Հինգշաբթի, 8 Նոյեմբեր 2018-ին, Նորսիկեան մանկապարտէզի կանաչ դասարանի աշակերտներուն դպրոցական օրը նուիրուած էր առողջ ապրելակերպի եւ մարմինի մաքրութեան:
Օրուան նպատակն էր երեխաներուն մօտ ամրապնդել առողջ ապրելակերպի եւ մարմինի մաքրութեան վերաբերող անհրաժեշտ գիտելիքներ:
Փոքրիկները դպրոց եկած էին սովորական հագուստներով եւ մարզակօշիկներով: Իւրաքանչիւրը իրեն հետ բերած էր իր ակռայի խոզանակը, ակռայի դեղը, օճառ մը եւ անձեռոց մը:
Նախ, աշակերտները ստացան մաքրութեան վերաբերող գիտելիքներ: Այնուհետեւ անոնք ճաշակեցին առողջապահական նախաճաշ մը, որմէ անմիջապէս ետք խոզանակեցին իրենց ակռաներն ու օճառեցին իրենց ձեռքերը: Օրուան յայտագիրը շարունակուեցաւ մրգային աղցանի պատրաստութեամբ: Վերջապէս, փոքրիկները ստացան մարզանքի կարեւորութեան մասին յաւելեալ գիտելիքներ, ապա կատարեցին կարգ մը վարժանքներ:
