Չորեքշաբթի, 13 Ապրիլ 2016-ին, նախակրթարանի Դ. դասարանի աշակերտները այցելեցին «Les merveilles de la mer» ծովային անասուններու թանգարանը (Ժտէյտի) եւ ծանօթացան հոն ցուցադրուած ողնաւոր եւ անողն անասուններու տեղափոխուելու, պաշտպանուելու, սնուելու եւ բեղմնաւորուելու ձեւերուն: Աշակերտները դիտեցին այս նիւթով տեսերիզ մը, հետեւեցան բացատրութեան, պատասխանեցին հարցումներուն, ապա շրջեցան թանգարանին մէջ գոհացում տալով…
Ուրբաթ, 8 Ապրիլ 2016-ին մանկապարտէզի կապոյտ դասարանի աշակերտները այցելեցին Նահր Քելպի կենդանաբանական պարտէզը, ուր դիտեցին անասունները եւ ստացան իւրաքանչիւր անասունի համապատասխան բացատրութիւններ։ Փոքրիկները շոյեցին ու գրկեցին օձն ու կրիան, ուլիկն ու ուղտը: Անոնք հաճելի ժամանակ անցուցին եւ ուրախ ու խանդավառ վերադարձան դպրոց։
Շաբաթ, 9 Ապրիլ 2016-ի առաւօտուն, ԺԱ. դասարանի (գրական բաժին) աշակերտները Մայրավանք այցելեցին, իրենց մատենագրութեան, գրաբարի եւ եկեղեցագիտութեան ուսուցիչ՝ Գերպ. Տ. Յուսիկ Ծ. Վրդ. Մարտիրոսեանի հրաւէրով։ Աշակերտները Մայրավանքին ներս ծանօթացան Կաթողիկոսարանի գործունէութեան, ինչպէս նաեւ այցելեցին Մայր Տաճար, Նահատակաց Մատուռ, Միաբանական Դամբարան եւ «Կիլիկիա» Թանգարան։ Կաթողիկոսարանի ծանօթացումէն ետք, Ն.Ս.Օ.Տ.Տ. Արամ…
Զատկուան արձակուրդէն ետք, Երեքշաբթի, 5 Ապրիլ 2016-ին, Ճեմարանի վերամուտը արտասովոր եղաւ: Շաբաթավերջին Արցախի մէջ տիրող պատերազմական գործողութիւններէն ետք, աշակերտ թէ ուսուցիչ «ի՛նչ կարելի է ընել»ու տրամադրութեամբ վերադարձաւ դպրոց: Լիբանանի Պատանեկան Միութեան կոչերը ստանալէ եւ ընթերցելէ ետք, աշակերտները բարձրացան դասարան: Ուսուցիչներուն հետ խորհրդակցելէ եւ համապատասխան ցուցմունքներ ստանալէ ետք, անոնք…
Մ. Եւ Հ. Արսլանեան Ճեմարանի աշակերտական պատուիրակութիւն մը այս տարի եւս մասնակցեցաւ Լիբանան-Ամերիկեան Համալսարանի (LAU) նախաձեռնած Model United Nations (MUN) ծրագրին: Այս ծրագրի գործնականացման հանդիպումներուն, աշակերտները խորացուցին իրենց գիտելիքները Միացեալ Ազգերու Կազմակերպութեան (ՄԱԿ) մասին, անոնք սորվեցան քաղաքացիական պատասխանատուութիւն ստանձնել, սորվեցան տագնապներու խաղաղ լուծման ուղղուած բանակցութիւններ վարելու, երկիրներու դիւանագիտական…
Չորեքշաբթի, 23 Մարտ 2016-ին, Աւագ շաբթուան նախօրեակին, հայերէն լեզուի դասանիւթի ծիրէն ներս, Դ. դասարաններու աշակերտները իրենց ուսուցիչներուն ընկերակցութեամբ այցելեցին Մեծի Տանն Կիլիկիոյ կաթողիկոսութեան Անթիլիասի Մայրավանք։ Այցելութեան նպատակն էր կրօնագիտական եզրերու ծանօթացումը։ Հայր Սիփան աշակերտները ծանօթացուց եկեղեցւոյ զանազան բաժիններուն եւ եկեղեցական իրերուն։ Դպրոց վերադառնալէ ետք տեղի ունեցաւ հաւկթախաղ եւ…
Մանուկներու միջազգային օրուան առիթով ԼՕԽ-ի Շրջանային վարչութեան քարոզչական յանձնախումբի նախաձեռնութեամբ, «Ազատօրէն արտայայտուինք ԼՕԽ-ի պաստառին վրայ» թեմայի ներքեւ հայկական վարժարաններու աշակերտութիւնը առիթը ունեցաւ գծագրութիւններով եւ կարճ նախադասութիւններով արտայայտուելու ԼՕԽ-ի կողմէ պատրաստուած պաստառներու վրայ: Այս առիթով Ճեմարան ուղարկուած յատուկ պաստառին վրայ առաջին դասարանէն իններորդ դասարանի աշակերտները յայտնեցին իրենց միտքերը, զգացումներն…
Չորեքշաբթի, 16 Մարտ 2016-ին երկրորդականի աշակերտները ՀԲԸՄ-ի «Տեմիրճեան» կեդրոնին մէջ ներկայ գտնուեցան Հայաստանի ամերիկեան համալսարանին եւ անոր կրթական դրութեան ծանօթացման աշակերտական հանդիպումին: ՀԲԸՄ-ի անունով Անիթա Լիպիար ողջունեց ներկաները եւ բացատրեց հանդիպումին նպատակը: Ապա ան բեմ հրաւիրեց Հայաստանի ամերիկեան համալսարանի նախագահը: Դոկտ. Արմէն Տէր Կիւրեղեան նշեց, որ երկու տարիէ…
Երեքշաբթի, 14 Մարտ 2016-ին երկրորդական բաժինի ԺԱ. եւ ԺԲ. դասարաններու աշակերտները ներկայ գտնուեցան Լեռնային Ղարաբաղի Հանրապետութեան վարչապետ Արա Յարութիւնեանի հետ աշակերտական հանդիպումին՝ Հայկազեան համալսարանի մէջ: Վարչապետը կոչ ուղղեց լիբանանահայ երիտասարդութեան այցելելու Արցախ եւ շէնցնելու ու զարգացնելու հայրենի հողամասը մարդուժով թէ տնտեսական հզօրանքով: Ան յայտնեց, որ այսօր Արցախի բնակչութիւնը…
Մանկամսուրի փոքրիկները պատրաստեցին գարնան ձեռային աշխատանք մը: Անոնք ծանօթացան պարտիզպանին գործիքներուն եւ լոլիկ ցանեցին:
Չորեքշաբթի, 24 Փետրուար 2016-ին, տեղի ունեցաւ նախակրթարանի Արցախեան ձեռնարկը, Քերովբէ Պոլեան սրահին մէջ: Յայտագիրը սկսաւ Արցախի քայլերգով, ապա Զ. դասարանէն Ցօղիկ Թրթռեան կատարեց բացման խօսքը, որ յիշելէ ետք ձեռնարկին նպատակը, ըսաւ. «Իբրեւ հայ աշակերտ անհրաժեշտ կը գտնենք Արցախի հերոսական պատմութիւնը ճանչնալը եւ չմոռնալ հերոսներուն զոհողութեան արժէքն ու իմաստը:…
Հայերէն լեզուի դասանիւթի ծիրէն ներս, Լեւոն Շանթի «Հին Աստուածներ» թատրերգութենէն հատուած մը սորվելէ եւ իշխանուհիին ու վանահօր մասին թեր ու դէմ կարծիքներ արտայայտելէ ետք, մենք՝ Թ. դասարանի աշակերտներս, Երկուշաբթի, 22 Փետրուար, 2016-ին ներկայացուցինք «Հին Աստուածներ»-էն բաժին մը: Աղջիկները իշխանուհի հագած, իսկ տղաքը՝ վանահայր, աշակերտները ինքնավստահութեամբ խաղացին իրենց դերերը:…
