Կազմակերպութեամբ Ճեմարանի ընկերա-հոգեբանական գրասենեակին, Շաբաթ, 17 Յունուար 2026-ի առաւօտեան, տարրական բաժինի ծնողներուն հետ տեղի ունեցաւ հանդիպում-զրոյց մը՝ «ծնողներուն եւ իրենց զաւակներուն միջեւ որակեալ եւ շինիչ ժամանակի կարեւորութիւնը» նիւթով: Ճեմարանի տնօրէն Փաուլա Եղիայեան շեշտեց դպրոց-զաւակ-ծնողք կապի կարեւորութիւնը, ինչպէս նաեւ նման հանդիպումներու անհրաժեշտութիւնը: Ապա ներկայացուց դպրոցին մէջ գործող ընկերա-հոգեբանական գրասենեակներու…
Ուրբաթ, 19 Դեկտեմբեր 2025-ին, Ը. դասարանի աշակերտները պատրաստեցին ներկայացում մը՝ «Հայկական Ամանորը» բնաբանով։ Ներկայացման ընթացքին իւրաքանչիւր խմբակ ներկայացուց իրեն տրուած նիւթը՝ անդրադառնալով հայկական ամանորեայ սովորութիւններուն, աւանդութիւններուն, ազգային արժէքներուն: Ինչպէս նաեւ անոնք անդրադարձան այն հարցին, թէ որքանով պահպանուած են այդ սովորութիւնները այսօր Հայաստանի եւ Սփիւռքի մէջ։ Աշակերտները նշեցին, որ…
Արուեստի ծիրին հետ կապակցաբար, Ը. դասարանի իւրաքանչիւր աշակերտ պրպտումներ ըրաւ եւ անգլերէնով ներկայացուց իր նախասիրած արուեստի գործը, ընդհանուր տեղեկութիւններ եւ մանրամասնութիւններ փոխանցեց իր ընտրած պատկերին բնոյթին մասին, առաւել իր կարծիքը յայտնեց անոր նկատմամբ։ Այս ներկայացումները կը միտին աշակերտներուն մօտ արուեստի ճաշակը եւ բանաւոր արտայայտութիւնը զարգացնելու։ Արձակուրդին նախորդող շաբաթը,…
Դեկտեմբեր ամսուան ընթացքին, միջնակարգի Է. դասարանի աշակերտները անգլերէնի դասապահուն ներկայացուցին տարբեր երկիրներու Նոր Տարուան եւ Ս. Ծննդեան սովորութիւններն ու աւանդութիւնները իւրայատուկ ու հետաքրքրական ձեւով: Անոնք կարեւոր գիտելիքներ փոխանցեցին եւ գեղեցիկ մաղթանքներ փոխանակեցին, երբեմն ալ համեստ հիւրասիրութիւններ ըրին տուեալ երկրին սովորութիւններուն հետ առնչուած: Այս աշխատանքին նպատակն է աշակերտներուն բանաւոր…
Անգլերէնի դասապահուն, Զ. դասարանի աշակերտները սորվեցան «Rudolph the red nosed reindeer» երգը։ Իւրաքանչիւր աշակերտ իւրայատուկ պատկերով բացիկ պատրաստեց եւ մաղթանքներ գրեց բացիկին ետին։ Կաղանդի արձակուրդէն առաջ, տօնական մթնոլորտի մէջ, իրենց սորված երգը երգեցին, ապա իրենց պատրաստած բացիկները փոխանակեցին ջերմ մաղթանքներ արտասանելով։ Նաեւ խումբ-խումբ աշակերտներ ներկայացուցին Կաղանդի ու Սուրբ…
Կազմակերպութեամբ ընկերային ծառայութեան գրասենեակին, Չորեքշաբթի, 17 Դեկտեմբեր 2025-ի երեկոյեան, «Պատանեկան տարիքի տարբեր մարտահրաւէրները եւ բախումներ ծնողներուն հետ» նիւթով զրոյց-հանդիպում մը տեղի ունեցաւ միջնակարգի ծնողներուն հետ: Ճեմարանի խնամակալութեան անդամ, Հայկազեան համալսարանի դասախօս Դոկտ. Շաղիկ Գանտահարեան-Խիւտավերտեան մանրամասնութեամբ ներկայացնելէ ետք նիւթը, պատասխանեց ծնողներուն հարցումներուն: Զրուցավարն էր ընկերային ծառայող Սիլվա Սողոմոնեան:
Կազմակերպութեամբ ընկերային ծառայութեան գրասենեակին, Ուրբաթ 19 Դեկտեմբեր 2025-ին, Ճեմարանի տարրական եւ նախակրթարան բաժիններու աշակերտները լծուեցան բարեսիրական աշխատանքի մը: Անոնք իրենց բերած քաղցրաւենիքը զետեղեցին փոքր տոպրակներու մէջ եւ գրեցին սրտաբուխ նամակներ: Այդ ծրարները ուղարկուեցան Այնճարի Հայ Աւետարանական Երկրորդական վարժարանի գիշերօթիկի աշակերտներուն: Այս կապը հաստատելով աշակերտները ուրախացան, որ…
Միջնակարգի աշակերտներուն Կաղանդի խրախճանքը տեղի ունեցաւ Երկուշաբթի, 22 Դեկտեմբերի յետմիջօրէին, Նորսիկեան մանկապարտէզի մէջ:
Երկուշաբթի, 22 Դեկտեմբերին, նախակրթարանի աշակերտները Կաղանդը նշեցին մեծ խանդավառութեամբ։ Անոնք պատրաստեցին Նոր Տարուան բացիկներ, փոխանակեցին նուէրներ, ինչպէս նաեւ խաղացին ու զուարճացան։ Անոնք նաեւ ուղղուեցան շարժապատկեր դիտելու՝ օրուան խորհուրդը նշող ֆիլմ մը։
Երկուշաբթի, 22 Դեկտեմբերին, տարրական բաժինի աշակերտները Կաղանդը նշեցին ուրախ մթնոլորտի մէջ։ Անոնք պատրաստեցին Նոր Տարուան բացիկներ, միասնաբար պատրաստեցին ու եփեցին օրուան խորհուրդը նշող կրկնեփուկներ։ Անոնք ներկայ գտնուեցան «Լունա» մանկական թատերախաղին եւ վերջապէս երգեցին ու պարեցին Կաղանդ Պապուկին հետ։
Երկուշաբթի, 22 Դեկտեմբեր 2025-ի առաւօտեան, Կաղանդի արձակուրդէն առաջ, դպրոցական վերջին օրը, հաճելի անակնկալ մըն էր Կաղանդ Պապային ներկայութիւնը դպրոցին մուտքին:
Երկուշաբթի, 22 Դեկտեմբեր 2025-ին, Նորսիկեան մանկապարտէզի աշակերտները տօնեցին Կաղանդը։ Անոնք մեծ հրճուանքով ու խանդավառութեամբ ներկայացուցին երգեր ու պարեր։ Փոքրիկներուն այցելեց Կաղանդ Պապան, որ խանդավառ մթնոլորտ մը ստեղծեց եւ ջերմացուց երեխաներուն սրտերը։ Ճեմարանի տնօրէնութիւնը յատուկ շնորհակալութիւն կը յայտնէ «Friends of Djemaran» խմբակին՝ ամերիկաբնակ մեր բարեկամներուն եւ բարերարներուն, որոնք հովանաւորեցին…
