմարանի (Նշան Փալանճեան Ճեմարան, ապա՝ Մելանքթոն եւ Հայկ Արսլանեան Ճեմարան) բազմավաստակ ուսուցիչ Անթուան Քեհեայեանի (Սըր) մահը ցաւով ու ափսոսանքով ընկալուեցաւ իրեն աշակերտած բազմահազար ճեմարանականներու ու Ճեմարանի բարեկամներու կողմէ։ Անթուան Քեհեայեանը գրեթէ կէս դար սպասարկեց հայ դպրոցին ամբողջական նուիրումով, սիրով, հայ աշակերտին ու շրջապատին օգտակար հանդիսանալու անմնացորդ…
Երկուշաբթի, 4 Մարտ 2013-ին, կազմակերպութեամբ Ընկերային Ծառայութեան Գրասենեակին, տեղի ունեցաւ սեռային դաստիարակութեան դասապահ մը՝ Զ. դասարաններու աշակերտներուն համար։ Մանկաբոյժ Տոքթ. Պերճ Տագէսեան աշակերտներուն խօսեցաւ մարդակազմութեան, երկրորդական սեռային յատկութիւններուն եւ սերնդագործութեան մասին, ապա ան պատասխանեց աշակերտներուն հարցումներուն։
Ուրբաթ, 1 Մարտ 2013-ին, արցախի ազատամարտիկ-երգիչ Մակիչ (Մկրտիչ Մկրտիչեան) այցելեց Ճեմարան։ «Տոքթ. Ատրինէ Գարագաշեան» սրահին մէջ, դպրոցի տնօրէն Տիգրան Ճինպաշեան անդրադարձաւ Արցախի ազատագրական պայքարի 25 ամեակին՝ հայ ժողովուրդի նորագոյն յաղթանակին, եւ աշակերտներուն ներկայացուց Մակիչը, որ ազգային-հայրենասիրական քանի մը երգերով խանդավառեց աշակերտները։
Չորեքշաբթի, 27 Փետրուար 2013-ին, Children’s Cancer Center – St. Jude Կեդրոնէն Մամտուհ Նուրի եւ Մարիա Մամլուք այցելեցին Ճեմարան եւ նախակրթարանի ու միջնակարգի աշակերտներուն ներկայացուցին Կեդրոնը՝ տեսերիզով մը։ Աշակերտները հարցումներ ուղղեցին եւ լաւապէս ծանօթացան Կեդրոնի հսկայական աշխատանքներուն։ St. Jude Կեդրոնը կ՚ընդունի քաղցկեղէ վարակուած փոքրիկները մինչեւ 18 տարեկան՝ բոլորովին ձրի։…
Ուրբաթ, 1 Մարտ 2013-ին, միջնակարգի աշակերտները իրենց ուսուցիչներուն ընկերակցութեամբ գացին ձիւնագնացութեան՝ դէպի Ֆարայա եւ Այուն Սիման։ Թէեւ օդը պայծառ չէր, սակայն աշակերտներուն խանդավառութիւնը ջերմացուց մթնոլորտը։ Աշակերտները ճաշեցին Հրաժէլի Mount Smash club-ին մէջ եւ վերադարձան դպրոց ժամը 2։00-ին։
Երկուշաբթի, 18 Փետրուար 2013-ին, տարրական բաժինի Բ. դասարանի աշակերտները գացին «Univers d’Albert» հաճելի եւ օգտաշատ ժամանակ անցընելու համար։ Անոնք հոն պատրաստեցին հայրերու նուէրները։ Ուրբաթ, 22 Փետրուար 2013-ին՝ երեկոյեան ժամը 8։00-ին, Բ. դասարանի աշակերտները դպրոց եկան իրենց հայրերուն հետ։ Անոնք ուրախ ու ճոխ մթնոլորտի մէջ ապրեցան անմոռանալի պահեր։ Իրենց…
Չորեքշաբթի, 20 Փետրուար 2013-ին մանկապարտէզի կանաչ դասարաններու ծնողները առիթը ունեցան առաւօտեան ժամը 8։00-ին իրենց զաւակներուն հետ մտնելու դասարան եւ դիտելու հայերէն, արաբերէն եւ ֆրանսերէն լեզուներու դասապահերը։ Այս հանդիպումը առիթ կու տայ ծնողներուն ծանօթանալու դպրոցի եւ դասարանի մթնոլորտին, ինչպէս նաեւ՝ դասանիւթերու մատուցման ձեւերուն։
Չորեքշաբթի, 20 Փետրուար 2013-ին վարդագոյն դասարաններու փոքրիկները այցելեցին դպրոցին մօտակայ շէնք մը եւ դիտեցին անոր զանազան բաժանումները, ինչպէս՝ մուտքը, վերելակը, յարկերը…։ Այս այցելութեամբ անոնք ամրապնդեցին դասարանէն ներս իրենց սորված բառամթերքը։
Երկուշաբթի, 18 եւ Երեքշաբթի 19 Փետրուար 2013-ին, տեղի ունեցան Արցախի ազատագրական պայքարի մասին դասախօսութիւններ՝ նախակրթարանի եւ միջնակարգի Է. դասարանի աշակերտներուն։ Ճեմարանի շրջանաւարտ Վարագ Գեթսեմանեան Դ. եւ Ե. դասարաններու աշակերտներուն ներկայացուց ազատագրական պայքարը՝ նկարներու ցուցադրութեամբ։ Ճեմարանի երկրորդական բաժինի ուսուցիչ Քրիստափոր Միքայէլեան Զ. եւ Է. դասարանի աշակերտներուն նախ ներկայացուց մեր…
Չորեքշաբթի, 13 Փետրուար 2013-ին, ԺԲ. դասարանի աշակերտները ներկայ գտնուեցան ուսման կողմնորոշման մասին դասախօսութեան մը։ N.D.U. համալսարանէն Տիկին Գարլա Սֆէյր ներկայացուց համալսարանի տարբեր բաժանմունքներն ու մասնագիտութիւնները եւ շեշտեց երեք կէտեր, որոնք պէտք է նկատի առնուին մասնագիտութիւն եւ համալսարան ընտրելու ժամանակ։ -Համալսարանը պէտք է վաւերացում ունենայ։ -Տուեալ մասնագիտութեան կարիքը ըլլայ։…
Չորեքշաբթի, 6 Փետրուար 2013-ին, նախակրթարանի Դ. դասարանի աշակերտները նշեցին բարեկենդանը հետեւեալ յայտագրով. առաւօտեան ժամը 7։30-ին տեղի ունեցան բարեկենդանի տօնին եւ աւանդութիւններուն մասին աշակերտական ներկայացումներ։ Ժամը 8։00-ին, աշակերտները պատրաստեցին իրենց դիմակները, ապա տեղի ունեցաւ հիւրասիրութիւն։ Ժամը 10։00-ին աշակերտները դիմակներով շրջեցան դպրոցի զանազան բաժինները եւ հատիկ հրամցուցին։ Հաճելի ժամեր անցընելէ…
Մանկապարտէզի եւ տարրական բաժինի աշակերտները իրենց շատ սիրելի տօնը՝ բարեկենդանը, նշեցին Չորեքշաբթի 6 Փետրուար 2013-ին։ Անոնք առաւօտեան սովորական ժամուն ծպտուած դպրոց ժամանեցին ։ Ուսուցիչները այդ օրուան համար յատուկ յայտագիր, խաղեր ու հիւրասիրութիւն պատրաստած էին։ Աշակերտները երգեցին, պարեցին ու խանդավառ մթնոլորտի մէջ հաճելի ժամեր անցուցին։
