Մանկապարտէզի կանաչ դասարաններու վերամուտը տեղի ունեցաւ Երեքշաբթի, 2 Հոկտեմբեր 2012-ին, իսկ վարդագոյն եւ կապոյտ դասարաններու աշակերտներուն վերամուտը՝ 3 եւ 4 Հոկտեմբերին։ Յիշեալ օրերուն, առաւօտեան ժամը 8։30-ին աշակերտները հաւաքուեցան մանկապարտէզի բակը, ուր ուսուցչուհիները կանաչ դասարանի փոքրիկներուն վիզերուն անցուցին գունաւոր puzzle-ներ, կապոյտ դասարանի փոքրիկներուն՝ գունաւոր ժպտուն դէմքեր, իսկ վարդագոյն դասարանի…
«Ազդակ»-ի մանկապատանեկան յաւելուած «Պզտիկ-Մզտիկ»-ի կազմակերպած հայոց պատմութեան գիտելիքներու զարգացման մրցումին մրցանակակիրները` Նանի Գալուստեան, Հայկ Աւօ Աւետիս, Լոռի Գորեսեան եւ Մհեր Փելթեքեան, 1 Սեպտեմբեր 2012-ին, այցելեցին Հայաստան, ուր մէկ շաբթուան տեւողութեան կրթական-դաստիարակչական ծրագիր մը իրականացուցին: Ծրագիրը իրագործուեցաւ շնորհիւ «Եռագոյն ֆոնտ»-ի աջակցութեան եւ Հայաստանի Հանրապետութեան սփիւռքի նախարարութեան համագործակցութեան: Մրցանակակիրները մէկ…
Սկսող եւ արդէն մասնակիօրէն սկսած 2012-2013 կրթական տարեշրջանի գլխաւոր մտահոգութիւնը սուրիահայ դպրոցներու տագնապալի վիճակն է ու սուրիահայ աշակերտներու հոսքը Լիբանան: Բնականաբար մեր պարտքն է ամէն դիւրութիւն ընծայել եւ իրենց բնակութեան վայրէն հարկադրաբար դուրս մղուած հայ աշակերտներուն ապահովել հայեցի կրթութիւն եւ ուսման ընթացքի շարունակութիւն:
Մ. եւ Հ. Արսլանեան Ճեմարանի 2012-2013 տարեշրջանի վերամուտը տեղի ունեցաւ ինչպէս միշտ հանգրուանային ձեւով: Սեպտեմբեր 12-ին երկրորդական բաժինի, ինչպէս նաեւ միջնակարգի Թ. դասարանի աշակերտները արդէն իսկ վերադարձան դպրոց: Սեպտեմբեր 19-ին ամբողջացաւ միջնակարգի վերամուտը: Հինգշաբթի 27 Սեպտեմբերին, արդէն Մ.եւ Հ. Արսլանեան Ճեմարանի դպրոցական կեանքը աւելի բնականոն դարձաւ տարրական բաժինի…
Երեքշաբթի, 18 Սեպտեմբեր 2012-ին, Ճեմարանի հիւանդապահուհի Քրիստին Մխճեան իր մասնակցութիւնը բերաւ հիւանդապահուհիներու արհեստագիտական համագործակցութեան կազմի նախաձեռնած խորհրդաժողովին, որուն ներկայ գտնուեցան Լիբանանի տարբեր դպրոցներէ հիւանդապահուհիներ, որոնք բաժնեկցեցան իրենց անձնական փորձառութիւնները դպրոցէն ներս, քննարկեցին առօրեայ հրատապ հարցեր եւ փոխանակեցին գաղափարներ ու առաջարկներ։ Միջդպրոցական համագործակցութեան կապեր հաստատելու եւ այս մարզին բարելաւում…
Երկուշաբթի, 17 Սեպտեմբեր 2012-ին, ժամը 3։00-ին, տեղի ունեցաւ Մ. եւ Հ. Արսլանեան Ճեմարանի վերամուտի ուսուցչական աւանդական առաջին ժողովը։ Ճեմարանի տնօրէն Տիգրան Ճինպաշեան բարի վերամուտ մաղթեց ուսուցիչներուն ու անոնց փոխանցեց 2012-2013 տարեշրջանին վերաբերող անհրաժեշտ տեղեկութիւնները։ Տնօրէնը ողջունեց Ճեմարանի ուսուցչական կազմին միացած նոր ուսուցիչները եւ յաջողութիւն մաղթեց բոլորին։
Յուլիս ամսուան ընթացքին մանկամսուրի ծրագիրը տարբեր բնոյթ մը կը ստանայ. Երկուշաբթի օրերը երեխաները կ՚ամրապնդեն իրենց ֆիզիքական կարողութիւնները մարզական խաղերու ընթացքին։ Երեքշաբթի օրերը փոքրիկները կը ծանօթանան խոհանոցային աշխատանքին՝ իրենց մասնակցութիւնը բերելով անուշեղէններու պատրաստութեան։ Չորեքշաբթին ամէնէն սպասուած օրն է. երկու մեծ լողաւազաններու մէջ երեխաները ուրախ ժամանակ կ՚անցընեն։ Հինգշաբթի ձեռային աշխատանքի…
Ուրբաթ, 6 Յուլիս 2012-ի երեկոյեան ժամը 7։30-ին, տեղի ունեցաւ ԺԲ. աւարտական դասարանի վկայականներու բաշխման հանդիսութիւնը «Տոքթ. Ատրինէ Գարագաշեան» մարզամշակութային սրահին մէջ, ծնողներուն, շրջանաւարտներուն, դպրոցի բարեկամներուն, անձնակազմին, տնօրէնութեան, խնամակալութեան ու Համազգայինի Կեդրոնական Վարչութեան ներկայութեամբ։ Հանդէսը սկսաւ աւարտական դասարանի աշակերտներուն դպրոցական տարիներու զանազան առիթներու նկարներով տեսերիզի մը ցուցադրութեամբ, որմէ ետք…
Համազգայինի Մ. եւ Հ. Արսլանեան Ճեմարանի աւարտական դասարանի ֆրանսական պաքալորէայի քննութիւններուն ներկայացած 45 աշակերտներէն յաջողած են 43-ը (95,5 առ հարիւր): 17 աշակերտներ արժանացած են յիշատակութեան (7 լաւ, 10 բաւական լաւ): Ստորեւ` յաջողած աշակերտներուն անուանացանկը. Գիտական Դասարան.- Քլոէ Աճեմեան (լաւ), Կասիա Պալեան (լաւ), Բալիկ Գասարճեան (բաւական լաւ), Մարլինա Քէշիշեան…
Չորեքշաբթի, 20 Յունիս 2012-ին տեղի ունեցաւ նախակրթարանի հանդէսը, որ կ՚ընդգրկէր թատրոն, երգ, պար, նկարչութիւն, kong fu եւ ձեռային աշխատանք։ Թատրոնի խմբակի աշակերտները ներկայացուցին «Սասունցի Դաւիթ» երաժշտախառն չափածոյ թատերախաղը՝ բեմադրութեամբ թատրոնի ուսուցիչ Ռոպերթ Առաքելեանի։ Երգչախումբը ելոյթ ունեցաւ հայրենասիրական երկու երգերով՝ Պիտի գնանք եւ Սասունասար, պարի խմբակը՝ հայկական եւ արաբական…
2011-2012 տարեշրջանի տարրական բաժինի ամավերջի հանդէսը տեղի ունեցաւ Ուրբաթ, 15 Յունիսի երեկոյեան ժամը 7։00-ին Ճեմարանի «Տոքթ. Ատրինէ Գարագաշեան» սրահին մէջ։ Տարրական բաժինի աշակերտները հիւրերուն, ծնողներուն եւ հանդիսատեսներուն ներկայացուցին «Ոսկիի կարասը» երգախառն թատերախաղը գեղարուեստական ղեկավարութեամբ հեղինակ-բեմադրիչ Ռոպերթ Առաքելեանին։ Երգուսոյցն էր Մարիա Պարտիզպանեան, իսկ պարուսոյց՝ Մարիժան Ատուրեան։ Բեմի յարդարումը իրագործած…
Կիրակի, 17 Յունիս 2012-ին տեղի ունեցաւ արցախեան ազատամարտիկ, ՀՄԸՄ-ական նահատակ Ճեմարանի շրջանաւարտ Վիգէն Զաքարեանի յիշատակին նուիրուած հեծելարշաւի մրցում մը` հովանաւորութեամբ եւ հսկողութեամբ Լիբանանի հեծելարշաւի ֆետերասիոնին եւ կազմակերպութեամբ ՀՄԸՄ-ի Լիբանանի Շրջանային Վարչութեան:
