Շաբաթ, 2 Յունիս 2018-ի առաւօտեան ժամը 10:00-ին, մանկապարտէզի վարդագոյն դասարանի աշակերտները նշեցին մայրերու եւ հայրերու տօնը՝ ներկայութեամբ իրենց ծնողներուն: Սրահը զարդարուած էր երեխաներուն աշխատանքներով: Փոքրիկները ներկայացուցին գեղարուեստական յայտագիր մը, որուն առաջին բաժինը յատկացուած էր մայրերուն եւ հայրերուն, իսկ երկրորդ բաժինը նուիրուած էր Հայաստանի անկախութեան տօնին: Փոքրիկները երգեցին, նուագեցին…
Մանկապարտէզի կապոյտ դասարանի աշակերտները օդանաւի դասը կը սորվին եւ իրենց գիտելիքները ամրապնդելու համար «օդանաւով» կը ճամբորդեն Հայաստան:
Չորեքշաբթի, 30 Մայիս 2018-ի առաւօտեան, Նորսիկեան մանկապարտէզի մոկլիները եւ բոլոր աշակերտները նշեցին Հայաստանի առաջին հանրապետութեան անկախութեան տօնը՝ ազգային երգերով եւ արտասանութիւններով։
Չորեքշաբթի, 30 Մայիս 2018-ի առաւօտեան, Հ.Մ.Ը.Մ.-ի սկաուտական ընտանիքին մաս կազմող Ճեմարանի աշակերտները դպրոց ներկայացան իրենց սկաուտական տարազներով եւ բացօթեայ խաղավայրին մէջ խմբուեցան իրենց յատուկ շարքերով՝ գայլիկ-արծուիկ, արի-արենոյշ, երէց-պարմանուհի։ Տեղի ունեցաւ դրօշակի արարողութիւն, որմէ ետք Հ.Մ.Ը.Մ.-ի խօսքը ընթերցեց եղբայր Հրակ Մեսրոպեան։ Ապա խօսք առաւ Ճեմարանի տնօրէն Փաուլա Եղիայեան, որ…
Չորեքշաբթի, 23 Մայիս 2018-ին, Նորսիկեան մանկապարտէզի փոքրիկները նշեցին Հայաստանի Հանրապետութեան անկախութեան 100-ամեակը: Մանկապարտիզպանուհի Թալին Եահնիեան փոքրիկներուն փոխանցեց Հայաստանի անկախութեան մասին անհրաժեշտ գիտելիքները՝ թուականը, դրօշակը, եւայլն: Ապա փոքրիկները երգեցին եւ ունկնդրեցին Հայաստանի քայլերգը: Կանաչ դասարանի աշակերտները երգեցին հայ զինուորին երգը, ապա բոլոր փոքրիկները «Ի զէն հայեր» երգով փակեցին անկախութեան…
Ֆրանսերէն լեզուի դասանիւթի ծիրէն ներս, Զ. եւ Է. դասարանի աշակերտները բեմականացուցին Մոլիերի ստեղծագործութիւններէն «Le Médecin malgré lui» եւ «Les Fourberies de Scapin»: Հաճելի մթնոլորտի մէջ, աշակերտները ամրապնդեցին իրենց գիտելիքները:
Կիրակի, 13 Մայիս 2018-ին Այնճարի մէջ տեղի ունեցաւ GAJSMA (Կլոպըլ ասոսիէյշըն աֆ ճեփընիզ Սորպոն էնտ մենթըլ արիթմեթիք)- SEMAS (Սորպոն էճիւքէյշըն ֆոր մենթըլ արիթմեթիք սիսթըմ) թուաբանական մրցանքը, որուն մասնակցեցան տարբեր մասնաճիւղերէ աշակերտներ: Կը շնորհաւորենք Ճեմարանի հետեւեալ աշակերտները, որոնք արժանացան մրցանակներու. Տանիէլ Մինասեան, Շուշի Գասապեան, Քրիսթել Մինասեան, Աւօ Խաչատուրեան, Վիքի…
Ուրբաթ, 18 Մայիս 2018-ին, կէսօրուան ժամը 1:30-ին, տարրական բաժինի Ա. դասարաններու աշակերտները նշեցին մայրերու տօնը։ Աշակերտները գեղարուեստական բաժինով պատուեցին իրենց մայրերը եւ սրտաբուխ խօսքերով յուզեցին զանոնք, ապա մամաները եւ աշակերտները միասին ճաշեցին։ Բարի մայրերու տօն բոլոր հայ մայրերուն:
Համազգայինի «Վահէ Սէթեան» հրատարակչատան գրատարածի նախաձեռնութեամբ եւ կազմակերպութեամբ, մանկապատանեկան գիրքերու եւ դաստիարակչական խաղերու շրջուն ցուցահանդէսը տեղի ունեցաւ Ճեմարանի մէջ, Երեքշաբթի, 15 Մայիս 2018-ին: Աշակերտները հետաքրքրութեամբ դիտեցին գիրքերը, ապա հարստացուցին իրենց տան գրադարանը՝ գնելով իրենց նախասիրած գիրքերը:
Հինգշաբթի, 10 Մայիս 2018-ին, տարրական բաժինի Գ. դասարանի աշակերտները Համբարձման տօնը նշեցին դպրոցէն ներս։ Հայերէնի դասապահուն, աշակերտները 7 «աղբիւր»է ջուր լեցուցին խորունկ ամանի մէջ, վիճակ ձգեցին, երգեցին ու պարեցին։
Հինգշաբթի, 10 Մայիս 2018-ին, մանկապարտէզի վարդագոյն դասարանի աշակերտները իրենց ուսուցչուհիներուն ընկերակցութեամբ հաճելի ժամեր անցուցին «Fun Planet» խաղավայրին մէջ։ Անոնք միասին խաղալէ ու զուարճանալէ ետք, շատ ուրախ վերադարձան դպրոց։
Երկուշաբթի, 30 Ապրիլ 2018-ին, Համազգայինի Մ. եւ Հ. Արսլանեան Ճեմարանի աշակերտները տօնական բարձր տրամադրութեամբ նշեցին Հայաստանի Ա. Հանրապետութեան անկախութեան 100-րդ եւ Համազգային Հայ Կրթական եւ Մշակութային Միութեան հիմնադրութեան 90-րդ տարեդարձները: Զոյգ նշումները կատարուեցան երգի, պարի, թատրոնի, դասախօսութիւններու, աշխատանոցներու եւ զարգացման մրցումներու ընդմէջէն: Մանկամսուրի փոքրիկները ունէին իրենց յատուկ…
