Ֆրանսերէն լեզուի դասանիւթի ծիրէն ներս, Զ. եւ Է. դասարանի աշակերտները բեմականացուցին Մոլիերի ստեղծագործութիւններէն «Le Médecin malgré lui» եւ «Les Fourberies de Scapin»: Հաճելի մթնոլորտի մէջ, աշակերտները ամրապնդեցին իրենց գիտելիքները:
Կիրակի, 13 Մայիս 2018-ին Այնճարի մէջ տեղի ունեցաւ GAJSMA (Կլոպըլ ասոսիէյշըն աֆ ճեփընիզ Սորպոն էնտ մենթըլ արիթմեթիք)- SEMAS (Սորպոն էճիւքէյշըն ֆոր մենթըլ արիթմեթիք սիսթըմ) թուաբանական մրցանքը, որուն մասնակցեցան տարբեր մասնաճիւղերէ աշակերտներ: Կը շնորհաւորենք Ճեմարանի հետեւեալ աշակերտները, որոնք արժանացան մրցանակներու. Տանիէլ Մինասեան, Շուշի Գասապեան, Քրիսթել Մինասեան, Աւօ Խաչատուրեան, Վիքի…
Ուրբաթ, 18 Մայիս 2018-ին, կէսօրուան ժամը 1:30-ին, տարրական բաժինի Ա. դասարաններու աշակերտները նշեցին մայրերու տօնը։ Աշակերտները գեղարուեստական բաժինով պատուեցին իրենց մայրերը եւ սրտաբուխ խօսքերով յուզեցին զանոնք, ապա մամաները եւ աշակերտները միասին ճաշեցին։ Բարի մայրերու տօն բոլոր հայ մայրերուն:
Համազգայինի «Վահէ Սէթեան» հրատարակչատան գրատարածի նախաձեռնութեամբ եւ կազմակերպութեամբ, մանկապատանեկան գիրքերու եւ դաստիարակչական խաղերու շրջուն ցուցահանդէսը տեղի ունեցաւ Ճեմարանի մէջ, Երեքշաբթի, 15 Մայիս 2018-ին: Աշակերտները հետաքրքրութեամբ դիտեցին գիրքերը, ապա հարստացուցին իրենց տան գրադարանը՝ գնելով իրենց նախասիրած գիրքերը:
Հինգշաբթի, 10 Մայիս 2018-ին, տարրական բաժինի Գ. դասարանի աշակերտները Համբարձման տօնը նշեցին դպրոցէն ներս։ Հայերէնի դասապահուն, աշակերտները 7 «աղբիւր»է ջուր լեցուցին խորունկ ամանի մէջ, վիճակ ձգեցին, երգեցին ու պարեցին։
Հինգշաբթի, 10 Մայիս 2018-ին, մանկապարտէզի վարդագոյն դասարանի աշակերտները իրենց ուսուցչուհիներուն ընկերակցութեամբ հաճելի ժամեր անցուցին «Fun Planet» խաղավայրին մէջ։ Անոնք միասին խաղալէ ու զուարճանալէ ետք, շատ ուրախ վերադարձան դպրոց։
Երկուշաբթի, 30 Ապրիլ 2018-ին, Համազգայինի Մ. եւ Հ. Արսլանեան Ճեմարանի աշակերտները տօնական բարձր տրամադրութեամբ նշեցին Հայաստանի Ա. Հանրապետութեան անկախութեան 100-րդ եւ Համազգային Հայ Կրթական եւ Մշակութային Միութեան հիմնադրութեան 90-րդ տարեդարձները: Զոյգ նշումները կատարուեցան երգի, պարի, թատրոնի, դասախօսութիւններու, աշխատանոցներու եւ զարգացման մրցումներու ընդմէջէն: Մանկամսուրի փոքրիկները ունէին իրենց յատուկ…
Շաբաթ, 21 Ապրիլ 2018-ին, տեղի ունեցաւ Համազգայինի շրջանային վարչութեան «Թորոս Ռոսլին» կերպարուեստի դպրոցի կազմակերպած միջդպրոցական գծագրական մրցանքը, որուն մասնակցեցան Զ. դասարանէն Գարէն Թորթեան եւ ԺԱ. դասարանէն Կարօ Գրիգորեան: Մրցումի աւարտին, Գարէն Թորթեան եւ Կարօ Գրիգորեան հանդիսացան երկրորդ, իրաքանչիւրը իր տարիքային բաժանմունքին մէջ: Կը շնորհաւորենք զիրենք:
Հինգշաբթի, 3 Մայիս 2018-ին, Նորսիկեան մանկապարտէզի կանաչ դասարանի աշակերտները այցելեցին ջերմոց մը Ֆաուար Անթիլիասի մէջ եւ ծանօթացան զանազան բոյսերու: Փոքրիկները բուսական աշխարհի նոր գիտելիքներ ամրապնդած վերադարձան դպրոց:
Կազմակերպութեամբ Ֆրանսական Սէն Ժոզէֆ համալսարանի (USJ), տեղի ունեցաւ ֆրանսախօս դպրոցներու բանավէճի մրցանք մը, որուն մասնակցեցան 200 աշակերտներ Լիբանանի զանազան դպրոցներէ: Քանի մը շաբթուան վրայ երկարող այս մրցանքին ընթացքին, աշակերտները թեր եւ դէմ կեցուածքներ որդեգրելով մասնակցեցան զանազան նիւթեր ընդգրկող բանավէճերու: 23 Ապրիլ 2018-ին, աւարտական հանգրուանի բանավէճի նիւթն էր՝ կառավարութիւնը…
Ուրբաթ, 27 Ապրիլ 2018-ին, Ճեմարանի աշակերտներէն խումբ մը մասնակցեցաւ Սէն Ժոզէֆ համալսարանի (Université Saint-Joseph) կազմակերպած «Dictée-plaisir» մրցանքին: Է. դասարանէն մինչեւ ԺԱ. դասարանի աշակերտներ, ընկերակցութեամբ ֆրանսերէն լեզուի իրենց ուսուցիչներուն, ներկայացան շատ դաստիարակիչ այս աշխատանքին:
Ուրբաթ, 27 Ապրիլ 2018-ին, միջնակարգի Թ. դասարաններու աշակերտներուն դպրոցական տարեշրջանը աւարտեցաւ։ Կէսօրուան ժամը 1։00-ին, աշակերտները իրենց ուսուցիչներուն ընկերակցութեամբ այցելեցին Նորսիկեան մանկապարտէզի պարտէզը, ուր միասնաբար ճաշեցին: Հաճելի ժամ մը անցընելէ ետք, աշակերտները մեկնեցան դպրոցէն՝ պատրաստուելու համար պետական քննութիւններուն։ Յաջողութիւն կը մաղթենք բոլորին։
