Երկուշաբթի, 27 Մայիս 2024-ին, տարրական բաժինի աշակերտները կը նշեն Հայաստանի անկախութեան տօնը: Յայտագիրը կը սկսի Հայաստանի քայլերգով, ապա երրորդ դասարանի աշակերտները կ’ընթերցեն հայ զօրավարներու եւ բանաստեղծներու անկախութեան նուիրուած խօսքեր: Օրուան խորհուրդը կը փոխանցէ Ճեմարանի շրջանաւարտ Բագրատ Գրիգորեան: Ձեռնարկը կ’աւարտի Սարդարապատ յաղթերգով: Աշակերտները անկախութիւնը խորհրդանշող ձեռային աշխատանքներ կը կատարեն,…
Կազմակերպութեամբ Հայկազեան համալսարանի ուսանողական արտադասարանային գործունէութեանց բաժանմունքին, Չորեքշաբթի, 22 Մայիս 2024-ին, տեղի ունեցաւ մետաղաշերտերու վրայ հայկական զարդանախշեր դրոշմելու դասընթացք, Հայաստանի Յովհաննէս Շարամբէեանի անուան ժողովրդական արուեստներու թանգարանի փոխտնօրէն Գայիանէ Ասլանեանի եւ գիւմրեցի վարպետ-դարբին Յովհաննէս Մընոյեանի ներկայութեամբ եւ առաջնորդութեամբ: Դասընթացքին մասնակցեցան միջնակարգի Ը. դասարանի աշակերտները: Շնորհակալութիւն կը յայտնենք Հայկազեան…
Ուրբաթ, 24 Մայիս 2024-ի առաւօտեան, Հ.Մ.Ը.Մ.-ի սկաուտական ընտանիքին մաս կազմող Ճեմարանի աշակերտները դպրոց ներկայացան իրենց սկաուտական տարազներով եւ բացօթեայ խաղավայրին մէջ խմբուեցան իրենց յատուկ շարքերով՝ գայլիկ-արծուիկ, արի-արենոյշ, երէց-պարմանուհի։ Տեղի ունեցաւ դրօշակի արարողութիւն, որմէ ետք Հ.Մ.Ը.Մ.-ի խօսքը ընթերցեց ճեմարանի շրջանաւարտ քոյր Արին Կիւլլիւճեան։ Ապա խօսք առաւ Ճեմարանի վարչական պատասխանատու…
Կազմակերպութեամբ Ճեմարանի գիտութեան դասատուին, միջնակարգի եւ Ժ. դասարանի աշակերտական խմբակներ կատարեցին գիտական զանազան նիւթերու ուսումնասիրական եւ ստեղծագործական աշխատանքներ: Քանի մը ամսուան աշխատանքէ ետք, 15 Մայիս 2024-ին, «Տոքթ. Ատրինէ Գարագաշեան» սրահին մէջ, տեղի ունեցաւ աշակերտական ստեղծագործութիւններու ցուցահանդէս, որուն հրաւիրուած էին նաեւ ծնողները: Աշակերտները գիտական տարբեր փորձարկումներով ներկայացուցին իրենց աշխատանքները,…
Ուրախութեամբ կը յատնենք, որ ՀՄԸՄ-ի ԼԵՎԱՄ-ի յանձնախումբին կազմակերպած հեծելարշաւի մրցումներուն Ճեմարանի աշակերտները ապահովեցին փայլուն արդիւնքներ: Ստորեւ մրցանակակիր աշակերտներուն անունները. 2020-2011 – Աղջիկ. Լօրէն Ճերմակեան՝ առաջին Տղայ. Գալէ Դրօ Հարպոյեան՝ առաջին 2008-2009 – Աղջիկ. Վիքի Կիրակոսեան՝ երկրորդ Տղայ. Նարեկ Չերքէզեան՝ երկրորդ 2006-2007 – Աղջիկ. Գլէա Արապաղեան՝ առաջին Տղայ. Կի…
Ուրբաթ, 17 Մայիս 2024-ին, միջնակարգի Թ. դասարաններու աշակերտներուն դպրոցական տարեշրջանը աւարտեցաւ։ Կէսօրուան ժամը 1։00-ին, աշակերտները իրենց ուսուցիչներուն ընկերակցութեամբ այցելեցին Նորսիկեան մանկապարտէզի պարտէզը, ուր միասնաբար ճաշեցին, պարեցին եւ հաճելի ժամանակ անցուցին: Ապա աշակերտները մեկնեցան դպրոցէն՝ պատրաստուելու համար ամավերջի քննութիւններուն։
Աշխարհագրութիւնը աշակերտին քննական մտածողութիւնը զարգացնող, հետաքրքրութիւնը արթնցնող դասանիւթ մըն է: Ան կը պարփակէ բնավայրերուն, շրջապատին, մակերեւոյթին եւ երկրագունդին բնակչութեան մասին գիտելիքներ. կը զարգացնէ նաեւ մշակոյթի, միջավայրի եւ շրջապատի ըմբռնումն ու լաւ ծանօթացումը: Աշխարհագրութիւնը կը նպաստէ աշակերտին հաղորդակցութեան, կը բարելաւէ անոր մասնակցութիւնը, առիթ կը ստեղծէ խորհրդակցութեան: Աշխարհագրութեան դասանիւթի…
Հինգշաբթի, 9 Մայիս 2024-ին, Ճեմարանի միջնակարգի եւ երկրորդական բաժինի Ժ. դասարանի աշակերտները նշեցին Շուշիի ազատագրութեան 32-ամեակը: Արցախի քայլերգին ունկնդրութենէն ետք, խօսք առաւ Ժ. դասարանէն Պաղտիկ Պաղտասարեան եւ ըսաւ. «Ամէն տարի, այս օրը հպարտութեամբ եւ յուզումով կը յիշենք այս հարսանիքը կերտողներէն ճեմարանական Վիգէն Զաքարեանի նահատակութիւնը 8 Մայիսին: Վիգէնի եւ…
Հինգշաբթի, 2 Մայիս 2024-ին տեղի ունեցաւ «Մարզական Օր» Ճեմարանի բոլոր բաժիններուն մէջ։ Ամբողջ օրուան ընթացքին կիրարկուեցան զանազան մարզախաղեր Ճեմարանի եւ «Աղբալեան-ՀՄԸՄ» մարզամշակութային համալիրին մէջ: Աշակերտ, մարզիչ, ուսուցիչ, պաշտօնեայ եւ շրջանաւարտ ձեռք-ձեռքի տուած հաճելի եւ դաստիարակիչ օր մը անցուցին:
Երկուշաբթի, 29 Ապրիլ 2024-ին, Ճեմարանի միջնակարգի եւ երկրորդականի աշակերտները «Յակոբ Տէր Մելքոնեան» թատերասրահին մէջ ներկայ գտնուեցան «Արցախի Ձայներ» երաժշտական խումբի աշակերտական համերգին: Երեքշաբթի, 30 Ապրիլին «Արցախի Ձայներ» խումբը այցելեց Ճեմարան: Խումբի անդամները տնօրէնութեան ընկերակցութեամբ շրջեցան դպրոցին մէջ, հիացմունքով դիտեցին մեծ պատի մը վրայ աշակերտներուն մատներով դաջուած Արցախի խորհրդանիշ…
Երկուշաբթի, 29 Ապրիլ 2024-ի երեկոյեան, Ճեմարանի բացօթեայ խաղավայրին մէջ, տեղի ունեցաւ աւարտական դասարանի աշակերտներուն կազմակերպած հրաժեշտի խորովածի երեկոն՝ տնօրէնութեան, պաշտօնէութեան եւ ուսուցիչներու ներկայութեամբ։ Յաջորդ օրը երկար սպասուած վերջին զանգի օրն էր: 30 Ապրիլի առաւօտեան աւարտականները դպրոցին մուտքին ուրախութեամբ դիմաւորեցին աշակերտութիւնն ու անձնակազմը, ապա մեկնեցան դէպի Նշան Փալանճեան Ճեմարան,…
Ուրբաթ, 26 Ապրիլ 2024-ին, Հայաստանի Աշխարհագրութեան դասապահուն անակնկալօրէն Ե. դասարան այցելեցին Գիւմրիէն ժամանած Ճեմարանաւարտ եւ առաջին խաչքարագործ հայուհի Նարինէ Փօլատեանն ու իր ամուսինը՝ Հայաստանի Հանրապետութեան Պաշտպանութեան Նախարարութեան Հասարակական խորհուրդի անդամ Ժորա Աբգարեանը: Նարինէն աշակերտներուն հետ մտերմիկ զրոյցի ընթացքին պատմեց, թէ ի՛նչպէս որոշեց երթալ Հայաստան եւ հոն շատ պատահաբար…
