Հինգշաբթի, 22 Հոկտեմբեր 2015-ին Լսարանական Միութիւնը գումարեց իր առաջին ընդհանուր ժողովը, որուն ընթացքին ներկայացուեցաւ միութեան միամեայ ծրագիրը, որ կ՚ընդգրկէ հետեւեալները. -Քարոզչական/դաստիարակչական ձեռնարկներ՝ Հայաստանի երկրաշարժի զոհերու յիշատակի ոգեկոչում, Հրանդ Տինքի յիշատակի ոգեկոչում, Հայ ժողովուրդի նահատակներու ոգեկոչում, Ճեմարանի 86 ամեակի նշում (նաեւ Ճեմարանի տնօրէններէն Հրաչ Տասնապետեանի մահուան 15 ամեակ), Ցեղասպանութեան ոգեկոչում, հայ գրագէտներու մահուան ամեակներ: -Բնապահպանման ձեռնարկ -Երթեւեկի ապահովութեան ձեռնարկ -Մարզական -Ընկերային ձեռնարկներ՝ Նոր Տարուան խրախճանք, ձիւնագնացութիւն, խորովածի երեկոյ: Լսարանական Միութեան Վարչութիւն