Հինգշաբթի, 20 Յունիս 2024-ի երեկոյեան ժամը 7:00-ին Համազգայինի Մ. եւ Հ. Արսլանեան Ճեմարանի «Տոքթ. Ատրինէ Գարագաշեան» մարզամշակութային սրահին մէջ տեղի ունեցաւ ԺԲ. աւարտական դասարանի վկայականներու բաշխման հանդիսութիւնը, ներկայութեամբ Լիբանանի Հայոց Թեմի Առաջնորդ Գերաշնորհ Տէր Շահէ Արքեպիսկոպոս Փանոսեանի, պետական դէմքերու, քաղաքական կուսակցութիւններու, մարմիններու եւ միութիւններու ներկայացուցիչներու, հայկական վարժարաններու տնօրէններու,…
Երեքշաբթի, 18 Յունիս 2024-ին, երեկոյեան ժամը 7:00-ին, Համազգայինի Մելանքթոն եւ Հայկ Արսլանեան Ճեմարանի «Տոքթ. Ատրինէ Գարագաշեան» սրահէն ներս տեղի ունեցաւ ՀՕՄ-ի Նորսիկեան Մանկապարտէզի ամավերջի հանդէսը, ներկայութեամբ Ճեմարանի անձնակազմին, Համազգայինի Կեդրոնական Վարչութեան, Ճեմարանի խնամակալութեան, ծնողներու, բարեկամներու եւ շրջանաւարտներու: Բացման խօսքը կատարեց մանկապարտիզպանուհի Թալին Եահնիեան: Ան ողջունեց ներկաները եւ ըսաւ….
Այս տարի, Ե. դասարանի աշակերտներս ծանօթացանք մեր հայրենիքին՝ Հայաստանի աշխարհագրութեան: Մեր հայրենիքը ժամանակին շատ ընդարձակ եղած է: Դարեր շարունակ մեր նախահայրերը հոն ապրած են. անոնք զարգացուցած ու շէնցուցած են այդ հողը եւ հոն ստեղծած են պետականութիւն: Մեր հայրենիքը՝ Հայկական լեռնաշխարհէն մինչեւ Միջերկրականեան Հայաստան (Կիլիկիա), անգամ օտարները շարունակեր են…
Շաբաթ, 8 Յունիս 2024-ին, մանկապարտէզի Վարդագոյն դասարանի փոքրիկները նշեցին մամաներու եւ պապաներու տօնը։ Փոքրիկները իրենց երգերով, պարերով եւ խօսքերով խանդավառեցին ներկաները։
Հինգշաբթի, 6 Յունիս 2024-ին, Ա. դասարանի փոքրիկները երգերով, պարերով եւ արտասանութիւններով նշեցին մայրերու տօնը։ Անոնք իրենց մամաներուն հետ զանազան խաղեր խաղացին ստեղծելով հաճելի մթնոլորտ մը։ Հաւաքոյթի աւարտին, տեղի ունեցաւ հիւրասիրութիւն։
Հինգշաբթի, 6 Յունիս 2024-ին, տեղի ունեցաւ տարրական բաժինի եւ նախակրթարանի Դ. եւ Ե. դասարաններու աշակերտներուն ձեռային աշխատանքներու եւ գծագրութիւններու ցուցահանդէսը։ Ծնողները մեծ հաճոյքով ըմբոշխնեցին իրենց զաւակներուն ստեղծագործութիւնները:
Ուրբաթ, 31 Մայիս 2024-ին, Ճեմարանի Յարութիւն եւ Ազնիւ Պզտիկեան պարտէզին մէջ տեղի ունեցաւ կալա-ընդունելութիւն մը, ներկայութեամբ աւելի քան 100 անձերու։ Ձեռնարկին բացումը կատարեց Ճեմարանի հանրային կապերու գրասենեակի պատասխանատու Արին Գալուստեան։ Ան բարի գալուստ մաղթեց ներկաներուն եւ ներկայացուց օրուան յայտագիրը։ Ապա խօսք առաւ տնօրէն Փաուլա Եղիայեան, որ հակիրճ ակնարկով…
Երկուշաբթի, 3 Յունիս 2024-ի առաւօտեան, Ճեմարանի տնօրէնութիւնը հիւրընկալեց սփիւռքահայ մտաւորական Դոկտ. Հրայր Ճէպէճեանը: Ան տնօրէնուհիին հետ զրուցեց Ճեմարանի պատմութեան եւ առօրեային մասին, միաժամանակ պատմեց ճեմարանականներու հետ ունեցած իր յուշերը: Հանդիպումին աւարտին Դոկտ. Ճէպէճեան Ճեմարանին նուիրեց իր «Հայկական Ազգագրական Պատկերներ» մակագրուած հատորը եւ դարձեալ հանդիպելու խոստումով մեկնեցաւ Ճեմարանէն:
Հինգշաբթի, 30 Մայիս 2024-ին Ազգային առաջնորդարանի «Երջօ Սամուէլեան-Եռագոյն» սրահին մէջ տեղի ունեցաւ «Վանայ Ձայն»-ի «Ճիշդ հնչենք» մրցում-յայտագիրին տասներորդ տարեշրջանի աւարտական մրցումը եւ մրցանակաբաշխութիւնը: Ուրախութեամբ կը յայտնենք, որ Ճեմարանի աշակերտներէն Մեղրի Յովհաննէսեան առաջին հանդիսացաւ ութերորդ դասարանի մրցումին: Ձեռնարկին մանրամասնութիւնները կարդալ այստեղ:
Ուրբաթ, 31 Մայիս 2024-ին, Ճեմարանի Յարութիւն եւ Ազնիւ Պզտիկեան պարտէզին մէջ տեղի ունեցաւ կալա-ընդունելութիւն մը, ներկայութեամբ աւելի քան 100 անձերու։ Ձեռնարկին բացումը կատարեց Ճեմարանի հանրային կապերու գրասենեակի պատասխանատու Արին Գալուստեան, ապա խօսք առաւ տնօրէն Փաուլա Եղիայեան, որ հակիրճ ակնարկով զեկուցեց Ճեմարանի աշակերտութեան թիւին, կրթական ու այլ ծրագիրներուն եւ…
Հայաստանի Ա. Հանրապետութեան 106-ամեակին առիթով, Երկուշաբթի, 27 Մայիս 2024-ին, կէսօրուան ժամը 11:30-ին, Ճեմարանի «Տոքթ. Ատրինէ Գարագաշեան» սրահին մէջ տեղի ունեցաւ աշակերտական միացեալ տօնակատարութիւն, մասնակցութեամբ Ազգային Եղիշէ Մանուկեան քոլեճի, Ազգային Միացեալ վարժարանի, Ազգ. Յառաջ-Գ. Կիւլպէնկեան վարժարանի եւ Համազգայինի Մելանքթոն եւ Հայկ Արսլանեան ճեմարանի աշակերտներուն, Լիբանանի հայոց թեմի Ուսումնական խորհուրդի…
Կիրակի, 26 Մայիս 2024-ին Պուրճ Համուտի քաղաքապետարանի դաշտին վրայ տեղի ունեցած մայիսեան փառատօնին Ճեմարանի աշակերտները իրենց բաժակներով եւ մետալներով մեծաթիւ մասնակցութեամբ տողանցեցին: Փառատօնին ընթացքին տեղի ունեցաւ ԼԵՎԱՄ-ի 2023-24 տարեշրջանի վահանի տուչութիւնը` Համազգայինի Մ. եւ Հ. Արսլանեան ճեմարանին: Ուրախութեամբ կը յայտնենք նաեւ, որ Ալեքքօ Պէզիքեանի նուիրուած լաւագոյն մարզիկի մրցանակը…
