Առաջին կիսամեակի աւարտին նախակրթարանի Ե. դասարանի աշակերտները արդէն իսկ ծանօթ էին Լիբանանի հողային տարածքին եւ անոր բոլոր մուհաֆազաներուն ու քատաներուն (Մարզերուն եւ անոնց վարչական բաժանումներուն): Անոնք կատարեցին փոքրիկ խոյզ մը Լիբանանի այն շրջանին մասին որուն անունը քաշած էին վիճակահանութեամբ: Այդ խոյզին մէջ պէտք էր յիշէին, թէ այդ շրջանը…
Երկուշաբթի, 12 Փետրուար 2024-ին, ընկերային կազմաւորման ծրագրի ծիրէն ներս, Ճեմարանի շրջանաւարտ հոգեբան Քրիսթէլ Աճեմեան տարրական բաժինի Բ. եւ Գ. դասարաններու աշակերտներուն խօսեցաւ յարգանքի ու սիրոյ մասին, ընկերներու հետ լաւ եւ գէշ վարուելակերպին ու հետեւանքներուն մասին: Ապա աշակերտները կատարեցին նիւթին վերաբերող աշխատանք մը:
Շնորհաւոր Բարեկենդան, բարով հասնինք սուրբ Յարութեան: Բարեկենդան կը նշանակէ բարի կեանք, երջանիկ կեանք: Եկեղեցական իմաստով Մեծ պահքին նախորդող կիրակին կը կոչուի Բուն Բարեկենդան: Այդ օրը առատ կերուխում տեղի կ’ունենայ: Հայերը Բարեկենդանը կը տօնէին հայկական բոլոր գաւառներուն մէջ զանազան ձեւերով: Փակեալ խորանին օրը մամիկը առաստաղէն կը կախէր պահքի տիկնիկը՝…
Չորեքշաբթի, 7 Փետրուար 2024-ին, հայերէնի լեզուի դասանիւթի ծիրէն ներս, Ճեմարան այցելեց Հայր Վիգէն Տալգլըճեան եւ նախակրթարանի Դ. դասարաններու աշակերտներուն ներկայացուց Վարդանանց հերոսամարտի ու Բուն Բարեկենդանի խորհուրդները: Աշակերտները մեծ հետաքրքրութեամբ հետեւեցան բացատրութիւններուն եւ նոր գիտելիքներ ամբարած խոստացան մնալ հայրենասէր ու տէր դառնալ իրենց կտակուած ժառանգին:
Չորեքշաբթի, 7 Փետրուար 2024-ին, տարրական բաժինի աշակերտները նշեցին Վարդանանց տօնը եւ Բարեկենդանը։
Չորեքշաբթի, 7 Փետրուար 2024-ին, երգով ու պարով, գոյն-գոյն հագուստներով, Նորսիկեան մանկապարտէզի փոքրիկները նշեցին Բարեկենդանը։
Մանկապարտէզի փոքրիկները կը նշեն Վարդանանց տօնը:
Նախակրթարանի Դ. դասարաններու աշակերտները արաբերէնի դասապահուն խօսեցան իրենց նախասիրած արտադպրոցական աշխատանքներուն մասին, ոմանք փափաքեցան նաեւ ներկայացնել զանոնք իրենց դասընկերներուն։
Ուրբաթ, 2 Փետրուար 2024-ին, ընկերային կազմաւորման ծրագրի ծիրէն ներս, ընկերային ծառայողը նախակրթարանի Դ. դասարանի աշակերտներուն հետ բնապահպանման մասին աշխատանք մը կատարեց: Աշակերտները վերամշակման ու աղբերը նուազեցնելու մասին սորվեցան երեք տարբերակներ՝ «reuse, reduce, recycle»:
Ընկերային կազմաւորման ծրագրի ծիրէն ներս, Երեքշաբթի 23 եւ Չորեքշաբթի 24 Յունուար 2024-ին, Ճեմարանի մանկապարտիզպանուհի Թալին Եահնիեան տարրական բաժինի Ա. եւ Բ. դասարանի աշակերտներուն խօսեցաւ ընկերասիրութեան կարեւորութեան մասին, անդրադառնալով հետեւեալ կէտերուն՝ ի՛նչ բան կը սիրենք մեր ընկերներուն մէջ, ընկերներու տարբեր նախասիրութիւնները եւ կարողութիւնները, ընկերները ընդունիլ, յարգել եւ սիրել:
Հինգշաբթի, 25 Յունուար 2024-ին, մանկապարտէզի կապոյտ դասարաններու փոքրիկները այցելեցին Մթայլէպի «Spinneys» հանրախանութը՝ նախաճաշի սննդական նիւթեր գնելու համար: «Spinneys»-ի անձնակազմը փոքրիկներուն համար պատրաստած էր հիւրասիրութիւն՝ կրկնեփուկեւ հիւթ: Ուրբաթ առաւօտեան, նախաճաշի պահուն, աշակերտները մեծ ուրախութեամբ ճաշակեցին իրենց գնած սննդարար ուտելիքները:
Նախնական դարաշրջանին մարդը իր միտքը գծագրութիւններով արձանագրած է ժայռերու վրայ , քարայրներու մէջ: Գրելու արուեստը անցած է զանազան փուլերէ: Մարդիկ արձանագրութիւններ կատարած են սալիկի, պապիրոսի, մագաղաթի վրայ մինչեւ թուղթի գիւտը՝ Ա. դար: Հայերէնի դասապահուն, «Գրելու արուեստը» բնաբանի ծիրէն ներս, նախակրթարանի Դ. դասարանի աշակերտները ստացան գիտական եւ պատմական տեղեկութիւններ…
