«Այն ո՞վ է ասում Որ Արարատը ձերն է ու ձերը. Անհեթեթ պատրա՜նք. Քարտէսն է ձերը, Քարտէսի վրայ չափած-գծա՜ծը, Իսկ ինքը՝ լե´ռը…» Սորվելէ ետք Սիլվա Կապուտիկեանի «Ընդդիմախօսութիւն» բանաստեղծութիւնը, Երկուշաբթի 20 եւ Հինգշաբթի 22 Հոկտեմբեր 2025-ին, միջնակարգի Թ. դասարանի աշակերտները հայերէնի դասապահուն ներկայացուցին «Հայաստանի խորդանիշները» անունով պատրաստուած խոյզերը, ինչպէս՝ Արարատը,…
Երեքշաբթի, 21 Հոկտեմբեր 2025-ին, ժամը 11:15-ին, Ճեմարանի բոլոր բաժիններու աշակերտները քառորդ ժամ լուռ ընթերցում կատարեցին, ընդառաջելով «Centre National du Livre français»-ի եւ Լիբանանի կրթութեան նախարարութեան կոչին:
Կազմակերպութեամբ ընկերային ծառայութեան գրասենեակին, Երկուշաբթի 13 Հոկտեմբերէն Հինգշաբթի 16 Հոկտեմբեր տեղի ունեցան ուսման կողմնորոշման հանդիպումներ երկրորդական բաժինի ԺԱ. եւ ԺԲ. դասարաններու աշակերտներուն համար: LAU, AUB, USJ եւ Հայկազեան համալսարաններու ներկայացուցիչները այցելեցին Ճեմարան եւ բացատրութիւններ տուին մասնագիտութիւններուն, ընդունման վաւերաթուղթերուն, մուտքի քննութիւններուն եւ կրթանպաստներուն մասին, ապա պատասխանեցին աշակերտներուն լուսաբանական հարցումներուն:
Ուրբաթ, 17 Հոկտեմբեր 2025-ին, Ը. դասարանի աշակերտները հանդիպում մը ունեցան «Առաջին Անձրեւը» դասին հեղինակին՝ Պօղոս Սնապեանի աղջկան՝ Թամար Սնապեան-Սերուժեանի հետ։ Տիկին Թամարը նախ ներկայացուց Պօղոս Սնապեանի կենսագրութիւնը մէջբերելով հեղինակին կեանքէն դրուագներ, ապա նշեց, որ չի բաւեր լա´ւ աշակերտ ըլլալը, նաեւ պէտք է ըլլալ հա´յ աշակերտ, սիրել մայրենին ու…
Աշխարհագրութեան դասապահերու ծիրէն ներս, Ուրբաթ, 17 Հոկտեմբեր 2025-ին , Դ. դասարանի աստղանաւորդները նախ ուսումնասիրեցին միլիառաւոր տարիներ առաջ ստեղծուած Տիեզերքը, Արեգակը եւ անոր ընտանիքին մաս կազմող ութ մոլորակները, ապա աշակերտները ծանօթացան արեգակին նկատմամբ մոլորակներուն դիրքին, ուսումնասիրեցին արեգակնային համակարգը, ուղեծիրը, ինչպէս նաեւ մեր գնդաձեւ կապոյտ մոլորակը՝ Երկիրը, որ աներեւոյթ առանցքի…
Ուրբաթ, 10 Հոկտեմբեր 2025-ին, երկրորդական բաժինի ԺԱ. եւ ԺԲ. դասարաններու աշակերտները ներկայ գտնուեցան Համազգայինի «Գասպար Իփէկեան» թատերախումբի «Մարդը Աթլանթիսէն» թատերախաղի աշակերտական ներկայացումին, որուն դերասաններէն է նաեւ իրենց ուսողութեան ուսուցիչը՝ Խաչիկ-Հրակ Տէմիրճեան: Վարձքը կատա՛ր Խաչիկ-Հրակին:
Ճեմարանի ընկերային ծառայող Արին Սողանճեան երկրորդական բաժինի Ժ. դասարանի աշակերտներուն ներկայացուց այս տարեշրջանի հանրային սպասարկութեան ծրագիրը:
Աշխարհագրութեան դասապահերը ընթացք առին մեծ խանդավառութեամբ: 2025-2026 տարեշրջանի Դ. դասարանի աշակերտները նախ ուղղուեցան դէպի միլիառաւոր տարիներ առաջ ստեղծուած տիեզերքը, ուր կը գտնուին երկնաքարեր, ասուպներ, Արեգակն ու իր ընտանիքը, որ կը կազմուի ութ մոլորակներէ՝ Փայլածու, Արուսեակ, Երկիր, Հրատ, Լուսնթագ, Երեւակ, Ուրանոս, Նեբթոն. եւ ուսումնասիրեցին արեգակնային դրութիւնը։
Համազգայինի Մ. եւ Հ. Արսլանեան Ճեմարանի 2025-2026 տարեշրջանի վերամուտը տեղի ունեցաւ հետեւեալ հանգրուաններով. 16 Սեպտեմբերին երկրորդական բաժինի ԺԱ. եւ ԺԲ. դասարաններու աշակերտները վերադարձան դպրոց: 23 Սեպտեմբերը նախակրթարանի, միջնակարգի եւ Ժ. դասարանի վերամուտն էր, իսկ 24 Սեպտեմբերը՝ տարրական բաժինի Բ. եւ Գ. դասարանի աշակերտներուն: Հինգշաբթի, 25 Սեպտեմբեր 2025-ի առաւօտեան,…
Նշանի լեզուի օրուան առիթով (sign language), Երեքշաբթի, 23 Սեպտեմբեր 2025-ին, աւարտական դասարանէն խումբ մը դասընկերուհիներով շրջեցանք միջնակարգի եւ երկրորդական բաժինի դասարանները ու աշակերտներուն տեղեկացուցինք այս օրուան կարեւորութեան մասին: Ապա մեր դասընկերուհին՝ Լիզան, պատմելէ ետք իր փորձառութիւնը IRAP հաստատութենէն ներս, աշակերտներուն նշանի լեզուով մաղթեց «Բարի Վերամուտ»:
Ուրախ ենք յայտարարելու, որ այս վերամուտը կը սկսինք նոր տեղադրուած արեւային վահանակներով։ Տէր եւ Տիկին Յակոբ եւ Սոնիա Գուճաքեաններու նուիրատուութեամբ` Ճեմարանի մայր շէնքը, իսկ Տէր եւ Տիկին Վահան եւ Նորա Պզտիկեաններու նուիրատուութեամբ՝ Ճեմարանի ՀՕՄ-ի Նորսիկեան մանկապարտէզի շէնքը օժտուեցան արեւային վահանակներով։ Այս աշխատանքը իրականացնելու համար վերանորոգուեցան նաեւ ելեկտրականութեան մայր…
Ուրբաթ, 12 Սեպտեմբեր 2025-ին տեղի ունեցաւ Համազգայինի Մ. եւ Հ. Արսլանեան Ճեմարանի անձնակազմի վերամուտի հաւաքը, «Պոլեան» սրահին մէջ: Ճեմարանի տնօրէն Փաուլա Եղիայեան ներկայացնելէ ետք անցնող տարեշրջանին ընթացքին կատարուած գլխաւոր աշխատանքներն ու իրագործումները, մանրամասնօրէն անդրադարձաւ 2025-2026 տարեշրջանին վերաբերող փոփոխութիւններուն եւ նորութիւններուն: Ան ողջունեց դպրոցի անձնակազմին միացած ուսուցիչները եւ փոխանցեց…
