Ճեմարանի տնօրէնութեան եւ երկրորդական բաժինի ուսուցիչներու կազմակերպութեամբ, Երկուշաբթի, 21 Նոյեմբեր 2016-ի երեկոյեան ժամը 7:30-ին, «Տոքթ. Ատրինէ Գարագաշեան» սրահէն ներս տեղի ունեցաւ ուսման կողմնորոշման հանդիպում մը՝ ԺԱ. եւ ԺԲ. դասարաններու աշակերտներուն եւ ծնողներուն մասնակցութեամբ: Հանդիպման նպատակն էր ուսման կողմնորոշման եւ համալսարանական կեանքի սեմին գտնուող աշակերտներուն եւ իրենց ծնողներուն առիթը…
Երկուշաբթի, 21 Նոյեմբեր 2016-ի առաւօտեան, միջնակարգ եւ երկրորդական բաժիններու աշակերտները հաւաքուեցան իրենց բակը, ուր ԺԲ. դասարանի աշակերտները օրուան պատգամը փոխանցեցին ներկաներուն: Նարէ Աշգարեան ջութակով նուագեց Լիբանանի քայլերգը, որմէ ետք Էլի Ապտըլ Նուր արաբերէն լեզուով ընթերցեց իր խօսքը: Ան ըսաւ, որ առանց ազատութեան հայրենիք գոյութիւն չ’ունենար եւ առանց անկախութեան…
Կիրակի, 20 Նոյեմբեր 2016-ին, Մանուկներու Համաշխարհային օրուան առթիւ, տեղի ունեցաւ Հ.Մ.Ը.Մ.ի Լիբանանի Շրջանային վարչութեան ԼԵՎԱՄ-ի յանձնախումբին կազմակերպած Քիտզ Աթլեթիքսը Հ.Մ.Ը.Մ.ի «Հայր Պօղոս Արիս» մարզադաշտին վրայ, առաւօտեան ժամը 9-էն մէկ: Քիտզ Աթլեթիքս-ի օրուան աւարտին, բոլոր մասնակցողներուն մրցանակները ներկայացուց ճեմարանական եւ Հ.Մ.Ը.Մ.ի ԼԵՎԱՄ-ի ախոյեան՝ Կարէն Խիւտավերտեանը, որ իր կարգին ստացաւ…
2011-2012 տարեշրջանէն ի վեր, Ճեմարանէն ներս կը գործէ սորվելու դժուարութիւններ ունեցող ներառական կրթութեան բաժանմունքը: Մասնագէտ անձնակազմը եւ ուսուցիչները այս ուսուցման վերաբերող գիտաժողովներուն կը մասնակցին երբ առիթը ներկայանայ: 18 եւ 19 Նոյեմբեր 2016-ին, Լիբանանեան համալսարանին մէջ տեղի ունեցաւ «Դէպի ներառական դպրոց, հեռանկարներ եւ մարտահրաւէրներ» (Vers une école inclusive: perspectives…
Գիտութեան դասանիւթի ծիրէն ներս, տարրական բաժինի Գ. դասարանի աշակերտները ծանօթացան տերեւներուն տեսակներուն: Անոնք իրենց ուսուցչուհիին ընկերակցութեամբ տերեւներ հաւաքեցին Ճեմարանի պարտէզներէն: Աշակերտները նաեւ թաղարներու մէջ հունտեր ցանեցին, որպէսզի զանոնք խնամեն եւ աճեցնեն իրենց դասարաններուն մէջ:
Նոյեմբեր ամսուան առաջին շաբաթը միջնակարգի Ը. դասարաններու աշակերտները ֆրանսերէն լեզուով պատմութեան դասին ընթացքին ներկայացուցին իրենց կատարած խոյզերը 17-րդ դարուն եւրոպացիներու իշխանութեան տակ գտնուող գաղութներու սեւամորթ գերիներուն մասին, որոնց միջոցաւ կը կատարուէին հողամշակութեան զանազան աշխատանքներ, ինչպէս՝ տուրմի, թէյի եւ սուրճի մշակութիւնը: Աշակերտները իրենց խոյզերով անդրադարձան այդ ժամանակաշրջանի առեւտուրին, մարդոց…
Երեքշաբթի, 15 Նոյեմբեր 2016-ին, Նորսիկեան մանկապարտէզի կապոյտ դասարաններու աշակերտները դիտեցին եւ «ուսումնասիրեցին» արմաւը, ապա անով կրկնեփուկ պատրաստեցին:
Մանկապարտէզի կանաչ դասարանի երեխաները դիտեցին չոր պտուղները, ապա պատրաստեցին ընկոյզով կրկնեփուկ:
Երկուշաբթի, 14 Նոյեմբեր 2016-ին Ճեմարան այցելեց ֆրանսահայ լեռնագնաց Արա Խաչատուրեան, որ այս տարուան Մայիսին բարձրացած էր Էվերեսթի գագաթը (8848 մ.) եւ իր նուաճումը նուիրած հայ ժողովուրդին: Տնօրէնութեան կողմէ հիւրընկալուելէ ետք, Արա Խաչատուրեան «Տոքթ. Ատրինէ Գարագաշեան» սրահին մէջ Զ.էն ԺԲ. դասարաններու աշակերտներուն տեսերիզի ցուցադրութեամբ ներկայացուց իր իրագործումը: Միաժամանակ ան…
Հինգշաբթի, 10 Նոյեմբեր 2016-ին, Ճեմարան այցելեցին Հայաստանի Ամերիկեան Համալսարանի ներկայացուցիչներ՝ ընդունման գրասենեակէն Տիկ. Արինա Զօհրապեան եւ շարունակական կրթութեան բաժնի տնօրէն եւ դասախօս Պրն. Սերգէյ Թանթուշեան: Անոնք հանդիպում ունեցան երկրորդական բաժնի ԺԱ. եւ ԺԲ. դասարաններու աշակերտութեան հետ եւ ներկայացուցին համալսարանի կրթական դրութիւնը: Տիկ. Արինա անդրադարձաւ հայրենիքի մէջ ուսանելու հոգեկան…
Հինգշաբթի, 9 Նոյեմբեր 2016-ին, նախակրթարանի Զ. դասարանի աշակերտները այցելեցին Զալքայի մէջ «Բոյս» ջերմոցատունը: «Բոյսերը եւ մարդուն դերը անոնց բեղմնաւորումին մէջ» գիտութեան դասի թեման ընդլայնելու, գիտնի վրայ զայն շօշափելի դարձնելու, անոր կարեւորութեան անդրադառնալու ու մասնագիտական բացատրութիւն ստանալու միտումով դիմեցինք «Բոյս» հաստատութեան տնօրէն, բուսաճարտարագէտ, նախկին ճեմարանական Կարէն Եօսուլքանեանին, որ սիրայօժար…
Կիրակի, 6 Նոյեմբեր 2016-ին տեղի ունեցաւ Լիբանանի մարմնամարզութեան (gymnastique-ի) ախոյեանութիւնը: Ճեմարանի նախակրթարանի Դ. դասարանի աշակերտուհի Նարօտ Կիւրիւնլեան հանդիսացաւ 2007-2008-ի ծնունդներու ախոյեան: Ան ստացաւ նաեւ 3 ոսկի եւ երկու արծաթ մետալ: Կը շնորհաւորենք Նարօտը եւ նորանոր նուաճումներ կը մաղթենք իրեն:
