Երկուշաբթի, 8 եւ Երեքշաբթի 9 Փետրուար 2016-ին տեղի ունեցաւ Լսարանական Միութեան վարչութեան կազմակերպած աւանդական ձիւնագնացութիւնը: Առաւօտեան ժամը 11-ին երկրորդական բաժինի աշակերտները նախաճաշելէ ետք ճամբայ ելան դէպի Ֆարայա, ուր հասնելէ ետք սկսան ձիւնով խաղալու եւ ըմբոշխնելու Լիբանանի ձիւնածածկ գագաթները: Հաճելի ժամանակ անցընելէ ետք, աշակերտները ուղղուեցան դէպի հիւրանոց, ուր հանգչեցան,…
Հինգշաբթի, 12 Նոյեմբեր 2015-ին, Ճեմարան այցելեց ֆրանսահայ բեմադրիչ Ժագ Քէպատեան, որ Լսարանական Միութեան աշակերտներուն ցուցադրեց իր “Dis-moi pourquoi tu danses”-ը: Ան շուրջ մէկ ժամուան տեւողութեամբ ներկայացուց հայ պարարուեստը ֆրանսահայ գաղութին մէջ: Ինչո՞ւ պարը: Պարը, որովհետեւ հայ ժողովուրդը միացնող ազդակ մըն է եւ առաւելաբար հասկնալի է բոլոր ազգերէն: Պարը,…
Հինգշաբթի, 22 Հոկտեմբեր 2015-ին Լսարանական Միութիւնը գումարեց իր առաջին ընդհանուր ժողովը, որուն ընթացքին ներկայացուեցաւ միութեան միամեայ ծրագիրը, որ կ՚ընդգրկէ հետեւեալները. -Քարոզչական/դաստիարակչական ձեռնարկներ՝ Հայաստանի երկրաշարժի զոհերու յիշատակի ոգեկոչում, Հրանդ Տինքի յիշատակի ոգեկոչում, Հայ ժողովուրդի նահատակներու ոգեկոչում, Ճեմարանի 86 ամեակի նշում (նաեւ Ճեմարանի տնօրէններէն Հրաչ Տասնապետեանի մահուան 15 ամեակ), Ցեղասպանութեան…
Հինգշաբթի, 15 Հոկտեմբեր 2015-ին, Ճեմարան այցելեց սփիւռքահայ գրագէտ, Ճեմարանի շրջանաւարտ Գրիգոր Պըլտեան, որ եղաւ Լսարանական Միութեան հիւրը: Բացման խօսքը կատարեց Լսարանական Միութեան նախագահ Կալի Խիւտավերտեան, որ ըսաւ, թէ ի՛նչպէս հայերէնի դասագիրքին մէջի գրագէտները միշտ երեւակայական անձեր եղած են, սակայն բախտաւոր պէտք է զգանք բոլորս, որովհետեւ պատիւը ունինք հիւրընկալելու…
Ճեմարանի Լսարանական Միութիւնը Հինգշաբթի, 1 Հոկտեմբեր 2015-ին ընտրեց իր վարչութիւնը հետեւեալ ձեւով. -Ժ. դասարանէն՝ Հայկ Աւետիս եւ Նանի Գալուստեան -ԺԱ. գրականէն՝ Քրիստ Բրուտեան -ԺԱ. գիտականէն՝ Յակոբ Թաշճեան -ԺԲ. գրականէն՝ Կրէյս Միսիրեան -ԺԲ. գիտականէն՝ Քրիսթել Յովսէփեան Լսարանական Միութեան աշակերտները 8 Հոկտեմբերին ընտրեցին Լսարանական Միութեան նախագահը ներկայութեամբ Լսարանական Միութեան պատասխանատուներ…
Չորեքշաբթի, 18 Փետրուար 2015-ին, տեղի ունեցաւ Լսարանական Միութեան վարչութեան կազմակերպած ճեմարանական նահատակներուն նուիրուած ձեռնարկը: Բացման խօսքը կատարեց Քրիստ Բրուտեան, ապա ցուցադրուեցաւ տեսերիզ մը՝ յատուկ պատրաստուած նահատակներուն յիշատակին: Այնուհետեւ Ճեմարանի ուսուցիչ Վաչէ Ծատուրեան ներկայացուց ինը նահատակներուն կեանքը, գործունէութիւնն ու առաքելութիւնը: Ճեմարանական նահատակներն են՝ Յակոբ Պօղոսեան, Ժիրայր Խրիմեան, Սարգիս Պէքարեան,…
Չորեքշաբթի, 21 Յունուար եւ Չորեքշաբթի, 4 Փետրուար 2015-ին, Լսարանական Միութեան պահերուն ընթացքին տեղի ունեցաւ դասախօսութիւն՝ նոր սերունդին մարտահրաւէրներուն եւ թրքական ու հայկական քարոզչական աշխատանքներուն մասին: Դասախօսն էր դպրոցի ուսուցիչ Ճորճ Գրիգորեան: Ան ըսաւ, թէ ի՛նչպէս հայոց ցեղասպանութեան 100 ամեակի սեմին թրքական հակաքարոզչութիւնը հասած է իր գագաթնակէտին: Թուրքերը շատ…
Շաբաթ, 29 Նոյեմբեր 2014-ին, «Տոքթ. Ատրինէ Գարագաշեան» սրահին մէջ տեղի ունեցաւ Լսարանական Միութեան վարչութեան կազմակերպած հայկական եւ լիբանանեան երեկոն: Ճաշակելէ ետք հայկական տոհմիկ ճաշերն ու լիբանանեան յատուկ ուտելիքները, խնճոյքին բացումը կատարուեցաւ հայկական շուրջպարով, որմէ ետք պարային ուրախ մթնոլորտը շարունակուեցաւ լիբանանեան, հայկական թէ օտար երգերու ընկերակցութեամբ: «Քարաոքէ»ի ժամանակ խանդավառութիւնը…
Չորեքշաբթի, 26 Նոյեմբեր 2014-ին Լսարանական Միութեան հիւրն էր «Գալուստ Կիւլպէնկեան» Հիմնարկութեան Արեւմտահայերէնի Տարածման Ծրագիրներու Աւագ Վարիչ Անի Կարմիրեան: Ան աշակերտներուն հետ խօսեցաւ հայերէն լեզուի եւ մանաւանդ արեւմտահայերէնի պահպանման մասին եւ քաջալերեց աշակերտները պատրաստելու հայերէն լեզուի համակարգչային յատուկ ծրագիրներ՝ մանուկներու թէ մեծերու համար: Աշակերտները խանդավառութեամբ մասնակցեցան հայերէն լեզուի ուսուցումը…
Չորեքշաբթի, 12 Նոյեմբեր 2014-ին «Տոքթ. Ատրինէ Գարագաշեան» սրահին մէջ տեղի ունեցաւ Լսարանական Միութեան Ցեղասպանութեան 100 ամեակի յանձնախումբին կազմակերպած առաջին ձեռնարկը՝ նուիրուած Նեմեսիս գործողութեան Լիզպոն զոհուած 5 երիտասարդներուն եւ արդարութեան մարտիկներուն: Գեղամ Հաւաթեանի բացման խօսքի ընթերցումէն ետք Ռիթա Ֆերմանեանն ու Նարօտ Նորամանեանը միասնաբար խօսեցան Նեմեսիս գործողութեան մասին, որ տեղի…
Չորեքշաբթի, 22 Հոկտեմբեր 2014-ին, Լսարանական Միութիւնը գումարեց իր առաջին ընդհանուր ժողովը, որուն ընթացքին ներկայացուեցաւ միութեան միամեայ ծրագիրը, որ կ՚ընդգրկէ հետեւեալները. -Քարոզչական/դաստիարակչական ձեռնարկներ՝ նահատակ ճեմարանականներուն նուիրուած ձեռնարկ, ֆիլմի ցուցադրութիւն (ցեղասպանութեան 100 ամեակին նուիրուած), Ճեմարանի 85 ամեակի նշում, Ցեղասպանութեան 100 ամեակի ոգեկոչման ձեռնարկներ, զարգացման մրցում: -Ընկերային ձեռնարկներ՝ հայկական/լիբանանեան տոհմիկ երեկոյ,…
Ճեմարանի Լսարանական Միութիւնը Չորեքշաբթի, 8 Հոկտեմբեր 2014-ին ընտրեց իր վարչութիւնը հետեւեալ ձեւով. -Ժ. դասարանէն՝ Արզնի Արսլանեան եւ Քրիստ Բրուտեան -ԺԱ. գրականէն՝ Կալի Խիւտավերտեան -ԺԱ. գիտականէն՝ Նարօտ Քեչեպաշեան -ԺԲ. գրականէն՝ Մարիա Մարտիրոսեան -ԺԲ. գիտականէն՝ Արին Աճեմեան Լսարանական Միութեան աշակերտները 15 Հոկտեմբերին ընտրեցին Լսարանական Միութեան նախագահը ներկայութեամբ Պրն. Վաչէ Ծատուրեանի։…
