Երկուշաբթի, 10 Ապրիլ 2017-ի առաւօտեան Ճեմարանի ԺԱ. դասարանի աշակերտները այցելեցին Զուարթնոց կեդրոն՝ ընկերակցութեամբ դպրոցի ընկերային ծառայող Սիլվա Քիւրքճեանի։ Աշակերտները ջերմ ու հարազատ մթնոլորտի մէջ միասնաբար Զատիկ տօնեցին: Տեղի ունեցաւ գեղարուեստական յայտագիր, որուն մասնակցեցան Ճեմարանի աշակերտները խմբային պարով եւ նուագով, իսկ Զուարթնոցի աշակերտները՝ թատերական ներկայացումով: Այնուհետեւ տիրեց խնճոյքի մթնոլորտ,…
Երկուշաբթի, 10 Ապրիլ 2017-ին, Հայր Նշան հիւրաբար ներկայ գտնուեցաւ տարրական բաժինէն ներս՝ Ծաղկազարդի եւ Զատկուան խորհուրդը փոխանցելու համար Գ. դասարաններու աշակերտներուն: Շնորհակալութիւն Հայր Նշանին: Բարի Ծաղկազարդ եւ բարի Զատիկ բոլորին:
Երկուշաբթի, 10 Ապրիլ 2017-ի երեկոյեան Ճեմարանի բացօթեայ խաղավայրին մէջ, տեղի ունեցաւ աւարտական դասարանի աշակերտներուն կազմակերպած հրաժեշտի ընթրիք-խրախճանքը՝ տնօրէնութեան, պաշտօնէութեան եւ ուսուցիչներու ներկայութեամբ ։ Երեքշաբթի, 11 Ապրիլի առաւօտեան աշակերտները հաւաքուեցան դպրոցի մուտքին եւ կանչերով ու երգերով դիմաւորեցին աշակերտութիւնն ու անձնակազմը։ Նորսիկեան մանկապարտէզի փոքրիկներուն հրաժեշտ տալէ ետք, աւարտականները մեկնեցան դէպի…
Ուրբաթ, 7 Ապրիլ 2017-ին, «The Villa» սրահին մէջ, տեղի ունեցաւ Համազգայինի Մ. Եւ Հ. Արսլանեան Ճեմարանի տարեկան ճաշկերոյթը՝ նախագահութեամբ Տէր եւ Տիկին Յովիկ եւ Մարալ Քիւրքճեաններուն, ներկայութեամբ՝ Հայաստանի հանրապետութեան դեսպան Սամուէլ Մկրտչեանին, Այնճարի եւ Պուրճ Համուտի քաղաքապետներուն, մարմիններու եւ միութիւններու ներկայացուցիչներու, հիւրերու, ծնողներու, ուսուցիչներու եւ ճեմարանականներու: Ճաշկերոյթի հաղորդավարներն…
Ուրբաթ, 7 Ապրիլ 2017-ին, Ժ. դասարաններու աշակերտները այցելեցին ԼՕԽ-ի ԱՊԸԲ կեդրոն, մօտէն ծանօթանալու կեդրոնի բաժանմունքներուն, Շրջանային վարչութեան, յանձնախումբերու եւ մասնաճիւղերու աշխատանքներուն: Աշակերտները մեծ հետաքրքրութեամբ հետեւեցան տրուած բացատրութիւններուն, դիտեցին տեսերիզ մը, ապա շրջեցան կեդրոնի տարբեր բաժանմունքները:
Ժ. դասարանի աշակերտներս «Զարդարենք վերամշակումով» մրցանքին իբրեւ յաղթականներ շահեցանք պտոյտ մը դէպի Լիբանանի տեսարժան վայրեր, Երեքշաբթի, 4 Ապրիլ 2017-ին: Շատ խանդավառ էինք: Ճոխ մթնոլորտը սկսաւ հանրաշարժին մէջէն՝ թմբուկով, երգով ու պարով: Հասանք Լիբանանի ամենաբարձր դիրքի վրայ գտնուող գիւղը՝ Պքաաքաֆրա: Զուտ լիբանանեան ճարտարապետութեամբ հին տնակներու եւ թաղերու մէջէն անցնելով…
Ուրբաթ, 31 Մարտ 2017-ին, մանկապարտէզի կապոյտ դասարաններու աշակերտները իրենց ուսուցիչներուն ընկերակցութեամբ այցելեցին հրշէջներու կեդրոն, Պուրճ Համուտ։ Աշակերտները դիտեցին հրշէջին տարազն ու ինքնաշարժը եւ ստացան համապատասխան բացատրութիւններ: Անոնք դիտեցին նաեւ շտապ օգնութեան հիւանդատար մեքենան եւ սորվեցան, թէ ի՛նչպէս կը տեղափոխեն հիւանդը: Աշակերտները սորվեցան հրշէջի գործին կարեւորութիւնը: Անոնք ամրապնդեցին իրենց…
Համազգայինի գեղարուեստի դպրոցներէն «Թորոս Ռոսլին» կերպարուեստի դպրոցին կազմակերպութեամբ, տեղի ունեցաւ միջդպրոցական գծագրութեան մրցում «Լեւոն Շանթ» կեդրոնին մէջ, Պուրճ Համուտ, Շաբաթ, 25 Մարտ 2017-ին: Այս մրցանքին մասնակցեցան Ճեմարանի աշակերտներէն՝ Քրիսթինա Քիլիսեան (Գ. դասարան), Գորիս Թաշճեան (Դ. դասարան) եւ Զ. դասարանէն Գալին Գիլեճեան, որ երկրորդ հանդիսացաւ: Կը շնորհաւորենք Գալինը:
Հինգշաբթի, 30 Մարտ 2017-ին, հայերէն լեզուի դասանիւթի ծիրէն ներս, Դ. դասարաններու աշակերտները իրենց ուսուցիչներուն ընկերակցութեամբ այցելեցին Մեծի Տանն Կիլիկիոյ կաթողիկոսութեան Անթիլիասի Մայրավանք։ Այցելութեան նպատակն էր կրօնագիտական եզրերու ծանօթացումը։ Հայր Նշան աշակերտներուն ներկայացուց եկեղեցւոյ զանազան բաժինները (գաւիթ, ատեան, դաս, բեմ, մկրտութեան սենեակ, աւանդատուն…) եւ եկեղեցական իրերը։ Հայր Նշան բացատրեց…
Երկուշաբթի, 27 Մարտ 2017-ին, Ճեմարան այցելեց քառօրեայ պատերազմի նահատակ Նորայր Հաջեանի հայրը` լրագրող-հրապարակախօս Միքայէլ Հաջեանը: Հաջեան հանդիպում ունեցաւ Ճեմարանի տնօրէնութեան, ապա երկրորդական բաժինի 11-րդ եւ 12-րդ դասարաններու աշակերտութեան հետ: Քրիստ Բրուտեանի բացման խօսքէն ետք, խօսք առաւ Միքայէլ Հաջեան եւ բարձր գնահատեց հայեցի դաստիարակութեան համար ի գործ դրուող ջանքերը…
Երկուշաբթի, 27 Մարտ 2017-ին, Ճեմարան այցելեց Երեւանի Տիկնիկային թատրոնի գեղարուեստական ղեկավար եւ տնօրէն, Երեւանի թատրոնի եւ շարժապատկերի պետական հիմնարկի «Դերասանի վարպետութեան եւ բեմադրութեան» ամպիոնի վարիչ փրոֆ. Ռուբէն Բաբայեան: Ան տնօրէնութեան հետ հանդիպումէ մը ետք, շրջեցաւ դպրոցէն ներս եւ դիտեց զբօսանքին տեղի ունեցած աշակերտական կարճ բայց տպաւորիչ ներկայացումները: Աւարտական դասարանի…
30 Մարտ-էն 2 Ապրիլ 2017-ի շաբաթավերջին, Ճեմարանը մասնակցեցաւ Պէյրութի ամերիկեան համալսարանի (American University of Beirut) եւ ֆրանսական համալսարանի (Université Saint-Joseph) կազմակերպած գիտութեան, թուաբանութեան եւ արհեստագիտութեան ցուցահանդէսներուն (SMEC Science Fair – Foire des sciences): Գիտութեան ցուցահանդէսները այն վայրն են, ուր աշակերտները գիտական փորձեր կը կիրարկեն՝ իրենց հետախուզութեան պատասխանները գտնելու…
