Հինգշաբթի, 14 Մայիս 2015-ին ժողովրդային տարբեր գործիքներ նուագող հայրենի երիտասարդ երաժիշտներ, որոնք Լիբանան կը գտնուին մասնակցելու Համազգայինի «Այգ» երիտասարդական երգչախումբին տալիք ելոյթին, այցելեցին Ճեմարան: Ծանօթանալէ ետք դպրոցի զանազան բաժիններուն, անոնք վերջին պահուն «Տոքթ. Ատրինէ Գարագաշեան» սրահին մէջ, աշակերտներուն ներկայացուցին իրենց գործիքները եւ նուագեցին շարք մը հայկական աշուղական եւ…
Կիրակի, 10 Մայիս 2015-ին տեղի ունեցաւ Լիբանանի դպրոցներու «gymnastique»-ի ախոյեանութիւնը: Ճեմարանի տարրական բաժինի Բ. դասարանի աշակերտուհի Նարօտ Կիւրիւնլեան հանդիսացաւ 2007-2008-ի ծնունդներու ախոյեան, իսկ Գ. Դասարանէն Քրիստ Պարսումեան երկրորդ հանդիսացաւ 2005-2006 ծնունդներու: Կը շնորհաւորենք Նարօտն ու Քրիստը եւ նորանոր նուաճումներ կը մաղթենք իրենց:
Չորեքշաբթի, 6 Մայիս 2015-ին, միջնակարգի Թ. դասարաններու աշակերտներուն դպրոցական տարեշրջանը աւարտեցաւ։ Կէսօրուան ժամը 1։00-ին, աշակերտները իրենց ուսուցիչներուն ընկերակցութեամբ այցելեցին Նորսիկեան մանկապարտէզի պարտէզը, ուր միասնաբար ճաշեցին եւ Արիանէ Թասլաքեանին հրաժեշտի կարկանդակը հատեցին: Արիանէն շուտով կը գաղթէ Լիբանանէն. յաջողութիւն կը մաղթենք իրեն: Հաճելի ժամ մը անցընելէ ետք, աշակերտները մեկնեցան դպրոցէն՝…
Երեքշաբթի, 5 Մայիս 2015-ին, մանկապարտէզի վարդագոյն դասարանի աշակերտները իրենց ուսուցչուհիներուն ընկերակցութեամբ հաճելի ժամեր անցուցին «Living Colors» խաղավայրին մէջ։ Անոնք միասին խաղալէ ու զուարճանալէ ետք, շատ ուրախ, բայց նոյն ատեն յոգնած վերադարձան դպրոց։
Հինգշաբթի, 30 Ապրիլ 2015-ին Ճեմարանի բոլոր բաժիններուն մէջ տեղի ունեցան հայկական մշակութային միջոցառումներ: Մանկամսուրի փոքրիկները ձեռային աշխատանքով նուռ պատրաստեցին եւ ծանօթացան պտուղին: Մանկապարտէզի փոքրիկները ծանօթացան հայկական գործիքներու, ձեռագործի, հայկական ճաշի պատրաստութեան եւ Թումանեանի պատմութիւններուն: Անոնք պատի թերթի աշխատանք կատարեցին, տեսերիզ դիտեցին եւ հայկական ճաշ կերան: Տարրական բաժինի աշակերտները…
Հինգշաբթի, 23 Ապրիլ 2015-ի առաւօտեան, Դ.էն ԺԲ. կարգերու աշակերտները հաւաքուեցան «Տոքթ. Ատրինէ Գարագաշեան» սրահ, ուր տեղի ունեցաւ ցեղասպանութեան 100 ամեակին նուիրուած գեղարուեստական յայտագիր մը, որ կ’ընդգրկէր ասմունք, մեներգ, նուագ ու պար: Դպրոցի տնօրէն Տիգրան Ճինպաշեանի պատգամէն ետք, աշակերտները իրենց ուսուցիչներուն ու պատասխանատուներուն ընկերակցութեամբ քալեցին մինչեւ Մայրավանք՝ Ս. Ստեփանոսի…
Կազմակերպութեամբ ընկերային ծառայութեան գրասենեակին, տեղի ունեցաւ դասախօսութիւն մը՝ ԺԲ. դասարանի աշակերտներուն, որոնց դասերը կը դադրին 20 Ապրիլին, որպէսզի անոնք պատրաստուին պետական քննութիւններուն: Ընկերային ծառայող Սիլվա Քիւրքճեան ներկայացուց դասախօսը՝ Տոքթ. Իշխան Եղիայեանը, որ անդրադարձաւ երիտասարդի մը կեանքին ընթացքին տալիք կարեւոր որոշումներուն: Այս անկիւնադարձային հանգրուանին է, որ երիտասարդը դժուարութեան մէջ…
Երեքշաբթի, 31 Մարտ 2015-ի առաւօտեան Ճեմարանի ԺԱ. Դասարանի 33 աշակերտները այցելեցին Զուարթնոց կեդրոն՝ ընկերակցութեամբ դպրոցի ընկերային ծառայող Սիլվա Քիւրքճեանի։ Աշակերտները մեծ անձկութեամբ կը սպասէին այս օրուան, երբ անոնք քանի մը ժամ պիտի անցընէին իրենցմէ տարբեր աշակերտներու հետ, պիտի փորձէին զգալ անոնց հետ եւ յարգանք ու սէր ցուցաբերէին անոնց…
Հինգշաբթի, 26 Մարտ 2015-ի երեկոյեան ժամը 7:30-ին, Չալեան սրահէն ներս, տեղի ունեցաւ «Մեր զաւակները եւ մենք՝ մերօրեայ մարտահրաւէրներուն դիմաց» նիւթով դասախօսութիւն-զրոյց մը՝ ներկայութեամբ միջնակարգի եւ երկրորդականի աշակերտներուն ծնողներուն: Ճեմարանի տնօրէն Տիգրան Ճինպաշեանի բացման խօսքէն ետք, օրուան նիւթերը ներկայացուցին Նաթալի Այվազեան (դպրոցական հոգեբան), Շաղիկ Խիւտավերտեան (Հայկազեան համալսարանի դասախօս), եւ…
Չորեքշաբթի, 1 Ապրիլ 2015-ին, Նորսիկեան մանկարպարտէզի աշակերտները եւ մանկամսուրի փոքրիկները տօնեցին Ս. Զատիկը իրենց ծնողներուն ներկայութեամբ: Փոքրիկները մեծ խանդավառութեամբ դիմաւորեցին օրուան հիւրերը՝ Նապաստակը, Աքլորն ու Ծաղրածուն, երգեցին ու պարեցին անոնց ընկերակցութեամբ, ապա բոլորը ուղղուեցան պարտէզ, ուր տեղի ունեցաւ հաւկթախաղը: Փոքրիկները սեղաններու շուրջ բոլորուած հաւկիթ խաղացին եւ կերան իրենց…
Մ. Եւ Հ. Արսլանեան Ճեմարանի աշակերտական պատուիրակութիւնները այս տարի եւս մասնակցեցան Model United Nations (MUN) ծրագրին, որ յաջորդաբար 10-րդ տարին ըլլալով կը կայանայ՝ հովանաւորութեամբ Լիբանան-Ամերիկեան Համալսարանին (LAU): Երկրորդական բաժինէն 16 աշակերտներ մասնակցեցան ծրագրով նախատեսուած վարժողական հանդիպումներուն, որոնք երկարեցան 5 շաբաթներու վրայ: Այդ հանդիպումներուն, աշակերտները խորացուցին իրենց գիտելիքները Միացեալ…
Երկուշաբթի, 30 Մարտ 2015-ին, նախակրթարանի եւ միջնակարգի Է. դասարանի աշակերտները իրենց ուսուցիչներուն ընկերակցութեամբ ուղղուեցան դէպի Այնթուրայի Սէն Ժոզէֆ վարժարանին մէջ գտնուող հայ որբերու գերեզմանը, ուր յիշատակի ու յարգանքի խօսքեր կարդացին Է. դասարանէն Ռուբէն Խաչատուրեան՝ ֆրանսերէն լեզուով, իսկ Նարօտ Խաչատուր՝ հայերէն: Ան ըսաւ.«Հայոց ցեղասպանութեան ընթացքին հայ մանուկները ենթարկուեցան հրէշային…
