Հոկտեմբեր ամսուն, մեկնելով «Մաման կը կարէ» դասէն, Նորսիկեան մանկապարտէզի կանաչ դասարաններու աշակերտները այցելեցին Պայթարեան հաստատութիւն։ Աշակերտները շրջեցան հաստատութեան զանազան յարկերը, դիտեցին կարի գործիքները եւ ծանօթացան դերձակին աշխատանքի զանազան հանգրուաններուն։ Այցելութեան աւարտին, տեղի ունեցաւ հիւրասիրութիւն գործարանի բակին մէջ։
Երեքշաբթի, 28 Հոկտեմբեր 2015-ին, ժամը 1:30-ին, տարրական բաժինի աշակերտները «Տոքթ. Ատրինէ Գարագաշեան» սրահին մէջ նշեցին թարգմանչաց տօնը: Առաջին, երկրորդ եւ երրորդ դասարաններու աշակերտները երգեր ու արտասանութիւններ նուիրեցին Մեսրոպ Մաշտոցին եւ թարգմանիչներու սերունդին: Ձեռնարկի աւարտին, ուրախ մթնոլորտը շարունակուեցաւ Սեպտեմբեր եւ Հոկտեմբեր ամիսներուն ծնած աշակերտներուն տարեդարձներու նշումով:
Երեքշաբթի, 27 Հոկտեմբեր 2015-ին, տարրական բաժինի Ա. դասարաններու աշակերտները ուղղուեցան դէպի Համազգայինի տպարան։ Անոնք հետաքրքրութեամբ ու հաճոյքով դիտեցին տպարանի գործիքները եւ մօտէն հետեւեցան տպագրական աշխատանքի ընթացքին։ Աշակերտները տպարանէն ուղղուեցան Կաթողիկոսարան, ուր դիտեցին հայերէն հրատարակութիւններ: Անոնք գնեցին զիրենք հետաքրքրող գիրքեր: Շնորհակալութիւն Համազգայինի «Վահէ Սէթեան» տպարանի տնօրէնութեան եւ Կաթողիկոսարանին, որ…
Հոկտեմբեր ամսուն մանկապարտէզի կանաչ դասարաններու աշակերտները իրենց ուսուցիչներուն ընկերակցութեամբ այցելեցին «Մուաաուատ» գրախանութը՝ ամրապնդելու համար գրախանութի վերաբերեալ իրենց գիտելիքներն ու բառամթերքը։ Անոնք շրջեցան գրախանութին զանազան բաժինները եւ դիտեցին գրենական պիտոյքները։ Այցելութեան աւարտին, աշակերտները նուէրներ ստացան գրախանութէն:
24 հոկտեմբեր 2015-ին Հրակ Լախեան պիտի մեկնի Յունաստանի Խալքիտիքի շրջանը` մասնակցելու ճատրակի աշխարհի տարիքային ախոյեանութեան: Հրակը պիտի ներկայացնէ Լիբանանը: Ան 11 տարեկան է, կը յաճախէ Համազգայինի Մելանքթոն եւ Հայկ Արսլանեան ճեմարան: Ան սկսած է ճատրակ խաղալ 7 տարեկանին: Երկու անգամ եղած է Լիբանանի ախոյեան, իսկ վերջին երկու տարիներուն…
Կազմակերպութեամբ ընկերային ծառայութեան գրասենեակին, Երեքշաբթի, 20 Հոկտեմբեր 2015-ին, N. D. U. համալսարանի ընդունման գրասենեակէն Գարլա Սֆէյր ԺԲ. դասարանի աշակերտներուն հակիրճ ձեւով ներկայացուց համալսարանի տարբեր մասնագիտութիւնները եւ ընդունման պայմանները: Ան քաջալերեց աշակերտները ընտրելու ժամանակակից մասնագիտութիւններ, որպէսզի նորութիւններ բերուին գործի բոլոր դաշտերուն մէջ:
Ուրբաթ, 16 Հոկտեմբեր 2015-ին, տարրական բաժինի երկրորդ դասարանի աշակերտները գացին «Պաապտա» անտառ (Baabda forest): Անոնք ծանօթացան անտառի պահպանութեան օրէնքներուն, կածաններու եւ այլազան ծառերու: Աշակերտները մեծ հետաքրքրութեամբ ճեմեցին անտառին մէջ, բոյսեր (անանուխ կամ ալոա) ցանեցին հետեւելով մասնագիտական բացատրութիւններու: Այս օգտաշատ պտոյտէն ետք աշակերտները վերադարձան դպրոց իրենց հետ ունենալով իրենց…
Հինգշաբթի, 15 Հոկտեմբեր 2015-ին, A. U. S. T. համալսարանի ընդունման գրասենեակի ներկայացուցիչը ԺԲ. դասարանի աշակերտներուն խօսեցաւ համալսարանին մասին: Ան շեշտեց իւրաքանչիւր աշակերտի նախասիրած մասնագիտութեան ընտրութեան կարեւորութիւնը, որովհետեւ անիկա հետագային իրենց կեանքի ասպարէզը պիտի ըլլայ:
Մ. եւ Հ. Արսլանեան Ճեմարանի 2015-2016 տարեշրջանի վերամուտը տեղի ունեցաւ հետեւեալ հանգրուաններով. Սեպտեմբեր 15-ին երկրորդական բաժինի, ինչպէս նաեւ միջնակարգի Թ. դասարանի աշակերտները արդէն իսկ վերադարձան դպրոց: Սեպտեմբեր 22-ին ամբողջացաւ միջնակարգի վերամուտը: Երեքշաբթի, 29 Սեպտեմբերը վերամուտն էր տարրական բաժինի Բ. եւ Գ. դասարանի ու նախակրթարանի աշակերտներուն: Չորեքշաբթի 30 Սեպտեմբերին,…
Երկուշաբթի, 28 Սեպտեմբեր 2015-ին Ա. դասարանի աշակերտները դպրոց եկան իրենց ծնողներուն հետ: Աշակերտները երգեցին, զուարճացան եւ «մնաք բարով» ըսին մանկապարտէզի իրենց ուսուցչուհիներուն: Անոնք ծանօթացան նաեւ տարրական բաժինի ուսուցիչներուն, դպրոցի կառոյցին, եւայլն: Ծնողները ծանօթացան տարրական բաժինի օրէնքներուն: Հիւրասիրութենէ եւ հաճելի ժամանցէ ետք, աշակերտները տուն գացին, Չորեքշաբթի, 30 Սեպտեմբերին դպրոց…
Հովանաւորութեամբ «Գալուստ Կիւլպենկեան» հիմնադրամին, կազմակերպութեամբ «Ուիքիմետիա Հայաստան» հասարակական կազմակերպութեան, 3 -էն 12 Օգոստոս 2015 տեղի ունեցաւ «Ուիքի» ճամբարը, Զմմառի «Հայր Շելհուպ» կեդրոնին մէջ: Ճեմարանի երկրորդական բաժինէն չորս աշակերտներ՝ Արին Թաշճեան, Բալիկ Ծատուրեան, Յակոբ Թաշճեան եւ Նազօ Քէշիշեան, մասնակցեցան այս նախաձեռնութեան եւ լիբանանահայ այլ վարժարաններէ եկած աշակերտներու կողքին` ընկերակցութեամբ…
Երեքշաբթի, 7 Յուլիս 2015-ի երեկոյեան ժամը 7:00-ին Համազգայինի Մ. եւ Հ. Արսլանեան Ճեմարանի «Տոքթ. Ատրինէ Գարագաշեան» մարզամշակութային սրահին մէջ, ծնողներուն, շրջանաւարտներուն, դպրոցի բարեկամներուն, անձնակազմին, տնօրէնութեան, խնամակալութեան ու Համազգայինի Կեդրոնական Վարչութեան ներկայութեան տեղի ունեցաւ ԺԲ. աւարտական դասարանի վկայականներու բաշխման հանդիսութիւնը։ Լիբանանի եւ Հայաստանի քայլերգներու ունկնդրութենէն ետք, հանդէսը սկսաւ Ժ….
